ಅಹಂಕಾರವೇ ಪಾಪಗಳ ಮೂಲ

ಎಲ್ಲಿ ಭಕ್ತಿ ಇಲ್ಲವೋ, ಪ್ರೀತಿಯಿಲ್ಲವೋ, ಕರುಣೆ ಇಲ್ಲವೋ ಅಂತಹ ಹೃದಯವನ್ನು ಅಹಂಕಾರ ಆಳುತ್ತದೆ. ಅಹಂಕಾರವೇ ಎಲ್ಲ ಪಾಪಗಳ ಮೂಲ. ಒಬ್ಬ ಯುವ ಅಮೇರಿಕನ್ ಸೈನಿಕ ಕರಾಚಿಯಲ್ಲಿ ಸಾಧು ವಾಸ್ವಾನಿಯವರ ಗೀತಾ ತರಗತಿಗೆ ನಿಯಮಿತವಾಗಿ ಹಾಜರಾಗುತ್ತಿದ್ದ. ಅವನು ಕರಾಚಿಯಿಂದ ಸುಮಾರು 10 ಮೈಲಿ ದೂರದಲ್ಲಿರುವ ಮೌರಿಪುರದಲ್ಲಿ ನೆಲೆಸಿದ್ದ. ಅದರ ಹೊರತಾಗಿಯೂ, ಪ್ರತಿ ಶನಿವಾರ ಅವನು ಜೀಪಿನಲ್ಲಿ ಯಾವಾಗಲೂ ಸಮಯಕ್ಕೆ ಸರಿಯಾಗಿ ತರಗತಿಯನ್ನು ತಲುಪುತ್ತಿದ್ದ. ಒಂದು ಶನಿವಾರ ಸಂಜೆ ಅವನು ಬರಲಾಗಲಿಲ್ಲ. ಮುಂದಿನ ಶನಿವಾರ ಅವನು ಬಂದಾಗ, ಇತರರು ಅವನ ಅನುಪಸ್ಥಿತಿಯ ಕಾರಣವನ್ನು ಕೇಳಿದರು.

ಅವನು ಹೇಳಿದ: ಅಮೆರಿಕದಿಂದ ಹೊಸ ಶಸ್ತ್ರಾಸ್ತ್ರಗಳ ಸೆಟ್ ಬಂದಿತ್ತು ಮತ್ತು ನಾನು ಅವುಗಳನ್ನು ಪರೀಕ್ಷಿಸಬೇಕಾಗಿತ್ತು. ಈ ಕೆಲಸ ತಡರಾತ್ರಿಯವರೆಗೆ ಆಯಿತು, ಹೀಗಾಗಿ ನಾನು ಗೀತಾ ತರಗತಿಗೆ ಗೈರುಹಾಜರಾಗಬೇಕಾಯಿತು. ನಂತರ ವಾಸ್ವಾನಿ ಕಡೆಗೆ ತಿರುಗಿ, ಕಠೋರ ಮುಖಬಾವದಿಂದ ಆತ, ‘ಗುರುಗಳೇ! ಈ ಯುದ್ಧ ಆಯುಧಗಳು ಮಾನವೀಯತೆಯನ್ನು ಉಳಿಸುತ್ತವೆ ಎಂದು ನೀವು ಭಾವಿಸುತ್ತೀರಾ?’ ಎಂದು ಕೇಳಿದ. ಈ ಮುರಿದ, ರಕ್ತಸಿಕ್ತ ಜಗತ್ತಿನ ಭರವಸೆ ಯುದ್ಧ ಆಯುಧಗಳಲ್ಲಿ ಇಲ್ಲ, ಬುದ್ಧಿವಂತಿಕೆಯಲ್ಲಿದೆ ಮತ್ತು ಬುದ್ಧಿವಂತಿಕೆಯು ಹೃದಯದಿಂದ ಬಂದಿದೆ ಎಂದು ಸಾಧು ವಾಸ್ವಾನಿ ಉತ್ತರಿಸಿದರು.

ಜಗತ್ತಿನಲ್ಲಿ ನಾವು ನೋಡುವ ಎಲ್ಲಾ ಯುದ್ಧಗಳು ಮತ್ತು ವಿನಾಶಗಳು, ಅಪರಾಧಗಳು ಮತ್ತು ರಕ್ತಪಾತಗಳು, ಹಗರಣಗಳು ಮತ್ತು ಭ್ರಷ್ಟಾಚಾರಗಳು, ಅತ್ಯಾಚಾರಗಳು ಮತ್ತು ಕೊಲೆಗಳು ಒಂದೇ ಮೂಲದಿಂದ ಬರುತ್ತವೆ - ಅದೇ ಸರಿಯಾದ ತಿಳಿವಳಿಕೆ ಇಲ್ಲದಿರುವುದು. ನಿಜವಾದ ಶಿಕ್ಷಣವು ನಮ್ಮ ಹೃದಯಗಳನ್ನು ತೃಪ್ತಿಪಡಿಸುತ್ತದೆ ಮತ್ತು ಪೂರೈಸುತ್ತದೆ. ಅಂತಹ ಪೂರ್ಣ ಹೃದಯವು ಸಂತೋಷವನ್ನು ಕಂಡುಕೊಳ್ಳುತ್ತದೆ ಸಂಗ್ರಹಿಸುವಿಕೆಯಲ್ಲಿ ಅಲ್ಲ, ಬದಲಾಗಿ ಕೊಡುವುದು, ಪ್ರೀತಿಸುವುದು ಮತ್ತು ಹಂಚಿಕೊಳ್ಳುವುದರಲ್ಲಿ. ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ನಡೆದ ಒಂದು ಘಟನೆ ಇದಕ್ಕೆ ಅತ್ಯುತ್ತಮ ಉದಾಹರಣೆಯಂತಿದೆ. ಅದೇನು?

https://www.vijayavani.net/up-man-gets-rs-11-crore-tax-notice