ವಿವಾದದ ಅಲೆಯಲ್ಲೇ ಬಾಕ್ಸ್​ ಆಫೀಸ್​ ಧೂಳೇಬ್ಬಿಸಿದ ಸಿನಿಮಾ ಈಗ ಒಟಿಟಿಯಲ್ಲೂ ಅಬ್ಬರ! ಹೊಸ ಮೈಲಿಗಲ್ಲು ಬರೆದಿದೆ ಈ ಚಿತ್ರ

ಬೆಂಗಳೂರು: ಕೆಲವೊಂದು ಸಿನಿಮಾಗಳು ಸ್ಟಾರ್ ನಟರ ಮುಖವಾಣಿಯಿಂದಲೇ ಚಿತ್ರಮಂದಿರಗಳಲ್ಲಿ ಭರ್ಜರಿ ಪ್ರದರ್ಶನ ಕಂಡರೆ ಇನ್ನೂ ಕೆಲವು ಚಿತ್ರಗಳು ಒಳ್ಳೆಯ ಕಥಾಹಂದರ, ಉತ್ತಮ ಪ್ರಚಾರ ಕಾರ್ಯಗಳಿಂದಲೇ ಗೆಲುವು ದಾಖಲಿಸುತ್ತದೆ. ಆದರೆ, ಈ ಬಾಲಿವುಡ್​ ಚಿತ್ರವು ಬಿಡುಗಡೆಗೊಂಡ ಮೊದಲ ದಿನವೇ ಭಾರೀ ಟೀಕೆ, ವಿವಾದಕ್ಕೆ ಸಿಲುಕಿದರೂ ಸಹ ಅದನ್ನೇ ಮೈಲೇಜ್ ಆಗಿ ಪಡೆದು, ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಗಳಿಕೆ ಕಂಡಿತು. ಈ ಮೂಲಕವೇ ಸಿನಿಮಾ ಯಶಸ್ಸಿನ ಹಾದಿ ಹಿಡಿದಿದ್ದು, ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ರಿಲೀಸ್ ಪಡೆಯಲು ಬಹಳ ಸಮಯ ತೆಗೆದುಕೊಂಡಿತು. ಅದಕ್ಕೆ ಕಾರಣ ಹೀಗಿದೆ.

ಇದನ್ನೂ ಓದಿ: ಸನಾ ಜಾವೆದ್ ಕೈಹಿಡಿಯುತ್ತಿದ್ದಂತೆ ಕೈಕೊಟ್ಟ ಶೋಯೆಬ್ ಮಲಿಕ್ ಅದೃಷ್ಟ..! ಸಾನಿಯಾ ಶಾಪ ಇಷ್ಟು ಬೇಗ ತಟ್ಟಿತಾ ಎಂದ ನೆಟ್ಟಿಗರು 

ಬಾಲಿವುಡ್​ ನಟಿ ಅದಾ ಶರ್ಮಾ ಮುಖ್ಯಭೂಮಿಕೆಯಲ್ಲಿ ನಟಿಸಿದ ದ ಕೇರಳ ಸ್ಟೋರಿ ಮೇ 05, 2023ರಂದು ಜಾಗತಿಕವಾಗಿ ಬಿಡುಗಡೆಗೊಂಡಿದ್ದೇ ಆದರೂ ರಿಲೀಸ್​ಗೂ ಮುನ್ನ ಹಾಗೂ ಬಳಿಕ ಭಾರೀ ವಿವಾದಕ್ಕೆ ಸಿಲುಕಿತ್ತು. ಸಾವಿರಾರು ಕೇರಳದ ಮಹಿಳೆಯರನ್ನು ಬಲವಂತವಾಗಿ ಇಸ್ಲಾಂಗೆ ಮತಾಂತರಿಸಿರುವ ನೈಜ ಘಟನೆಗಳನ್ನು ಆಧರಿಸಿದ ಚಿತ್ರ ಇದಾಗಿದೆ ಎಂದು ಬಹಿರಂಗವಾಗಿ ನಿರ್ಮಾಪಕರು ಹೇಳಿದ್ದರು.

ಮಿಶ್ರ ವಿಮರ್ಶೆಗಳ ಹೊರತಾಗಿಯೂ ಈ ಸಿನಿಮಾ ತೀವ್ರ ವಿವಾದಕ್ಕೆ ಕಾರಣವಾಗಿದೆ. ಇದು ಚಿತ್ರಕ್ಕೆ ದೊಡ್ಡ ಹೊಡೆತ ಕೊಡುತ್ತದೆ ಎಂದೇ ಮೊದ ಮೊದಲು ಹೇಳಲಾಗಿತ್ತು. ಆದರೆ, ಈ ಅಂಶವೇ ಚಲನಚಿತ್ರಕ್ಕೆ ಭರ್ಜರಿ ಗೆಲುವು ನೀಡಿದ್ದು, ವಿವಾದ ಅಲೆಯಲ್ಲೇ ಭಾರತೀಯ ಗಲ್ಲಾಪೆಟ್ಟಿಗೆ ಧೂಳೇಬ್ಬಿಸಿದ ಈ ಚಿತ್ರವು ನಿರೀಕ್ಷೆಗೂ ಮೀರಿದ ಆದಾಯವನ್ನು ನಿರ್ಮಾಪಕರಿಗೆ ತಂದುಕೊಟ್ಟಿತು.

ಇದನ್ನೂ ಓದಿ: ಜಿಲ್ಲಾ ಉಸ್ತುವಾರಿ ಸಚಿವ ಸಂತೋಷ ಲಾಡ್ ವಿಷಾದ; ಇತಿಹಾಸವನ್ನು ತಿರುಚಿ ಹೇಳುವ ಕೆಲಸ

ಥಿಯೇಟರ್​ನಲ್ಲಿ ಗೆಲವು ಸಾಧಿಸಿದ ಸಿನಿಮಾವನ್ನು ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ಪ್ರಸಾರ ಮಾಡುವ ಧೈರ್ಯ ಮೊದಲಿಗೆ ಯಾರು ಮಾಡಲಿಲ್ಲ. ಈ ಕಾರಣದಿಂದಲೇ ಕಳೆದ ವರ್ಷ ರಿಲೀಸ್ ಆದ ಈ ಚಿತ್ರವು ಇಲ್ಲಿಯವರೆಗೂ ಒಟಿಟಿಗೆ ಬಂದಿರಲಿಲ್ಲ. ಆದ್ರೆ, ಈಗ ಜೀ5 ದ ಕೇರಳ ಸ್ಟೋರಿ ಚಿತ್ರದ ಡಿಜಿಟಲ್ ಹಕ್ಕನ್ನು ಖರೀದಿಸಿದ್ದು, ತಮ್ಮ ಆ್ಯಪ್​ನಲ್ಲಿ ಲೈವ್​ ಸ್ಟ್ರೀಮಿಂಗ್ ಮಾಡುತ್ತಿದೆ.

ಫೆ.16, 2024ರಂದು ಲೈವ್​ ಸ್ಟ್ರೀಮಿಂಗ್ ಪಡೆದ ಈ ಸಿನಿಮಾ ಇದೀಗ ಒಟಿಟಿಯಲ್ಲೂ ಮೈಲಿಗಲ್ಲು ಸಾಧಿಸಿದೆ. ಇತ್ತೀಚಿನ ವರದಿ ಪ್ರಕಾರ, ಜೀ5ನಲ್ಲಿ ರಿಲೀಸ್ ಆಗಿ ಇದೀಗ 30 ಕೋಟಿ ನಿಮಿಷಗಳಷ್ಟು ವೀಕ್ಷಣೆ ದಾಖಲಿಸಿದೆ. ಬಿಡುಗಡೆಗೊಂಡ ಎರಡೇ ವಾರಗಳಲ್ಲಿ ಈ ಗುರಿಯನ್ನು ಸಾಧಿಸಿರುವ ಚಿತ್ರವು ಪ್ರಸ್ತುತ ಬಹು ಭಾಷೆಗಳಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ.

ಇದನ್ನೂ ಓದಿ: ಎಚ್ಚರ: ಆನ್‌ಲೈನ್ ಷೇರ್ ಟ್ರೇಡಿಂಗ್ ವಂಚನೆ: ಬರೋಬ್ಬರಿ 2.5 ಕೋಟಿ ರೂ. ಮೋಸ ಹೋದ ವೈದ್ಯ!

ಸುದೀಪ್ತೋ ಸೇನ್ ನಿರ್ದೇಶನದ ಈ ಚಿತ್ರದಲ್ಲಿ ಯೋಗಿತಾ ಬಿಹಾನಿ, ಸೋನಿಯಾ ಬಲಾನಿ, ಸಿದ್ಧಿ ಇದ್ನಾನಿ, ದೇವದರ್ಶಿನಿ, ವಿಜಯ್ ಕೃಷ್ಣ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಸನ್‌ಶೈನ್ ಪಿಕ್ಚರ್ಸ್‌ನ ವಿಪುಲ್ ಅಮೃತಲಾಲ್ ಶಾ ನಿರ್ಮಿಸಿರುವ ಈ ಚಿತ್ರಕ್ಕೆ ವಿಶಾಖ್ ಜ್ಯೋತಿ ಮತ್ತು ವಿರೇಶ್ ಶ್ರೀವಲ್ಸ ಸಂಗೀತ ಸಂಯೋಜಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/this-viral-video-makes-netizens-heart-melt