ತಮಿಳುನಾಡು: 'ಗಿಲ್ಲಿ' ಚಿತ್ರದ ಮೂಲಕ ನೇರವಾಗಿ ಸಿನಿಪ್ರಿಯರ ಅಂತರಾಳಕ್ಕೆ ನುಗ್ಗಿದ ತಮಿಳು ನಟ ದಳಪತಿ ವಿಜಯ್, ಇದೀಗ ರಾಜಕೀಯ ಪ್ರವೇಶಕ್ಕೆ ಸನ್ನದ್ಧರಾಗಿದ್ದಾರೆ. ಅಭಿಮಾನಿಗಳಿಂದ ದಳಪತಿ ಎಂಬ ಪಟ್ಟವನ್ನು ಸ್ವೀಕರಿಸಿದ ವಿಜಯ್ ಇದೀಗ ತಮ್ಮ ಸಿನಿ ವೃತ್ತಿಗೆ ಗುಡ್ಬೈ ಹೇಳಲು ಮುಂದಾಗಿದ್ದು, 2026ರಲ್ಲಿ ನಡೆಯುವ ತಮಿಳುನಾಡು ರಾಜ್ಯ ವಿಧಾನಸಭೆ ಚುನಾವಣೆಯಲ್ಲಿ ಗೆದ್ದು, ಜನಸೇವೆ ಮಾಡಲು ಸಕಲ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಇದೇ ಸಮಯದಲ್ಲಿ ವಿಜಯ್ (Thalapathy Vijay) ಅಭಿನಯಿಸಲಿರುವ ಕಡೆಯ ಸಿನಿಮಾ 'ದಳಪತಿ 69' ಚಿತ್ರಕ್ಕೆ ಭರ್ಜರಿ ತಯಾರಿಗಳು ನಡೆಯುತ್ತಿದ್ದು, ದಿಗ್ಗಜ ನಟರ ಸಮಾಗಮ ಇರಲಿದೆ ಎಂದು ಸಿನಿ ಮೂಲಗಳು ಮಾಹಿತಿ ಹಂಚಿಕೊಂಡಿವೆ.
