ಕಾರವಾರ: ಆರು ತಿಂಗಳಿಂದ ವಿದ್ಯುತ್ ಇಲ್ಲ, ಸಂಜೆಯಾಗುತ್ತಿದ್ದಂತೆ ಕಾರ್ಗತ್ತಲಲ್ಲಿ ಮುಳುಗುವ ಈ ಗ್ರಾಮದಲ್ಲಿ ಜನರ ಜೀವಕ್ಕೂ ಖಾತ್ರಿಯಿಲ್ಲ, ಅಕ್ಕಿ, ಬೇಳೆ ಬೇಕೆಂದರೆ 8 ಕಿ.ಮೀ ದೂರದಲ್ಲಿರುವ ಸ್ಥಳೀಯ ಗ್ರಾಮ ಪಂಚಾಯಿತಿಗೆ ಬೆಟ್ಟ, ಗುಡ್ಡದ ದಾರಿಯಲ್ಲಿ ನಡೆದುಹೋಗಬೇಕು. ಇದು ಕಾರವಾರ ತಾಲೂಕಿನ ಗೋಟೆಗಾಳಿ ಗ್ರಾಪಂ ವ್ಯಾಪ್ತಿಯ ಕಮರಗಾಂವ ಎಂಬ ಕುಗ್ರಾಮದ ಕತೆ, ವ್ಯಥೆ! ಗ್ರಾಮದ ಸುಮಾರು 6 ಕಿಮೀ ಕಡಿದಾದ ಕಾಡಿನ ಹಾದಿಯಲ್ಲಿ ವಿದ್ಯುತ್ ಲೈನ್ ಹಾಕಲಾಗಿದೆ. ಈ ವರ್ಷ ಸುರಿದ ಭಾರಿ ಗಾಳಿ, ಮಳೆಗೆ ಜೂನ್ನಲ್ಲೇ 15 ಕ್ಕೂ ಹೆಚ್ಚು ಕಂಬಗಳು ಬಿದ್ದು, ಒಂದು ಟ್ರಾನ್ಸ್ಫಾರ್ಮರ್ ಹಾಳಾಗಿತ್ತು. ಆದರೆ ಇವು ಇನ್ನೂ ದುರಸ್ತಿ ಆಗಿಲ್ಲ.
