'ಸೂರ್ಯ S/o ಕೃಷ್ಣನ್'​ ಚಿತ್ರ ರೀ-ರಿಲೀಸ್​; ಮತ್ತೊಮ್ಮೆ ಪರದೆಯ ಮೇಲೆ ಸಿನಿಮಾ ನೋಡಿ ಫ್ಯಾನ್ಸ್​ ಹೇಳಿದ್ದೇನು?

ತಮಿಳುನಾಡು: ಕಾಲಿವುಡ್ ನಟರ ಪೈಕಿ ಸೂರ್ಯ ಅವರಿಗೆ ತೆಲುಗು ಅಭಿಮಾನಿಗಳ ಸಂಖ್ಯೆ ಹೆಚ್ಚಿದ್ದು, ಟಾಲಿವುಡ್​ ಅಂಗಳದಲ್ಲೂ ಅವರ ಸಿನಿಮಾಗಳನ್ನು ವಿಶೇಷವಾಗಿ ಸಂಭ್ರಮಿಸುತ್ತಾರೆ. ಸದ್ಯ ಇದೀಗ ಸೂರ್ಯ ಅಭಿನಯಿಸಿದ್ದ, ಬ್ಲಾಕ್​ಬಸ್ಟರ್ ​'ಸೂರ್ಯ S/o ಕೃಷ್ಣನ್'​ ಚಿತ್ರವನ್ನು ಫ್ಯಾನ್ಸ್​ಗಳಿಗೆ ಎಂದು ಚಿತ್ರಮಂದಿರಗಳಲ್ಲಿ ರೀ-ರಿಲೀಸ್​ ಮಾಡಲಾಗಿದೆ.

ಇದನ್ನೂ ಓದಿ: ಬರ್ಮೀಸ್ ಹೆಬ್ಬಾವುಗಳನ್ನು ಕೊಲ್ಲುವ ಸ್ಪರ್ಧೆ-ಕೆನಡಾ, ಬೆಲ್ಜಿಯಂ, ಲಾಟ್ವಿಯಾದಿಂದ ಸ್ಪರ್ಧಿಸಿದ ಜನರು

ಕಲ್ಟ್ ಕ್ಲಾಸಿಕ್ 'ಸೂರ್ಯ S/o ಕೃಷ್ಣನ್' (ವಾರಣಂ ಆಯಿರಂ) ಚಿತ್ರದ ಮರು ಬಿಡುಗಡೆಗೆ ಸಿನಿಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ರಿಲೀಸ್​ಗೂ ಮುನ್ನ ಊಹಿಸಿದಂತೆ ಓಪನಿಂಗ್​ ಸಿಗದಿದ್ದರೂ ತದನಂತರ ಹೂವಿನ ಹಾರ, ಜೈಕಾರಗಳ ಮುಖೇನ ಅಭಿಮಾನಿಗಳು ಥಿಯೇಟರ್​ನಲ್ಲಿ ಚಿತ್ರವನ್ನು ಸಂಭ್ರಮಿಸಿದ್ದಾರೆ. ಅಪಾರ ಸಂಖ್ಯೆಯಲ್ಲಿ ಸಿನಿಮಾ ವೀಕ್ಷಣೆ ಮಾಡಿದ ಫ್ಯಾನ್ಸ್​ನ ಬೆಂಬಲ ಮುಂದಿನ ವರ್ಷ ರಿಲೀಸ್​ ಆಗಲಿರುವ 'ಕಂಗುವ' ಚಿತ್ರದ ಸಕ್ಸಸ್​ಗೆ ದೊಡ್ಡ ಕಾರಣವಾಗಲಿದೆ ಎಂದು ಹಲವರು ಅಭಿಪ್ರಾಯಿಸಿದ್ದಾರೆ.

ಖ್ಯಾತ ನಿರ್ಮಾಪಕ ಗೌತಮ್ ವಾಸುದೇವ್ ಮೆನನ್ ನಿರ್ದೇಶನದ ಈ ಚಿತ್ರದಲ್ಲಿ ಸೂರ್ಯ, ಸಮೀರಾ ರೆಡ್ಡಿ, ಸಿಮ್ರಾನ್ ಮತ್ತು ಸ್ಯಾಂಡಲ್​ವುಡ್ ನಟಿ ದಿವ್ಯಾ ಸ್ಪಂದನಾ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಹ್ಯಾರಿಸ್ ಜಯರಾಜ್ ಸಂಗೀತ ಸಂಯೋಜನೆ ಮಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/drunk-man-uses-axe-and-damages-school-property