ಇವರಿಗೆಲ್ಲ ಲಸಿಕೆ ಮೂರು ತಿಂಗಳ ಬಳಿಕವೇ; ಕೋವಿನ್ ಆ್ಯಪ್​ನಲ್ಲಿ ಬಂದಿದೆ ಈಗ ಇದೊಂದು ಅವಕಾಶ

ಬೆಂಗಳೂರು: ಭಾರತದ ಬೃಹತ್ ಲಸಿಕಾ ಅಭಿಯಾನ ಅತ್ಯಂತ ಯಶಸ್ವಿಯಾಗಿ ನಡೆಯುತ್ತಿದ್ದು, ಈಗಾಗಲೇ 150 ಕೋಟಿಗೂ ಅಧಿಕ ಡೋಸ್ ಲಸಿಕೆ ನೀಡಲಾಗಿದೆ. ಮಾತ್ರವಲ್ಲ, ಮೂರನೇ ಅಲೆಯ ಈ ಸಂದರ್ಭದಲ್ಲಿ ಎರಡನೇ ಡೋಸ್​ ಪಡೆಯುವವರ ಪ್ರಮಾಣ ಹೆಚ್ಚಾಗಿರುವುದು ಒಂದೆಡೆಯಾದರೆ, ಮತ್ತೊಂದೆಡೆ ಎರಡೂ ಡೋಸ್ ತೆಗೆದುಕೊಂಡಿರುವವರು ಬೂಸ್ಟರ್ ಹಾಗೂ ಪ್ರಿಕಾಷನರಿ ಡೋಸ್ ಪಡೆಯಲು ಸಜ್ಜಾಗಿದ್ದಾರೆ.

ಇದನ್ನೂ ಓದಿ: ಅಪ್ಪುವನ್ನು ದಿನವೂ ನೆನಪಿಸಿಕೊಳ್ಳುವಂತಾಗಲಿ ಎಂದು ಅಭಿಮಾನಿಗಳು ಹೀಗೆ ಮಾಡಿದರು..

ಹೀಗಾಗಿ ಎಲ್ಲರಿಗೂ ಲಸಿಕೆ ತ್ವರಿತವಾಗಿ ಸಿಗುವಂತೆ ಸರ್ಕಾರ ಕ್ರಮಗಳನ್ನು ಕೈಗೊಂಡಿದ್ದು, ಆ ನಿಟ್ಟಿನಲ್ಲಿ ಬಹಳಷ್ಟು ಏರ್ಪಾಟುಗಳನ್ನು ಮಾಡುತ್ತಲೇ ಇದೆ. ಪರಿಣಾಮವಾಗಿ ಸಾರ್ವಜನಿಕರಿಗೆ ತಕ್ಷಣಕ್ಕೆ ಲಸಿಕೆ ಕೂಡ ಸಿಗುತ್ತಿದೆ. ಆದರೆ ಕೆಲವರಿಗೆ ಮೂರು ತಿಂಗಳ ಮೇಲಷ್ಟೇ ಲಸಿಕೆ ಸಿಗಲಿದೆ. ಈ ಬಗ್ಗೆ ಸರ್ಕಾರವೇ ನಿಯಮ ಹೊರಡಿಸಿದೆ.

ಇದನ್ನೂ ಓದಿ: ವಿದೇಶದಲ್ಲಿ ಸದ್ ಮಾಡ್ತಿದಾರೆ ಸಿದ್: ಆಸ್ಟ್ರೇಲಿಯನ್​ ಸಿನಿಮಾಗೆ ಕನ್ನಡಿಗನ ಸಂಗೀತ ನಿರ್ದೇಶನ

ಅದೇನೆಂದರೆ ಕರೊನಾ ಸೋಂಕು ಹೊಂದಿದ ವ್ಯಕ್ತಿಗಳು ಗುಣಮುಖರಾದ 3 ತಿಂಗಳ ನಂತರವಷ್ಟೇ ಲಸಿಕೆ ಪಡೆಯಬಹುದು ಎಂದು ಕೇಂದ್ರ ಸರ್ಕಾರ ಸೂಚಿಸಿದೆ. ಕೋವಿಡ್-19 ಲಸಿಕೆ ನೀಡಿಕೆಗಾಗಿ ರಾಷ್ಟ್ರೀಯ ತಜ್ಞರ ಗುಂಪು (ಎನ್​ಇಜಿವಿಎಸಿ) ಶಿಫಾರಸ್ಸಿನ ಮೇರೆಗೆ ಸರ್ಕಾರ ಈ ನಿರ್ದೇಶನ ನೀಡಿದೆ. ವಿಶೇಷವೆಂದರೆ ಇದು ಎರಡನೇ ಡೋಸ್ ಹಾಗೂ ಮುನ್ನೆಚ್ಚರಿಕೆ ಡೋಸ್ ಪಡೆಯಬೇಕಿರುವ ಎಲ್ಲ ಅರ್ಹ ಫಲಾನುಭವಿಗಳಿಗೂ ಅನ್ವಯಿಸುತ್ತದೆ ಎಂದು ಸರ್ಕಾರ ಹೇಳಿದೆ.

ಇನ್ನು ಕೋವಿನ್ ಆ್ಯಪ್​ನಲ್ಲಿ ಇದುವರೆಗೆ ಒಂದು ಮೊಬೈಲ್​ಫೋನ್ ನಂಬರ್​ನಿಂದ ನಾಲ್ಕು ಮಂದಿ ಲಸಿಕೆ ಪಡೆಯಬಹುದಿತ್ತು. ಇದೀಗ ಒಂದೇ ನಂಬರ್ ನೀಡಿ ಆರು ಜನರು ಲಸಿಕೆ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಮಾತ್ರವಲ್ಲ ಸಾರ್ವಜನಿಕರು ತಮ್ಮ ಲಸಿಕೆಯ ಸ್ಟೇಟಸ್​ ತಿದ್ದುಪಡಿ ಮಾಡಿಕೊಳ್ಳುವ ಅವಕಾಶವನ್ನೂ ಆ್ಯಪ್​ನಲ್ಲಿ ನೀಡಲಾಗಿದೆ.

https://www.vijayavani.net/a-college-girl-lost-her-life-on-birthday-itself/

https://www.vijayavani.net/wife-lover-and-a-friend-is-arrested-in-murder-case-of-husband/