ಕಳೆದ ಬಾರಿ ಸೋತ ಮಲ್ಲಿಕಾರ್ಜುನ ಖೂಬಾ ಜತೆಗೆ ಸಂಜಯ್ ಪಟವಾರಿ, ಪ್ರದೀಪ್ ವಾದ್ಡೆ, ಅನಿಲ್ ಭೂಸಾರೆ ಹಾಗೂ ಶರಣು ಸಲಗಾರ ಪಕ್ಷದ ಟಿಕೆಟ್ಗಾಗಿ ಪೈಪೋಟಿ ನಡೆಸಿದ್ದಾರೆ. ಚುನಾವಣೆ ವೇಳಾಪಟ್ಟಿ ಪ್ರಕಟವಾದ ಬಳಿಕ ಈ ಪಟ್ಟಿಗೆ ಇನ್ನಷ್ಟು ಆಕಾಂಕ್ಷಿಗಳು ಸೇರುವ ಸಾಧ್ಯತೆಗಳಿದ್ದು, ಪೈಪೋಟಿ ಪಕ್ಷದ ಜನಪ್ರಿಯತೆ, ವರ್ಚಸ್ಸು ಬಿಂಬಿಸುತ್ತದೆ. ಅದೇ ಕಾಲಕ್ಕೆ ಅತೃಪ್ತಿ, ಭಿನ್ನಮತ ಸ್ಪೋಟಕ್ಕೆ ಕಾರಣವಾಗುವ ಸಾಧ್ಯತೆಗಳಿವೆ. ಪ್ರಬಲ ಆಕಾಂಕ್ಷಿಗಳಲ್ಲಿ ಯಾರಿಗೆ ಕೊಟ್ಟರೂ ಉಳಿದವರ ಮುನಿಸು ಪಕ್ಷಕ್ಕೆ ಮುಳುವಾಗುವುದನ್ನು ತಪ್ಪಿಸಲು ವಿಜಯೇಂದ್ರ ಸೂಕ್ತವೆಂದು ಕೆಲವು ಮುಖಂಡರು ಸಿಎಂ ಮುಂದೆ ಈ ಸೂತ್ರ ಮಂಡಿಸಿದ್ದಾರೆ. ಈ ವಿಷಯದಲ್ಲಿ ಸಿಎಂ ಹಾಗೂ ವರಿಷ್ಠರ ಮನದಲ್ಲೇನಿದೆ ಎನ್ನುವುದು ಸದ್ಯಕ್ಕೆ ನಿಗೂಢವಾಗಿದೆ.
