ಇನ್ನೂ ಒಟಿಟಿಗೆ ಎಂಟ್ರಿ ಕೊಟ್ಟಿಲ್ಲ ಈ ಎರಡು ಬ್ಲಾಕ್‌ಬಸ್ಟರ್‌ ಸಿನಿಮಾಗಳು!; ಕಾರಣ ಹೀಗಿದೆ

ಮುಂಬೈ: ಬಾಲಿವುಡ್​ ಅಂಗಳದಲ್ಲಿ ಬಿಡುಗಡೆಗೊಂಡ ಈ ಎರಡು ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆಗಳನ್ನು ಪಡೆದುಕೊಳ್ಳುವುದರ ಜತೆಗೆ ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಗಳಿಕೆಯನ್ನು ಕಂಡಿತು.

ಇದನ್ನೂ ಓದಿ: BBKS10: ವರ್ತೂರು ಸಂತೋಷ್​ ರೀ-ಎಂಟ್ರಿ?; ವೀಕ್ಷಕರಿಗೆ ನಟ ಸುದೀಪ್​ ಹೇಳಿದ್ದಿಷ್ಟು

ಸಿನಿಪ್ರಿಯರ ಗಮನಸೆಳೆದ ಈ ಸಿನಿಮಾಗಳು ರಿಲೀಸ್​ ಆಗಿ ಇಷ್ಟು ದಿನಗಳು ಕಳೆದರೂ ಕೂಡ ಇನ್ನೂ ಯಾವುದೇ ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ವೀಕ್ಷಣೆಗೆ ಲಭ್ಯವಾಗಿಲ್ಲ ಎಂಬ ಸಂಗತಿ ಸದ್ಯ ಅನೇಕರಲ್ಲಿ ಗೊಂದಲ ಮೂಡಿಸಿದೆ.

ಈ ವರ್ಷದ ಆರಂಭದಲ್ಲಿ ಬ್ಲಾಕ್‌ಬಸ್ಟರ್‌ ಸಿನಿಮಾಗಳನ್ನು ನೀಡಿದ ಬಾಲಿವುಡ್, ಮಧ್ಯಮ ಬಜೆಟ್​ನಲ್ಲಿ ತಯಾರಾದ 'ದಿ ಕೇರಳ ಸ್ಟೋರಿ' ಮತ್ತು 'ಜರಾ ಹಟ್ಕೆ ಜರಾ ಬಚ್ಕೆ' ಗಲ್ಲಾಪೆಟ್ಟಿಗೆಯಲ್ಲಿ ಘನ ಪರಿಣಾಮ ಬೀರಿದ ಚಲನಚಿತ್ರಗಳು ಎಂಬ ಪಟ್ಟಿಗೆ ಸೇರಿತು. ಆದ್ರೆ ಈ ಚಿತ್ರಗಳು ಇನ್ನೂ ಒಟಿಟಿಗೆ ಬರದಿರಲು ಕಾರಣವೇನು ಎಂಬುದಕ್ಕೆ ಇಲ್ಲಿದೆ ಮಾಹಿತಿ.

ಇದನ್ನೂ ಓದಿ: ಆಟೋಗೆ ಡಿಕ್ಕಿ ಹೊಡೆದ ವಂದೇ ಭಾರತ್ ರೈಲು; ತಾಯಿ, ಇಬ್ಬರು ಹೆಣ್ಣು ಮಕ್ಕಳು ಮೃತ್ಯು

ಕೇರಳದಲ್ಲಿ ನಡೆದ ನೈಜ ಘಟನೆ ಆಧರಿತ ಚಿತ್ರ ಎಂದು ಹೇಳಲಾದ 'ದಿ ಕೇರಳ ಸ್ಟೋರಿ' ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಕಲೆಕ್ಷನ್​ ಮಾಡಿತು. ಜತೆಗೆ ಭಾರೀ ವಿವಾದಕ್ಕೂ ಕೂಡ ಕಾರಣವಾಯಿತು.

ಇತ್ತೀಚಿನ ಸಂದರ್ಶನವೊಂದರಲ್ಲಿ ಈ ಸಿನಿಮಾ ಇನ್ನೂ ಯಾಕೆ ಒಟಿಟಿ ಪ್ರವೇಶಿಸಿಲ್ಲ ಎಂಬ ಪ್ರಶ್ನೆಗೆ ನಿರ್ದೇಶಕ ಸುದೀಪ್ತೋ ಸೇನ್, "ಒಟಿಟಿ ಪ್ಲಾಟ್‌ಫಾರ್ಮ್‌ಗಳಿಂದ ನಾವು ಉತ್ತಮ ಕೊಡುಗೆಗಳನ್ನು ಸ್ವೀಕರಿಸಿಲ್ಲ. ಇದಲ್ಲದೆ, ನಮ್ಮ ಚಿತ್ರದ ಯಶಸ್ಸಿನಿಂದ ಅನೇಕರು ಬೇಸರಗೊಂಡಿದ್ದಾರೆ" ಎಂದು ಹೇಳಿದರು.

ಇದನ್ನೂ ಓದಿ: ಸ್ವಿಸ್​ ಮಹಿಳೆ ಕೊಲೆ ಪ್ರಕರಣ ಭೇದಿಸಿದ ದೆಹಲಿ ಪೊಲೀಸರು: ಕಸದ ಚೀಲದಲ್ಲಿ ಹಾಕಿ ಉಸಿರುಗಟ್ಟಿಸಿ ಕೊಂದಿದ್ದ ಪಾಪಿ

ಮತ್ತೊಂದೆಡೆ, 'ಜರಾ ಹಟ್ಕೆ ಜರಾ ಬಚ್ಕೆ' (ZHZB) ಯಾವುದೇ ವಿವಾದಕ್ಕೂ ಸಿಲುಕಿಲ್ಲ. ಆದರೆ ಈ ಚಿತ್ರವು ಕೂಡ ಇನ್ನೂ ಸ್ಟ್ರೀಮಿಂಗ್‌ಗೆ ಲಭ್ಯವಿಲ್ಲ. ಚಿತ್ರದ ಡಿಜಿಟಲ್ ಬಿಡುಗಡೆಯ ಹಿಂದಿನ ವಿಳಂಬವೇನು ಎಂಬುದು ತಿಳಿದಿಲ್ಲ.

ಕೆಲವು ವರದಿಗಳ ಪ್ರಕಾರ, ಈ ಚಿತ್ರದ ಸ್ಟ್ರೀಮಿಂಗ್ ಹಕ್ಕುಗಳು ಜಿಯೋ ಸಿನಿಮಾದಲ್ಲಿವೆ ಎಂದು ವದಂತಿಗಳು ಹೇಳಿವೆ. ಒಟ್ಟಾರೆ ಈ ಎರಡು ಸಿನಿಮಾಗಳ ಡಿಜಿಟಲ್​ ರಿಲೀಸ್​ ಬಗ್ಗೆ ಶೀಘ್ರವೇ ಮಾಹಿತಿ ಹೊರಬೀಳಲಿದೆ ಎಂದು ನಿರೀಕ್ಷಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/bbks10-sudeep-speaked-about-varthur-santhosh-re-entry-to-the-house