ಅತ್ಯಾಚಾರ-ಕೊಲೆಗೆ ತುತ್ತಾದ ಟ್ರೈನಿ ವೈದ್ಯೆ ಸಾವಿಗೆ ನ್ಯಾಯ ಸಿಗುವವರೆಗೂ ನಾವು ಪ್ರತಿಭಟನೆ ನಿಲ್ಲಿಸಲ್ಲ, ಈ ಸ್ಥಳದಿಂದ ಕಿಂಚಿತ್ತು ಕದಲಲ್ಲ. ಮಗಳನ್ನು ಕಳೆದುಕೊಂಡ ಪೋಷಕರಿಗೆ ಹಾಗೂ ನಮಗೆ ನ್ಯಾಯ ದೊರಕುವವರೆಗೂ ಈ ಹೋರಾಟವನ್ನು ಯಾವುದೇ ಕಾರಣಕ್ಕೂ ಕೊನೆಗೊಳಿಸಲ್ಲ ಎಂದು ವೈದ್ಯರು ಮಮತಾ ಬ್ಯಾನರ್ಜಿ ಸರ್ಕಾರಕ್ಕೆ ಸವಾಲು ಹಾಕಿದ್ದರು. ಹಲವು ಬಾರಿ ಪ್ರತಿಭಟನೆ ಕೈಬಿಟ್ಟು, ಆಸ್ಪತ್ರೆಗಳಲ್ಲಿ ನಿಮ್ಮ ಕೆಲಸಗಳನ್ನು ಮುಂದುವರೆಸಿ, ಸಾವಿರಾರೂ ರೋಗಿಗಳ ಪ್ರಾಣ ಉಳಿಸಿ ಎಂದು ಬೇಡಿಕೊಂಡಿದ್ದ ಸಿಎಂ, ಕಡೆಯ ಬಾರಿಗೆ ಹಲವು ಭರವಸೆಗಳನ್ನು ಕೊಡುವ ಮುಖೇನ ನಡೆಸಿದ ಪ್ರಯತ್ನ ಯಶಸ್ವಿಯಾಗಿದ್ದು, ವೈದ್ಯರು ತಮ್ಮ 42 ದಿನಗಳ ಹೋರಾಟವನ್ನು ಕಡೆಗೂ ಹಿಂಪಡೆದು ಶನಿವಾರದಿಂದ ಕೆಲಸಕ್ಕೆ ಮರಳುತ್ತೇವೆ ಎಂದು ಹೇಳಿದ್ದಾರೆ.
