ಜಿಲ್ಲಾ ಕೇಂದ್ರದಲ್ಲಿ ಸಮಸ್ಯೆ: ಜಿಲ್ಲಾ ಕೇಂದ್ರದಲ್ಲಿನ ಬಹುತೇಕ ರಸ್ತೆಗಳು ಡಾಂಬರು ಕಂಡು ಹಲವು ವರ್ಷಗಳಾಗಿವೆ. ದೊಡ್ಡ ದೊಡ್ಡ ಗುಂಡಿಗಳು ಬಿದ್ದಿವೆ. ಬೇಸಿಗೆಯಲ್ಲಿ ದೂಳಿನ ಕಿರಿಕಿರಿ, ಮಳೆಗಾಲದಲ್ಲಿ ಜಲಾವೃತಗೊಂಡಿರುತ್ತವೆ. ಇದರ ಜತೆಗೆ ಅವೈಜ್ಞಾನಿಕ ಚರಂಡಿ ವ್ಯವಸ್ಥೆಯಿಂದ ತ್ಯಾಜ್ಯ, ಮಣ್ಣು ರಸ್ತೆಗಳಿಗೆ ಹರಡಿಕೊಂಡು ಕೆಸರಿನ ಪ್ರದೇಶಗಳಾಗಿ ಪರಿವರ್ತನೆಯಾಗಲಿದ್ದು, ಭಯದಲ್ಲಿ ಓಡಾಡುವಂತಾಗಿದೆ. ಇದಕ್ಕೆ ಎಂ.ಜಿ.ರಸ್ತೆಯು ಒಂದು ನಿರ್ದಶನ. ಎಪಿಎಂಸಿ ಮಾರುಕಟ್ಟೆ, ಜಿಲ್ಲಾಸ್ಪತ್ರೆ, ಶಿಕ್ಷಣ ಸಂಸ್ಥೆಗಳು, ಕಚೇರಿ ಸೇರಿ ವಿವಿಧೆಡೆ ಕೆಲಸ ಕಾರ್ಯಗಳಿಗೆ ಜನರು, ರಾಷ್ಟ್ರೀಯ ಹೆದ್ದಾರಿ ಮಾರ್ಗವಾಗಿರುವ ಹಿನ್ನೆಲೆಯಲ್ಲಿ ವಾಹನಗಳ ಸಂಚಾರ ಹೆಚ್ಚಾಗಿರುತ್ತದೆ. ಸಮಚಾರ ಸಿಕ್ಕು, ಗುಂಡಿ ತಪ್ಪಿಸಲು ಹೋಗುವ ಭರದಲ್ಲಿ ಅಪಘಾತ, ಜಲಾವೃತ ಪ್ರರ್ದೆಶದಿಂದ ನೀರಿನ ಎರಚಾಟ ಸೇರಿ ವಿವಿಧ ಸಮಸ್ಯೆ ಸಾಮಾನ್ಯವಾಗಿವೆ.
