ಸುಮ್​ ಸುಮ್ನೆ ಕೆಮ್ಮಬೇಡಿ, ಕರೊನಾ ಬಗ್ಗೆ ಜೋಕ್​ ಮಾಡ್ಬೇಡಿ; ಈ ಶಾಲೆಗಳಲ್ಲಿ ಪಾಲಿಸಬೇಕಿದೆ ಹಲವು ನಿಯಮ...!

ಕರೊನಾ ಸಂಕಷ್ಟ ಹೆಚ್ಚಾಗಿರುವ ಹೆಚ್ಚಿನ ದೇಶಗಳಲ್ಲಿ ಶೈಕ್ಷಣಿಕ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಲಾಗಿದೆ. ಶಾಲಾ- ಕಾಲೇಜುಗಳನ್ನು ಬಂದ್​ ಮಾಡಲಾಗಿದೆ. ಆದರೆ, ಕೆಲ ದೇಶಗಳಲ್ಲಿ ತರಗತಿಗಳನ್ನು ನಡೆಸಲಾಗುತ್ತಿದೆ.

ಬ್ರಿಟನ್​ನಲ್ಲಿ ಶಾಲಾ- ಕಾಲೇಜುಗಳ ಆರಂಭಕ್ಕೆ ಹಸಿರು ನಿಶಾನೆ ತೋರಿಸಲಾಗಿದೆ. ಹೊಸ ಶೈಕ್ಷಣಿಕ ವರ್ಷಾರಂಭಕ್ಕೆ ಚಾಲನೆ ದೊರೆತಿದೆ. ಆದರೆ, ಹಲವು ನಿರ್ಬಂಧಗಳಿವೆ.

ಇದನ್ನೂ ಓದಿ; ಸಭೆ, ಸಮಾರಂಭಕ್ಕೆ ಅನುಮತಿ; ಸೆ.7ರಿಂದ ಮೆಟ್ರೋ ಸಂಚಾರ; ಶಾಲಾ-ಕಾಲೇಜು ಬಂದ್​; ಅನ್​ಲಾಕ್​ 4.0 ಮಾರ್ಗಸೂಚಿ 

ಶಿಕ್ಷಣ ಸಂಸ್ಥೆಯ ಕ್ಯಾಂಪಸ್​ನಲ್ಲಿ ವ್ಯಕ್ತಿಗತ ಅಂತರ ಪಾಲಿಸುವುದು ಸೇರಿ ಹಲವು ನಿಯಮಗಳನ್ನು ಪಾಲಿಸುವುದು ಕಡ್ಡಾಯವಾಗಿದೆ. ಒಂದು ಈ ನಿಯಮಗಳನ್ನು ಪಾಲಿಸದಿದ್ದಲ್ಲಿ ಶಿಕ್ಷಗೆ ಗುರಿಯಾಗಬೇಕಾಗುತ್ತದೆ. ಜತೆಗೆ, ಶಾಲೆಯಿಂದಲೇ ಅಮಾನತು ಮಾಡಲಾಗುತ್ತದೆ ಎಂದು ಎಚ್ಚರಿಕೆ ನೀಡಲಾಗಿದೆ.

ಈಸ್ಟ್​ ಸಸೆಕ್ಸ್​ನಲ್ಲಿರುವ ಶಾಲೆಯೊಂದು ರೂಪಿಸಿರುವ ನಿಯಮಗಳು ಹೀಗಿವೆ. ಉದ್ದೇಶಪೂರ್ವಕವಾಗಿ ಅಥವಾ ಸಕಾರಣವಿಲ್ಲದೇ ಕೆಮ್ಮುವುದು, ಸೀನುವುದು, ಕರೊನಾ ಬಗ್ಗೆ ಸೂಕ್ತವಲ್ಲದ ಕಾಮೆಂಟ್​ಗಳನ್ನು ಮಾಡುವುದು, ಉದ್ದೇಶಪೂರ್ವಕವಾಗಿ ಮತ್ತೊಬ್ಬರನ್ನು ಸ್ಪರ್ಶಿಸುವುದು, ಶಾಲೆ ರೂಪಿಸಿದ ನಿಯಮಗಳನ್ನು ಪದೇಪದೆ ಉಲ್ಲಂಘಿಸುವುದು. ಈ ಎಲ್ಲ ಕೃತ್ಯಗಳಿಗೆ ವಿದ್ಯಾರ್ಥಿಯನ್ನು ಶಾಲೆಯಿಂದ ಅಮಾನತು ಮಾಡುವ ಶಿಕ್ಷೆ ನೀಡಲಾಗುತ್ತದೆ ಎಂದು ಸಂಸ್ಥೆ ತಿಳಿಸಿದೆ.

ಇದನ್ನೂ ಓದಿ; 9 ತಾಸಿನ ನಿದ್ದೆಯೇ ಉದ್ಯೋಗ; ಲಕ್ಷ ರೂ. ಸಂಬಳ; ಷರತ್ತುಗಳು ಅನ್ವಯ….! 

ಸುಮ್​ಸುಮ್ನೆ ಕೆಮ್ಮಿದರೆ, ಕರೊನಾ ಬಗ್ಗೆ ಕೆಟ್ಟ ಜೋಕ್​ ಮಾಡಿದರೆ ಶಿಕ್ಷೆ ಗ್ಯಾರಂಟಿ ಎಂದು ಮತ್ತೊಂದು ಶಿಕ್ಷಣ ಸಂಸ್ಥೆಯೂ ಪ್ರಕಟಣೆ ಹೊರಡಿಸಿದೆ. ತರಗತಿಯಿಂದ ಹೊರ ಹೋಗುವಂತಿಲ್ಲ. ಡೆಸ್ಕ್​ ಮೇಲೆಯೇ ಊಟ ಮಾಡಬೇಕು ಎಂದು ಕಟ್ಟಪ್ಪಣೆ ವಿಧಿಸಿದೆ. ಇದು ವಿಚಿತ್ರ ಎನಿಸಿದರೂ ಸಾಂಕ್ರಾಮಿಕ ಸಂಕಷ್ಟದಿಂದ ಪಾರಾಗಲೂ ಅಗತ್ಯವೂ ಆಗಿದೆ ಎನ್ನುತ್ತಾರೆ ಶಿಕ್ಷಕರು.

https://www.vijayavani.net/girl-swept-more-than-100-feet-in-the-air-by-giant-kite/