ಏ. 8ರಂದು ಹುಡುಗಿಯ ತಂದೆ-ತಾಯಿಯನ್ನು ಕರೆಸಿದ್ದ ಪ್ರಿನ್ಸಿಪಾಲ್ ಎಚ್ಚರಿಕೆ ಕೊಟ್ಟು ಕಳಿಸಿದ್ದರು. ಮಾರನೇ ದಿನ ಅದೇ ಶಾಲೆಯಲ್ಲಿ 9ನೇ ತರಗತಿ ವಿದ್ಯಾರ್ಥಿಯಾಗಿರುವ ಮಗನನ್ನೂ ಕರೆದುಕೊಂಡು ಪ್ರಾಂಶುಪಾಲರನ್ನು ಭೇಟಿಯಾದ ಪಾಲಕರು, ತಮ್ಮ ಪುತ್ರಿಯ ವಿರುದ್ಧ ಕಠಿಣ ಕ್ರಮಕೈಗೊಳ್ಳದಂತೆ ವಿನಂತಿಸಿಕೊಂಡಿದ್ದರು. ಆದರೆ ಇದಕ್ಕೆ ಸ್ಪಂದಿಸದ ಪ್ರಾಂಶುಪಾಲ, ನಿಮ್ಮ ಇಬ್ಬರು ಮಕ್ಕಳನ್ನೂ ಶಾಲೆಯಿಂದ ತೆಗೆಯಲಾಗುವುದು ಎಂದು ಗದರಿದ್ದಾರೆ. ಏ. 9ರಂದು ಮನೆಗೆ ಮರಳಿದ ಪಾಲಕರು ನಡೆದ ವಿಷಯ ತಿಳಿಸಿ, ನಾಳೆ ಇನ್ನೊಮ್ಮೆ ಕಾಲೇಜಿಗೆ ಮನವಿ ಮಾಡಿಕೊಳ್ಳುವುದಾಗಿ ಪುತ್ರಿಗೆ ಸಮಾಧಾನ ಹೇಳಿದ್ದರು. ಆದರೆ ಅಂದು ಅದಕ್ಕೆ ಏನೂ ಹೇಳದ ವಿದ್ಯಾರ್ಥಿನಿ ಊಟ ಕೂಡ ಮಾಡಿರಲಿಲ್ಲ. ಒಳಗೆ ರೂಮ್ಗೆ ಹೋಗಿದ್ದವಳು ಊಟ-ತಿಂಡಿಗೂ ಬಂದಿರಲಿಲ್ಲ. ಏನಾಯಿತು ಎಂದು ಹೋಗಿ ನೋಡಿದಾಗ ಫ್ಯಾನ್ಗೆ ನೇಣು ಹಾಕಿಕೊಂಡಿದ್ದಳು ಎಂದು ಹುಡುಗಿಯ ಮಾವ ಪೊಲೀಸರಿಗೆ ದೂರಿನಲ್ಲಿ ತಿಳಿಸಿದ್ದಾರೆ. ಅಂದಹಾಗೆ ಈ ಘಟನೆ ಹರ್ಯಾಣದ ಗುರುಗ್ರಾಮದಲ್ಲಿ ಏ. 9ರಂದು ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ. (ಏಜೆನ್ಸೀಸ್)
