ತೆಲಂಗಾಣ ಮತಗಟ್ಟೆ ಸಮೀಕ್ಷೆ: ಕಾಂಗ್ರೆಸ್​-ಬಿಆರ್‌ಎಸ್ ನಡುವೆ ಟಫ್​ ಫೈಟ್​, ಎರಡಂಕೆ ಸಮೀಪಕ್ಕೆ ಬಿಜೆಪಿ

ನವದೆಹಲಿ: ತೆಲಂಗಾಣ ಚುಮಾವಣೆ ಮುಗಿಯುತ್ತಿದ್ದಂತೆ ಎಕ್ಸಿಟ್ ಪೋಲ್ ಫಲಿತಾಂಶ ಹೊರಬಿದ್ದಿದೆ. ಕಾಂಗ್ರೆಸ್ ತನ್ನ ಪ್ರತಿಸ್ಪರ್ಧಿ ಭಾರತ ರಾಷ್ಟ್ರ ಸಮಿತಿ (ಬಿಆರ್‌ಎಸ್) ಗಿಂತ ಸ್ಪಷ್ಟವಾದ ಮುನ್ನಡೆ ಸೂಚಿಸುತ್ತಿದೆ. ಆದರೆ ಬಹುಮತ ಸಿಗುವುದು ಖಚಿತ ಎಂದು ಮುಖ್ಯಮಂತ್ರಿ ಕೆ.ಚಂದ್ರಶೇಖರರಾವ್ (ಕೆಸಿಆರ್) ನೇತೃತ್ವದ ಬಿಆರ್​ಎಸ್​ ಹೇಳುತ್ತಿದೆ. ಸರ್ಕಾರದ ವಿರೋಧಿ ಅಲೆ ತಮಗೆ ಅನುಕೂಲಕರವಾಗಿದೆ ಎಂದು ಕಾಂಗ್ರೆಸ್, ಬಿಜೆಪಿ ಭಾವಿಸುತ್ತಿವೆ. ಯಾವ ಪಕ್ಷ ಮುನ್ನಡೆ ಸಾಧಿಸುತ್ತದೆ ಎಂಬುದರ ಕುರಿತು ವಿವಿಧ ಮಾಧ್ಯಮ ಸಂಸ್ಥೆಗಳು ನೀಡಿರುವ ಮತಗಟ್ಟೆ ಸಮೀಕ್ಷೆ ಹೀಗಿದೆ..

ಇದನ್ನೂ ಓದಿ: ವಿವಿಧ ಮತಗಟ್ಟೆ ಸಮೀಕ್ಷೆಗಳ ಅಂದಾಜು: ರಾಜಸ್ಥಾನದಲ್ಲಿ ಬಿಜೆಪಿ ಅಧಿಕಾರಕ್ಕೆ

* ಇಂಡಿಯಾ ಟಿವಿ-ಸಿಎನ್‌ಎಕ್ಸ್ ಎಕ್ಸಿಟ್ ಪೋಲ್‌ಗಳ ಪ್ರಕಾರ 119 ಸದಸ್ಯ ಬಲದ ವಿಧಾನಸಭೆಯಲ್ಲಿ ಕಾಂಗ್ರೆಸ್ 63-79 ಸ್ಥಾನಗಳನ್ನು ಗೆಲ್ಲಬಹುದು, ಆದರೆ ಬಿಆರ್‌ಎಸ್ 31-47 ಸ್ಥಾನಗಳನ್ನು ಗೆಲ್ಲುತ್ತದೆ.

* ಜನ್ ಕಿ ಬಾತ್‌ನ ಎಕ್ಸಿಟ್ ಪೋಲ್ ಪ್ರಕಾರ ಕಾಂಗ್ರೆಸ್ 48-64, ಬಿಆರ್‌ಎಸ್ 40-55 ಮತ್ತು ಬಿಜೆಪಿ 7-13 ಸ್ಥಾನಗಳನ್ನು ಪಡೆಯಬಹುದು.

* ಟಿವಿ9 ಭಾರತ್ ವರ್ಷ್-ಪೋಲ್‌ಸ್ಟ್ರಾಟ್ ಸಮೀಕ್ಷೆ ಕಾಂಗ್ರೆಸ್ ಮತ್ತು ಬಿಆರ್‌ಎಸ್‌ಗೆ ಕ್ರಮವಾಗಿ 49-59 ಮತ್ತು 48-58 ಸ್ಥಾನ ಬರುತ್ತವೆ ಎಂದು ತೋರಿಸಿದೆ. ರಿಪಬ್ಲಿಕ್ ಟಿವಿ-ಮ್ಯಾಟ್ರಿಜ್ ಎಕ್ಸಿಟ್ ಪೋಲ್‌ಗಳು ಕಾಂಗ್ರೆಸ್ 58-68 ಸ್ಥಾನಗಳನ್ನು ಗೆಲ್ಲುತ್ತದೆ ಎಂದು ತೋರಿಸಿದರೆ, ಬಿಆರ್‌ಎಸ್ ಕನಿಷ್ಠ 46-56 ಸ್ಥಾನಗಳನ್ನು ಪಡೆಯುತ್ತದೆ ಎಂದು ಮುನ್ಸೂಚನೆ ನೀಡಿದೆ.

ಕಾಂಗ್ರೆಸ್​, ಕೆಸಿಆರ್ ಅವರ ಬಿಆರ್‌ಎಸ್ ಮತ್ತು ಬಿಜೆಪಿ ಸ್ಪರ್ಧಿಸಿರುವ ಪ್ರಮುಖ ಪಕ್ಷಗಳು. ಸಂಜೆ 5ಗಂಟೆ ತನಕ ಶೇ.63 ಮತದಾನ ದಾಖಲಾಗಿದೆ. ಸೀಟು ಹಂಚಿಕೆ ಒಪ್ಪಂದದ ಪ್ರಕಾರ ಬಿಜೆಪಿ ಮತ್ತು ನಟ ಪವನ್ ಕಲ್ಯಾಣ್ ನೇತೃತ್ವದ ಜನಸೇನೆ ಕ್ರಮವಾಗಿ 111 ಮತ್ತು 8 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದು, ಕಾಂಗ್ರೆಸ್ ತನ್ನ ಮಿತ್ರಪಕ್ಷವಾದ ಸಿಪಿಐಗೆ ಒಂದು ಸ್ಥಾನವನ್ನು ನೀಡಿದ್ದು, 118 ಕಡೆ ಸ್ಪರ್ಧಿಸಿದೆ. ವೈಎಸ್​ಆರ್​ ಪಕ್ಷ ಕಾಂಗ್ರೆಸ್​ ಬೆಂಬಲಿಸಿ ಕಣಕ್ಕೆ ಅಭ್ಯರ್ಥಿಗಳನ್ನು ಇಳಿಸಿಲ್ಲ. ಅಸಾದುದ್ದೀನ್ ಓವೈಸಿ ನೇತೃತ್ವದ ಎಐಎಂಐಎಂ ಒಂಬತ್ತು ವಿಭಾಗಗಳಲ್ಲಿ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದೆ.

ತೆಲಂಗಾಣ ಚುನಾವಣೆ ಎಕ್ಸಿಟ್​ ಪೋಲ್ಸ್​

ಮಾಧ್ಯಮ ಸಂಸ್ಥೆ                  ಕಾಂಗ್ರೆಸ್​               ಬಿಆರ್​ಎಸ್​         ಬಿಜೆಪಿ        ಎಂಐಎಂ               ಇತರರು

ಸಿಎನ್​ಎನ್​                         56                    48               10               5                      -

ಸಿ ಪ್ಯಾಕ್​                           65                    41                4                -                        9

ಆರಾ ಮಸ್ತಾನ್​ ಸರ್ವೇ              58-67              41-49          5-7            -                       7-9

ಪಲ್ಸ್​ ಟುಡೆ                          69-71              37-38          3-5            -                         1

ಚಾಣಕ್ಯ ಸ್ಟ್ರಾಟಜೀಸ್​                 67-78             22-30         6-9             6-7                      -

ನ್ಯೂಸ್​ 18 ಸರ್ವೇ                  48                   56                  -               5                        -

ಥರ್ಡ್​ ವಿಜನ್​ ಸರ್ವೇ                 60-68              33-40         1-4            5-7                       1

ಪೋಲ್​ ಟ್ರೆಂಡ್ಸ್​                      65-68              35-40           7-10          6-9                     -

ಪೊಲಿಟಿಕಲ್​ ಗ್ರಾಫ್​                   68                   38               5                  7                       1  

ಜನಂಸಾಕ್ಷಿ                            66-77             26-37          4-9              -                       1

ಪಾರ್ಥದಾನ್​ ಸರ್ವೇ                   68                  40               4                 6                       1  ಆತ್ಮಸಾಕ್ಷಿ                              48-51           58-63           7-8           6-7                     1-2

ಪೋಲ್​ ಸ್ಟಾಟ್​                         49-59             48-58        5-10          6-8                        -

ರಾಷ್ಟ್ರ                                   56                45              10                -                        8