ಭಾರತದಲ್ಲಿ ವಿದ್ಯುತ್ ಚಾಲಿತ ವಾಹನ ಕ್ಷೇತ್ರ ಕಳೆದ ಮೂರು ವರ್ಷಗಳ ಅವಧಿಯಲ್ಲಿ ಬಹಳಷ್ಟು ಪ್ರಗತಿ ಸಾಧಿಸಿದೆ. ಆದರೆ, ಅಮೆರಿಕದ ಮುಂಚೂಣಿ ವಿದ್ಯುತ್ ಚಾಲಿತ ಕಾರುಗಳ ಉತ್ಪಾದಕ ಕಂಪನಿ ಟೆಸ್ಲಾಗೆ ಮಾತ್ರ ಭಾರತ ಪ್ರವೇಶ ಕಠಿಣವೆನಿಸಿದೆ. ಆದಾಗ್ಯೂ 2019ರಲ್ಲಿ ಭಾರತ ಪ್ರವೇಶ ಘೋಷಿಸಿದ ಬಳಿಕ ಇದುವರೆಗೆ ಆಗಿರುವ ಬೆಳವಣಿಗೆಗಳು ಅಲ್ಪ ತೃಪ್ತಿದಾಯಕ. ಟೆಸ್ಲಾ ಕಂಪನಿ 2021 ಜನವರಿ 8ರಂದು ಭಾರತದಲ್ಲಿ ಕಂಪನಿ ನೋಂದಣಿ ಮಾಡಿಸಿಕೊಂಡಿತು. ಬೆಂಗಳೂರಿನಲ್ಲಿ ವಾಹನ ಷೋರೂಂ ತೆರೆಯಲು ಜಾಗ ವನ್ನು ಹುಡುಕಿ ಅಂತಿಮ ಗೊಳಿಸಲು ಸಜ್ಜಾಗಿತ್ತು. ಇದಕ್ಕೆ ಪೂರಕವಾಗಿ ಟೆಸ್ಲಾ ಮಾಡೆಲ್ 3 ರಕ್ತವರ್ಣದ ಕಾರು ಕಳೆದ ಜುಲೈನಲ್ಲಿ ಬೆಂಗಳೂರಿಗೆ ಆಗಮಿಸಿತ್ತು. ನಂತರ ಪ್ರಗತಿ ಕಂಡಿಲ್ಲ.
