ಅಭಿಷೇಕ್ (@Casual_birder) ಹೆಸರಿನ ಛಾಯಾಗ್ರಾಹಕರೊಬ್ಬರು 2023ರ ಜುಲೈ 3ರಂದು ತಮ್ಮ ಎಕ್ಸ್ ಖಾತೆಯಲ್ಲಿ ಎರಡು ಫೋಟೋಗಳನ್ನು ಪೋಸ್ಟ್ ಮಾಡಿದ್ದರು. ಅದರ ಜೊತೆಗೆ ಪಕ್ಷಿಯನ್ನು ಹುಡುಕುವ ಸವಾಲು ಎಂದು ಶೀರ್ಷಿಕೆ ನೀಡಿದ್ದರು. ಸದ್ಯ ಆ ಫೋಟೋಗಳು ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡಿದ್ದು, ಮತ್ತೆ ಕಣ್ಣಿಗೊಂದು ಸವಾಲು ಹಾಕಿವೆ. ನೀವು ಮೇಲೆ ನೋಡುತ್ತಿರುವ ಚಿತ್ರದಲ್ಲಿ ಒಟ್ಟು ಮೂರು ಪಕ್ಷಿಗಳಿವೆ. ಅವುಗಳನ್ನು ಹುಡುಕುವುದು ಹುಲ್ಲಿನ ಬಣವೆಯಲ್ಲಿ ಸೂಜಿಯನ್ನು ಹುಡುಕುವುದಷ್ಟೇ ಕಠಿಣವಾಗಿದೆ. ಹೌದು, ಪಕ್ಷಿಗಳನ್ನು ಹುಡುಕಲು ನೀವು ಬಹಳಷ್ಟು ಯೋಚಿಸಬೇಕಾಗುತ್ತದೆ. ಈಗಾಗಲೇ ಅನೇಕ ಜನರು ಪ್ರಯತ್ನಿಸಿದ್ದಾರೆ. ಆದರೆ, ಅವರಿಗೆ ಒಂದೇ ಒಂದು ಪಕ್ಷಿಯನ್ನು ಗುರುತಿಸಲು ಸಾಧ್ಯವಾಗಿಲ್ಲ. ಮೂರು ಪಕ್ಷಿಗಳಿರಲಿ ಕನಿಷ್ಠ ಒಂದು ಪಕ್ಷಿಯನ್ನಾದರೂ ಹುಡುಕಲು ಬಯಸಿದರೆ, ನೀವು ಚಿತ್ರದ ಪ್ರತಿಯೊಂದು ಮೂಲೆಯನ್ನೂ ಎಚ್ಚರಿಕೆಯಿಂದ ನೋಡಬೇಕಾಗುತ್ತದೆ.
