ಯಾರಾಗುವರು ಕೋಟೆ ಕಾವಲಿಗ ?

ಅಶೋಕ ಶೆಟ್ಟರ, ಬಾಗಲಕೋಟೆ: ಬಾಗಲಕೋಟೆ ಉಪ ಕದನ ಮುಗಿದಿದೆ. ಯುದ್ಧದಲ್ಲಿ ಗೆಲುವು ಯಾರಿಗೆ ಎನ್ನುವುದು ಇವಿಎಂನಲ್ಲಿ ಭದ್ರವಾಗಿದೆ. ಮೇ ೪ಕ್ಕೆ ಅದು ಬಹಿರಂಗವಾಗುತ್ತದೆ. ಆದರೆ, ಈ ಮಿನಿ ಸಮರದಲ್ಲಿ ಕೋಟೆ ಕಾವಲಿಗ ಯಾರಾಗಲಿದ್ದಾರೆ ಎನ್ನುವ ಚರ್ಚೆ ಮಾತ್ರ ನಡೆಯುತ್ತಲೇ ಇದೆ.

ಒಬ್ಬೊಬ್ಬರದ್ದು ಒಂದೊAದು ತರಹದ ವಿಶ್ಲೇಷಣೆ. ಅಲ್ಲಿ ಹಾಗಾಗಿದೆ, ಇಲ್ಲಿ ಹೀಗಾಗಿದೆ. ಅವರ ಕೈಕೊಟ್ಟರು, ಇವರು ಬೆಂಬಲಿಸಿದರು. ದುಡ್ಡಿಗೆ ಮಾರು ಹೋದರೂ, ಅವರ ನೋಟು, ಇವರಿಗೆ ಓಟು. ಕಳೆದ ಲೋಕಸಭೆಯಲ್ಲಿ ನೀಡಿದ್ದ ಒಳಹೊಡತ ಈ ಸಲವೂ ರಿಪೀಟ್ ಆಗಲಿದೆ. ಹೀಗೆ ಅಂತೆ, ಕಂತೆಗಳ ಭರಾಟೆ ಬಿರುಸುಗೊಂಡಿದೆ.

ಇದೆಲ್ಲದರ ನಡುವೆ ಕೈ-ಕಮಲ ಪಕ್ಷಗಳ ಮುಖಂಡರು ಮಾತ್ರ ಮತಗಟ್ಟೆವಾರು ಚಲಾವಣೆ ಆಗಿರುವ ಮತಗಳು, ಅಲ್ಲಿ ತಮಗೆ ಸಿಕ್ಕಿರಬಹುದಾದ ಮತ ಪ್ರಮಾಣಗಳ ಲೆಕ್ಕ ಹಾಕಿ, ಅಳೆದು ತೂಗಿ ಅಂತಿಮವಾಗಿ ಗೆಲುವು ತಮ್ಮದೇ ಎನ್ನುವ ಸಮಾಧಾನದ ನಿಟ್ಟುಸಿರು ಬಿಡುತ್ತಿದ್ದಾರೆ. ಆದರೂ ಒಳಗೊಳಗೆ ತಮ್ಮ ಲೆಕ್ಕಾಚಾರ ಎಲ್ಲ ಉಲ್ಟಾಪಲ್ಟಾ ಆದೀತ ಎನ್ನುವ ಆತಂಕದಲ್ಲೂ ಇದ್ದಂತಿದೆ.

ಹೀಗಾಗಿಯೇ ಮತದಾನ ಮುಗಿದ ಬಳಿಕ ಶುರುವಾಗಿರುವ ಕೂಡಿಸಿ, ಕಳೆದು ತೂಗುವ ಕೆಲಸ ಮಾತ್ರ ನಿಂತಿಲ್ಲ. ಅದು ಎರಡೂ ಪಕ್ಷಗಳಲ್ಲೂ ಗೆಲುವಿನ ಅಂತರ ದಿನೇ ದಿನೇ ಏರುಪೇರು ಆಗುತ್ತಲೇ ಬಂದಿದೆ. ಏ.೭ ರ ವರೆಗೂ ಅಳುಕಿನಲ್ಲೆ ಇದ್ದ ಕಾಂಗ್ರೆಸ್ ಪಕ್ಷಕ್ಕೆ ಕೊನೆಯ ಮೂರು ದಿನ ನಡೆದ ಘಟನಾವಳಿಗಳು ಗೆಲುವಿನ ಆಸೆ ಗರಿಗೆದರುವಂತೆ ಮಾಡಿದ್ದು ಸುಳ್ಳಲ್ಲ. ಹೀಗಾಗಿಯೇ ಮತದಾನ ಮುಕ್ತಾಯವಾಗುತ್ತಿದ್ದಂತೆ ಪಕ್ಷದ ಕಾರ್ಯಕರ್ತರು ಗೆಲುವಿನ ಉತ್ಸಾಹದಲ್ಲಿ ತೇಲಲು ಆರಂಭಿಸಿದ್ದಾರೆ.

ಆಡಳಿತ ಪಕ್ಷ ಎನ್ನುವ ಟ್ರಂಪ್ ಕಾರ್ಡ್, ಮತದಾನದ ೨೦ ದಿನಗಳ ಅಂತರದಲ್ಲಿ ಮೂರು ಸಲ ಗೃಹಲಕ್ಷಿ÷್ಮÃ ಹಣ ಬಂದಿರುವುದು, ಸಂಪುಟದ ಅರ್ಧದಷ್ಟು ಸಚಿವರು ನಡೆಸಿದ ಪ್ರಚಾರ, ಸ್ವತಃ ಮುಖ್ಯಮಂತ್ರಿ ಸಿದ್ದರಾಮಯ್ಯ ೭ ದಿನಗಳ ಪ್ರಚಾರ ಮಾಡಿರುವುದು. ಅಹಿಂದ ಮತಗಳನ್ನು ಹಿಡಿದಿಟ್ಟುಕೊಂಡಿದ್ದೇವೆ ಎನ್ನುವ ವಿಶ್ವಾಸ ಹಾಗೂ ಕೊನೆಯ ಮೂರು ದಿನಗಳ ಕರಾಮತ್ತು ಕಾಂಗ್ರೆಸ್‌ನವರ ಗೆಲುವಿನ ವಿಶ್ವಾಸವನ್ನು ಹೆಚ್ಚಿನ ಪ್ರಮಾಣಕ್ಕೆ ಕರೆದುಕೊಂಡು ಹೋಯಿತು.

ಹೀಗಾಗಿ ಏ.೯ ರ ರಾತ್ರಿ ಹೊತ್ತಿಗೆ ಗೆಲುವಿನ ಅಂತರ ೨೦ ಸಾವಿರ ದಾಟಲಿದೆ ಎನ್ನುವ ಚರ್ಚೆಗಳು ಶುರುವಾದವು. ಅದು ಬೆಳಗಾಗುವಷ್ಟರಲ್ಲಿ ಸ್ವಲ್ಪ ತಗ್ಗಿತ್ತು. ಬಳಿಕ ೧೬ ಸಾವಿರಕ್ಕೆ ಇಳಿಕೆ ಆಯಿತು. ಚುನಾವಣೆ ಉಸ್ತುವಾರಿ ಹೊತ್ತಿದ್ದ ನೆರೆಯ ಜಿಲ್ಲೆಯ ಬೆಂಬಲಿಗ ಪಡೆ ಆರಂಭದಿAದ ಕ್ಷೇತ್ರದಲ್ಲಿ ಠಿಕಾಣಿ ಹೂಡಿ, ಸಂಪನ್ಮೂಲ ವಿತರಣೆ ವರೆಗೂ ಚಾಕಚಕ್ಯತೆಯಿಂದ ಜವಾಬ್ದಾರಿ ನಿರ್ವಹಿಸಿದ್ದು, ಅವರು ನೀಡಿದ ಅಂಕಿ ಅಂಶ ಕಾಂಗ್ರೆಸ್ ಪಕ್ಷ ೧೬ ಸಾವಿರ ಮತಗಳಿಂದ ಗೆಲ್ಲಲಿದೆ ಎನ್ನುವ ಸುದ್ದಿ ಹರಿದಾಡತೊಡಗಿತು.

ಆದರೆ, ಕಳೆದ ಎರಡು ದಿನಗಳಿಂದ ಅಂತರ ಮತ್ತೆ ಮತ್ತೆ ಇಳಿಕೆ ಆಗುತ್ತಲೇ ಬಂದಿದ್ದು, ಭಾನುವಾರ ಮಧ್ಯಾಹ್ನದ ಹೊತ್ತಿಗೆ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಉಮೇಶ ಮೇಟಿ ಅವರ ಮಾಧ್ಯಮದ ವಾಟ್ಸಪ್ ಗ್ರುಪ್‌ನಲ್ಲಿ ನಗರ, ಗ್ರಾಮೀಣ ಪ್ರದೇಶದಲ್ಲಿ ಮತದಾನದ ಪ್ರಮಾಣ, ಅದರಲ್ಲಿ ತಮಗೆಷ್ಟು, ಬಿಜೆಪಿಗೆಷ್ಟು ಎನ್ನುವ ಮಾಹಿತಿ ಕ್ರೋಢಿಕರಿಸಿ ಅಂತಿಮವಾಗಿ ಕಾಂಗ್ರೆಸ್ ಗೆಲ್ಲಲಿದೆ. ಆದರೆ, ಗೆಲುವಿನ ಅಂತರ ೫೫೨೯ ಎಂದು ಶರಾ ಬರೆದಿದ್ದಾರೆ. ಇದರಿಂದ ೨೦ ಸಾವಿರಕ್ಕೂ ಅಽಕ ಅಂತರವೂ ಅಂತಿಮವಾಗಿ ೬ ಸಾವಿರ ಒಳಗಡೆಗೆ ಬಂದು ನಿಂತಿದೆ. ಒಟ್ಟಾರೆಯಾಗಿ ಕಾಂಗ್ರೆಸ್ ಅಭ್ಯರ್ಥಿಗೆ ಸರ್ಕಾರದ `ಗೃಹಲಕ್ಷಿ÷್ಮÃ' `ವಿಜಯಲಕ್ಷಿ÷್ಮÃ'ಯಾಗಿ ಬದಲಾಗುತ್ತಾಳೆ ಎನ್ನುವ ಅಪಾರ ನಂಬಿಕೆಯಲ್ಲಿ ಇದ್ದಾರೆ.

ಬಿಜೆಪಿ ಲೆಕ್ಕಾಚಾರವೂ ಆಚೀಚೆಗೆ ಇದೆ :

ಇನ್ನೂ ವಿಪಕ್ಷ ಬಿಜೆಪಿ ಕಡೆಯೂ ಲೆಕ್ಕಚಾರ ಜೋರಾಗಿದೆ. ಆಡಳಿತ ಪಕ್ಷದ ಅಬ್ಬರ ಎಷ್ಟೇ ಆಗಿದ್ದರೂ ವಿಜಯಲಕ್ಷಿ÷್ಮÃ ತಮ್ಮ ಕಡೆಗೆ ಇದ್ದಾಳೆ ಎನ್ನುವ ವಿಶ್ವಾಸದಲ್ಲಿ ಅವರು ತೇಲುತ್ತಿದ್ದಾರೆ. ಆದರೆ, ತಮ್ಮ ಪಕ್ಷದ ಗೆಲುವಿನ ಅಂತರ ಹುಬ್ಬೇರಿಸುವ ಅಂತದಲ್ಲಿ ಹೇಳುತ್ತಿಲ್ಲ. ಆರಂಭದಲ್ಲಿ ಒಂದು ಸಾವಿರದ ಒಳಗಡೆಯಾದರೂ ಕಮಲ ಅರಳಲಿದೆ ಎನ್ನುತ್ತಿದ್ದರು. ಅಲ್ಲಿಯೂ ಮತಗಟ್ಟೆವಾರು ಮತಗಳ ಲೆಕ್ಕಹಾಕಿಕೊಂಡು ಅಂತಿವಾಗಿ ಅವರು ಸಹ ೩ ರಿಂದ ೪ ಸಾವಿರದ ಅಂತರದಲ್ಲಿ ಬಿಜೆಪಿ ಅಭ್ಯರ್ಥಿ ಗೆಲುವು ಪಡೆಯಲಿದ್ದಾರೆ.

೨೦೨೩ರ ಚುನಾವಣೆಯಲ್ಲಿ ಕ್ಷೇತ್ರದಲ್ಲಿ ಬಿಜೆಪಿಗೆ ಇದ್ದ ವಿರೋಧ, ಕಾಂಗ್ರೆಸ್ ಪಕ್ಷದ ಗ್ಯಾರಂಟಿ ಭರವಸೆಗಳು, ಸ್ಥಳೀಯವಾಗಿ ಬಿಜೆಪಿಯಲ್ಲಿದ್ದ ಆಂತರಿಕ ಭಿನ್ನಾಭಿಪ್ರಾಯ, ಬಂಡಾಯದ ಬಿಸಿ, ಬಿಜೆಪಿ ಸರ್ಕಾರ ಕೊನೆ ಗಳಿಗೆಯಲ್ಲಿ ಮೀಸಲಾತಿ ವಿಚಾರದಲ್ಲಿ ಮಾಡಿಕೊಂಡ ಗೊಂದಲ, ಒಳಮೀಸಲಾತಿ ಪೆಟ್ಟು, ಜಗದೀಶ ಶೆಟ್ಟರ, ಲಕ್ಷ÷್ಮಣ ಸವದಿ, ಕೆ.ಎಸ್.ಈಶ್ವರಪ್ಪ ಅವರಿಗೆ ಟಿಕೆಟ್ ತಪ್ಪಿದ್ದು ಎಲ್ಲವೂ ಸೇರಿಕೊಂಡು ಬಿಜೆಪಿ ಅಭ್ಯರ್ಥಿ ಸೋತಿದ್ದು ಬರೀ ೫೮೦೦ ಮತಗಳಿಂದ.

ಈ ಸಲ ಬಿಜೆಪಿಗೆ ಅದ್ಯಾವುದರ ಟೆನ್ಶನ್ ಇರಲಿಲ್ಲ. ಮುಖಂಡರು ಒಗ್ಗಟ್ಟಿನ ಮಂತ್ರಿ ಜಪಿಸಿದ್ದರು. ಕಳೆದ ಸಲ ಒಳಮೀಸಲಾತಿ ವಿಚಾರವಾಗಿ ಕೈಕೊಟ್ಟಿದ್ದ ಮತಗಳು ಈ ಸಲ ಅದರಲ್ಲಿ ಎಷ್ಟೇ ಪ್ರಮಾಣದಲ್ಲಿ ಬಂದರೂ ಅದು ತಮಗೆ ಪ್ಲಸ್. ವೀರಶೈವ ಲಿಂಗಾಯತ ಮತಗಳು ಹೆಚ್ಚಿನ ಪ್ರಮಾಣದಲ್ಲಿ ಬಿಜೆಪಿಗೆ ಬಂದಿವೆ ಎನ್ನುವ ಲೆಕ್ಕಾಚಾರ. ಹಾಗೆಯೇ ಕಾಂಗ್ರೆಸ್ ಪಕ್ಷದಲ್ಲಿ ಕೆಲವೊಂದಿಷ್ಟು ಒಳಹೊಡೆತ ನೀಡಬಹುದಾದ ಪಟ್ಟಿಯನ್ನು ಮಾಡಿಕೊಂಡು ಗೆಲುವು ತಮ್ಮದೇ ಎನ್ನುವ ವಿಶ್ಲೇಷಣೆ ಮಾಡುತ್ತಿದ್ದಾರೆ.