ಇ-ಕ್ಯಾತೆ ಪರಿಹಾರಕ್ಕೆ ಕಾರ್ಯಪಡೆ; ಸದ್ಯಕ್ಕಿಲ್ಲ ಸಮಸ್ಯೆಗೆ ಪರಿಹಾರ

ಬೆಂಗಳೂರು: ಜನಸಾಮಾನ್ಯರನ್ನು ಸಂಕಷ್ಟಕ್ಕೆ ದೂಡುವ ಜತೆಗೆ ರಾಜಸ್ವ ಸಂಗ್ರಹಕ್ಕೂ ಆಘಾತ ನೀಡಿರುವ ಇ-ಖಾತಾ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಜಂಟಿ ಕಾರ್ಯಪಡೆ ರಚಿಸಲು ಸರ್ಕಾರ ತೀರ್ವನಿಸಿದೆ. ಇ-ಸ್ವತ್ತು, ಇ-ವಿನ್ಯಾಸ ಹಾಗೂ ಇ-ಆಸ್ತಿ ಸುಗಮವಾಗಿ ವಿತರಿಸಲು ಅನುಕೂಲವಾಗುವಂತೆ ವರದಿ ಸಲ್ಲಿಸುವುದು ಜಂಟಿ ಕಾರ್ಯಪಡೆಯ ಜವಾಬ್ದಾರಿಯಾಗಿದ್ದು, ವರದಿ ನೀಡುವುದಕ್ಕೆ ಎರಡು ತಿಂಗಳ ಗಡುವು ವಿಧಿಸಲಾಗಿದೆ. ಇದರಿಂದಾಗಿ ಇನ್ನೆರಡು ತಿಂಗಳು ಇ-ಖಾತಾ ಸಮಸ್ಯೆಗೆ ಪರಿಹಾರ ಇಲ್ಲ ಎಂಬುದು ಖಾತ್ರಿಯಾದಂತಾಗಿದೆ.

ಸಚಿವರಾದ ಕೃಷ್ಣಬೈರೇಗೌಡ, ಪ್ರಿಯಾಂಕ್ ಖರ್ಗೆ ಮತ್ತು ರಹೀಂ ಖಾನ್ ಸಮಕ್ಷಮ ವಿಕಾಸಸೌಧದಲ್ಲಿ ಬುಧವಾರ ನಡೆದ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಯಿತು. ಅಪರ ಮುಖ್ಯ ಕಾರ್ಯದರ್ಶಿಯೂ ಆದ ಅಭಿವೃದ್ಧಿ ಆಯುಕ್ತರ ಅಧ್ಯಕ್ಷತೆಯ ಜಂಟಿ ಕಾರ್ಯಪಡೆಯಲ್ಲಿ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್, ನಗರಾಭಿವೃದ್ಧಿ ಹಾಗೂ ನಗರ ಮತ್ತು ಗ್ರಾಮಾಂತರ ಯೋಜನಾ ಇಲಾಖೆಗಳ ಉನ್ನತ ಅಧಿಕಾರಿಗಳು ಇರುತ್ತಾರೆ. ಎರಡು ತಿಂಗಳೊಳಗೆ ವರದಿ ಸಲ್ಲಿಸುವುದು ಸೇರಿ ಇ-ಖಾತಾ ವಿತರಣೆ ಸಂಬಂಧ ತಕ್ಷಣದ ಪರಿಹಾರೋಪಾಯಗಳನ್ನು ಸೂಚಿಸಲು ಅಭಿವೃದ್ಧಿ ಆಯುಕ್ತೆ ಉಮಾ ಮಹದೇವನ್ ಅಧ್ಯಕ್ಷತೆಯ ಜಂಟಿ ಕಾರ್ಯ ಪಡೆಗೆ ಸಚಿವತ್ರಯರು ಸಲಹೆ ನೀಡಿದರು.

ಅಕ್ರಮಕ್ಕೆ ಅಂಕುಶ ಉದ್ದೇಶ: ಸ್ಥಿರಾಸ್ತಿ ವಹಿವಾಟು ಅಕ್ರಮಕ್ಕೆ ಅಂಕುಶ ಹಾಗೂ ನಕಲಿ ನೋಂದಣಿ ನಿಯಂತ್ರಿಸುವುದು ಇ-ಖಾತಾ ಕಡ್ಡಾಯದ ಮುಖ್ಯ ಉದ್ದೇಶವೆಂದು ಸಚಿವ ಕೃಷ್ಣಬೈರೇಗೌಡ ಅಧಿಕಾರಿ ವರ್ಗಕ್ಕೆ ಮನದಟ್ಟು ಮಾಡಿಕೊಟ್ಟರು. ಎಲ್ಲ ರೀತಿಯ ವಸತಿ, ಕೃಷಿ ಅಥವಾ ವಾಣಿಜ್ಯ ಸ್ವತ್ತುಗಳಿಗೆ ಖಾತೆಯು ಕಾನೂನಿನ ಪ್ರಕಾರ ಅಗತ್ಯವಿದೆ. ವಿವಿಧ ನ್ಯಾಯಾಲಯಗಳ ನಿರ್ದೇಶನಗಳಲ್ಲಿಯೂ ಸಹ ನೋಂದಣಿಗೆ ಇ-ಖಾತಾ ಅವಶ್ಯವಿದೆ. ನೋಂದಣಿ ವಹಿವಾಟುಗಳು ಈ ಹಿಂದಿನಿಂದಲೂ ಕಾನೂನುಬದ್ಧ ಅಥವಾ ಅರೆ ಕಾನೂನುಬದ್ಧವಾಗಿ ನೋಂದಣಿಯಾಗುತ್ತಿವೆ. ಎಲ್ಲ ರೀತಿಯ ಆಸ್ತಿ ನೋಂದಣಿಗಳಿಗೆ ಇ-ಖಾತೆಯು ಕಡ್ಡಾಯವಾಗಿದೆ. ಇದರಿಂದ ನಕಲಿ ಖಾತಾಗಳನ್ನು ಬಳಸಿಕೊಂಡು ನಕಲು ವಹಿವಾಟುಗಳನ್ನು ತಪ್ಪಿಸಬಹುದಾಗಿದೆ. ಕಾನೂನಿನಲ್ಲಿ ಲಭ್ಯ ಅವಕಾಶ, ಕೋರ್ಟ್​ಗಳ ನಿರ್ದೇಶನ, ಅವ್ಯವಹಾರ ಹಾಗೂ ಅಕ್ರಮಗಳ ದೂರು ಗಂಭೀರವಾಗಿ ಪರಿಗಣಿಸಿ, ಇ-ಖಾತಾ ಕಡ್ಡಾಯ ಮಾಡಲಾಗಿದೆ. ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ಹಿನ್ನೆಲೆಯಲ್ಲಿ ನಿಂತು ಇ-ಖಾತಾಗೆ ಒತ್ತಾಸೆ ನೀಡಿದ್ದು, ಆರ್​ಡಿಪಿಆರ್, ನಗರಾಭಿವೃದ್ಧಿ, ಪೌರಾಡಳಿತ ಇಲಾಖೆ ಅಧಿಕಾರಿಗಳ ಹೊಣೆಗಾರಿಕೆ ಹೆಚ್ಚಿದೆ ಎಂದು ಕೃಷ್ಣಬೈರೇಗೌಡ ವಿವರಿಸಿದರು.

ರಾಷ್ಟ್ರೀಯ ಇನ್​ಫಾರ್ವಟಿಕ್ಸ್ ಕೇಂದ್ರಕ್ಕೆ ಸೂಚನೆ

• ಯಾವುದೇ ನಿರ್ದಿಷ್ಟ ಹೊಂದಿಲ್ಲದ ಆಸ್ತಿಗಳನ್ನು ಉಲ್ಲೇಖಿಸಿ ಆಯಾಮವನ್ನು ಸೆರೆಹಿಡಿಯಲು ಇ-ಆಸ್ತಿ ಅಪ್ಲಿಕೇಶನ್​ನಲ್ಲಿ ಅವಕಾಶ
• ಕಾನೂನಿನಲ್ಲಿ ಲಭ್ಯ ಅವಕಾಶದಂತೆ ಡೆವಲಪರ್ ಹೆಸರಿನಲ್ಲಿ ರಿಲಿಂಕ್ವಿಶ್​ವೆುಂಟ್ ಡೀಡ್​ಗೆ ಖಾತಾ ಮಾಡಲು, ಕಾರ್ಯಗತಗೊಳಿಸಲು ಇ-ಆಸ್ತಿಯಲ್ಲಿ ನಿಬಂಧನೆ ಅಳವಡಿಕೆ
• ಇ-ಆಡಳಿತ ಇಲಾಖೆ ಜವಾಬ್ದಾರಿ
• ಇ-ಆಸ್ತಿ/ಇ-ಸ್ವತ್ತುಗಳಂತೆ ಪ್ರತ್ಯೇಕ ಅಪ್ಲಿಕೇಶನ್ ಅಭಿವೃದ್ಧಿಪಡಿಸಿ, ಟಿಡಿಆರ್ ಅಡಿಯಲ್ಲಿ ಅನೇಕ ಅನಿಯಮಿತ ವಹಿವಾಟುಗಳ ನಿರ್ವಹಣೆಗೆ ಪಿಐಡಿಗಳನ್ನು ನೀಡುವುದು.

ಪರಿಶೀಲನೆ, ಸೂಚನೆ

ಕರ್ನಾಟಕ ಗೃಹ ಮಂಡಳಿ ಮತ್ತು ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಮಂಡಳಿ ವ್ಯಾಪ್ತಿಯ ಸ್ವತ್ತುಗಳಿಗೂ ಇ-ಖಾತಾ ವಿತರಿಸುವ ಕುರಿತು ಪರಿಶೀಲಿಸಿ ಕ್ರಮಕೈಗೊಳ್ಳುವ ಬಗ್ಗೆ ಸಭೆಯಲ್ಲಿ ರ್ಚಚಿಸಲಾಯಿತು.

ಇ-ಆಸ್ತಿ ತಂತ್ರಾಂಶವನ್ನು 2-5-2016ರಿಂದ ಬಳಕೆ ಮಾಡಿ ನಮೂನೆ-3ರ ಸೃಜನೆ ಮತ್ತು ಹಕ್ಕು ವರ್ಗಾವಣೆ ಕೈಗೊಳ್ಳಲು ನಗರ ಸ್ಥಳೀಯ ಸಂಸ್ಥೆಗಳಿಗೆ ನಿರ್ದೇಶನ ನೀಡಿದ್ದು, ಇದುವರೆಗೆ 18.89 ಲಕ್ಷ ಆಸ್ತಿಗಳನ್ನು ಇ-ಆಸ್ತಿ ತಂತ್ರಾಂಶದಲ್ಲಿ ಸೃಜಿಸಿರುವುದರ ಪರಿಶೀಲನೆ ಹಾಗೂ ಸಂಬಂಧಿಸಿದ ಆಸ್ತಿ ಮಾಲೀಕರಿಂದ ಅಗತ್ಯ ದಾಖಲೆಗಳೊಂದಿಗೆ ನಮೂನೆ-3ನ್ನು ಕೋರಿ ಅರ್ಜಿ ಸಲ್ಲಿಸಿದ ಏಳು ದಿನಗಳೊಳಗೆ ವಿತರಿಸಲು ನಗರ ಸ್ಥಳೀಯ ಸಂಸ್ಥೆಗಳಿಗೆ ಸೂಚಿಸಲಾಯಿತು.

ಸಕ್ಷಮ ಪ್ರಾಧಿಕಾರದಿಂದ ಅನುಮೋದನೆಯಾಗದ ಬಡಾವಣೆಗಳಲ್ಲಿರುವ ಸ್ವತ್ತುಗಳಿಗೆ ನಮೂನೆ-3 ವಿತರಿಸುವ ಸಂಬಂಧ ಮುನ್ಸಿಪಲ್ ಕಾಯ್ದೆಗಳಿಗೆ ತಿದ್ದುಪಡಿ ತರಲಾಗಿದೆ. ಈ ಕಾಯ್ದೆಯಡಿ ರೂಪಿಸಿರುವ ನಿಯಮಗಳಿಗೆ ತಿದ್ದುಪಡಿ ಮಾಡುವ ಪ್ರಕ್ರಿಯೆ ಜಾರಿಯಲ್ಲಿರುವುದರ ಪರಿಶೀಲನೆಗೆ ನಿರ್ಧರಿಸಲಾಯಿತು.

ಇ-ಆಸ್ತಿ ತಂತ್ರಾಂಶದಲ್ಲಿ ವಿತರಿಸಲಾಗಿರುವ ನಮೂನೆ-3ರ ಶೇ.10ರಷ್ಟು ಮಾತ್ರ ತಿದ್ದುಪಡಿ ಮಾಡಲು ಅವಕಾಶವಿದೆ. ಅಳತೆ ತಿದ್ದುಪಡಿ ಮಾಡುವ ಸಂಬಂಧ ಸದರಿ ಮಿತಿಯನ್ನು 8-11-2024ರಿಂದ ತೆಗೆದು ಹಾಕಿ, ಅಳತೆ ಸಮಸ್ಯೆ ಇತ್ಯರ್ಥಪಡಿಸಿರುವುದನ್ನು ಸಭೆ ಪರಾಮಶಿಸಿತು.

ಉದ್ಯಾನವನ ಮತ್ತು ರಸ್ತೆ ಜಮೀನುಗಳಿಗೆ ನಮೂನೆ-3 ಸೃಜಿಸಲು ತಂತ್ರಾಂಶದಲ್ಲಿ ಅವಕಾಶ ಕಲ್ಪಿಸಲು ರಾಷ್ಟ್ರೀಯ ಇನ್​ಫಾರ್ವಟಿಕ್ಸ್ ಕೇಂದ್ರ (ಎನ್​ಐಸಿ)ಕ್ಕೆ ಸೂಚಿಸಲಾಗಿದೆ.

ಯಾವುದೇ ಸ್ವತ್ತನ್ನು ವಿಭಜಿಸುವ ಅಥವಾ ಒಟ್ಟುಗೂಡಿಸುವ ಪೂರ್ವದಲ್ಲಿ ಸಕ್ಷಮ ಪ್ರಾಧಿಕಾರದಿಂದ ನಕ್ಷೆ ಅನುಮೋದನೆ ಅಗತ್ಯವಿದೆ. ನಕ್ಷೆ ಅನುಮೋದನೆಯಂತೆ ಸ್ವತ್ತಿನ ವಿಭಜನೆ ಅಥವಾ ಒಟ್ಟುಗೂಡಿಸುವಿಕೆಗೆ ಕ್ರಮ

ಭೂ ಪರಿವರ್ತನೆಯ ನಂತರ ಸಂಬಂಧಿಸಿದ ಯೋಜನಾ ಪ್ರಾಧಿಕಾರದಿಂದ ಲೇಔಟ್ ಪ್ಲಾ್ಯನ್​ಗೆ ಅನುಮೋದನೆ ಪಡೆದ ನಂತರದಲ್ಲಿ ಒಟ್ಟು ನಿವೇಶನ/ ನಿವೇಶನಗಳಿಗೆ ಖಾತಾ ನೀಡಲು ಕ್ರಮವಹಿಸಲಾಗುತ್ತಿದೆ. ಭೂಪರಿವರ್ತನೆ ಆಧಾರದ ಮೇಲೆ ಯೋಜನಾ ಪ್ರಾಧಿಕಾರದ ಅನುಮೋದನೆಯಿಲ್ಲದೇ ಖಾತಾ ನೀಡಲು ಕೆಎಂಎ 1964 ಸೆಕ್ಷನ್ 106 (ಎ)ರಡಿ ಅವಕಾಶವಿಲ್ಲ ಎಂಬುದನ್ನು ಸಭೆ ಅವಲೋಕಿಸಿತು.

ನಗರಾಭಿವೃದ್ಧಿ ಇಲಾಖೆ ಹೊಣೆಗಾರಿಕೆ ಏನು?

• ಇ-ಖಾತಾಗೆ ಸಂಬಂಧಿಸಿದಂತೆ ಅಗತ್ಯ ನಿರ್ದೇಶನಗಳನ್ನು ನೀಡಿ ಸುತ್ತೋಲೆ ಹೊರಡಿಸಿದ್ದು, ಇ-ಖಾತಾ ನೀಡುವ ಪ್ರಕ್ರಿಯೆ ತ್ವರಿತಗೊಳಿಸುವುದು
• ನಗರ ಸ್ಥಳೀಯ ಸಂಸ್ಥೆಗಳ ರೀತಿಯಲ್ಲಿ ಮುಡಾದಂತಹ ನಗರಾಭಿವೃದ್ಧಿ ಪ್ರಾಧಿಕಾರಗಳನ್ನು ಇ-ಆಸ್ತಿಗೆ ಒಳಪಡಿಸಿ, ಇ-ಖಾತಾ ವಿತರಣೆ ಸುಗಮಗೊಳಿಸುವುದು
• ಬಿಬಿಎಂಪಿಯಲ್ಲಿ ಚಾಲ್ತಿಯಲ್ಲಿರುವ ನಿಬಂಧನೆ ಮತ್ತು ಕಾರ್ಯವಿಧಾನದಂತೆಯೇ ಪಾಲಿಕೆ, ಪುರಸಭೆಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿರುವ ವಸತಿ ಮತ್ತು ವಾಣಿಜ್ಯ ಆಸ್ತಿಗಳಿಗೆ ಖಾತಾ ನೀಡುವುದು
• ಪಾಲಿಕೆ, ಪುರಸಭೆ ವ್ಯಾಪ್ತಿಯ ವಸತಿ, ವಾಣಿಜ್ಯ ಆಸ್ತಿ ಮಾಲಿಕರು ಒಮ್ಮೆ ಖಾತಾ ಪಡೆದ ನಂತರ ಮಾರಾಟ ನೋಂದಣಿ ನಡೆಯಬಹುದು

ಜಂಟಿ ಕಾರ್ಯಪಡೆ ಕೆಲಸವೇನು?

• ಮಲೆನಾಡು ಪ್ರದೇಶವಾದ ಚಿಕ್ಕಮಗಳೂರು, ಹಾಸನ, ಉತ್ತರಕನ್ನಡ, ಕರಾವಳಿಯ ಉಡುಪಿ ಮತ್ತು ದಕ್ಷಿಣಕನ್ನಡ ಜಿಲ್ಲೆಗಳಲ್ಲಿ ಇ-ಖಾತಾ ವಿತರಿಸುವಲ್ಲಿ ಎದುರಾಗಿರುವ ಸಮಸ್ಯೆಗಳಿಗೆ ಪರಿಹಾರ
• ಗ್ರಾಮೀಣ ಪ್ರದೇಶಗಳಲ್ಲಿ ಗ್ರಾಮಠಾಣಾ ವ್ಯಾಪ್ತಿಯ ವಿಸ್ತರಣೆ ಮುಂತಾದ ಸಮಸ್ಯೆಗಳಿಗೆ ಪರಿಹಾರೋಪಾಯಗಳ ಶಿಫಾರಸು
•  ಇ-ಖಾತಾ ವಿತರಣೆ ಪ್ರಕ್ರಿಯೆ ಸುಗಮಗೊಳಿಸುವುದು, ಚಾಲ್ತಿ ಅಡೆತಡೆಗಳ ನಿವಾರಣೆ, ಭವಿಷ್ಯದಲ್ಲಿ ಎದುರಾಗಬಹುದಾದ ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ

https://www.vijayavani.net/kl-rahul-breaks-silence-on-animated-chat-with-sanjiv-goenka-during-ipl-2024-says

https://www.vijayavani.net/orange-juice-wins-woman-rs-2-crore-lottery