ಹರಿಯಾಣ: ಒಬ್ಬ ಮನುಷ್ಯ ತಾನು ಆರೋಗ್ಯಕರ ಜೀವನ ನಡೆಸಬೇಕು, ಕಟ್ಟುಮಸ್ತಾದ ದೇಹ ನನ್ನದಾಗಿರಬೇಕು ಎಂಬ ಆಲೋಚನೆಯಲ್ಲಿ ಉತ್ತಮ ಗುಣಮಟ್ಟ, ಪ್ರೋಟಿನ್ಯುಕ್ತ ಆಹಾರಗಳನ್ನು ಕ್ರಮಬದ್ಧವಾಗಿ ಡಯಟ್ ಹೆಸರಿನಡಿ ಸೇವಿಸುವ ಮೂಲಕ ಒಳ್ಳೆಯ ಆರೋಗ್ಯ ಕಾಪಾಡಿಕೊಳ್ಳುವ ಪ್ರಯತ್ನದಲ್ಲಿ ತೊಡಗಿರುತ್ತಾನೆ. ಇದಕ್ಕಾಗಿ ತನ್ನ ದೈನಂದಿನ ಕೆಲಸಗಳನ್ನು ಕೆಲವು ಗಂಟೆಗಳ ಕಾಲ ಬದಿಗಿಟ್ಟು, ಒಂದೆರೆಡು ತಾಸು ವ್ಯಾಯಾಮಗಳಿಗೆ ಮೀಸಲಿಡುತ್ತಾನೆ. ದೇಹದ ಆಕಾರವನ್ನು ನೋಡುಗರ ಗಮನಸೆಳೆಯುವಂತೆ ರೂಪಿಸಿಕೊಳ್ಳುತ್ತಾನೆ. ನಮಗೆಲ್ಲ ತಿಳಿದಿರುವಂತೆ ಇದು ಕೇವಲ ಮನುಷ್ಯರಲ್ಲಿ ಮಾತ್ರ ನೋಡಲು ಸಾಧ್ಯ. ಆದ್ರೆ, ಇಲ್ಲೊಬ್ಬರು ವ್ಯಕ್ತಿ, ನಾವು ಮಾತ್ರ ಏಕೆ ಡಯಟ್, ಫಿಟ್ನೆಸ್ ಮಾಡಬೇಕು? ನಮ್ಮ ಮನೆಯಲ್ಲಿರುವ ಕೋಣ (Buffalo) ಕೂಡ ಇದೇ ಮಾರ್ಗವನ್ನು ಅನುಸರಿಸಿ, ಫಿಟ್ ಆಗಿರಬೇಕು ಎಂದು ವಿನೂತನ ಪ್ರಯತ್ನದಲ್ಲಿ ಇದೀಗ ಯಶಸ್ವಿಯಾಗಿದ್ದಾರೆ.
