ವಿದ್ಯುತ್​ ಖಾಸಗೀಕರಣ ಮಾಡಲು ಬಿಡಲ್ಲ

 ಬಸವಕಲ್ಯಾಣ: ವಿದ್ಯುತ್​ ವಿತರಣಾ ವ್ಯವಸ್ಥೆ ಖಾಸಗೀಕರ ಮಾಡಲು ಬಿಡುವುದಿಲ್ಲ ಎಂದು ಕರ್ನಾಟಕ ರಾಜ್ಯದ ಅನುಮತಿ ಪಡೆದ ವಿದ್ಯುತ್​ ಗುತ್ತಿಗೆದಾರರ ಸಂಘದ ರಾಜ್ಯಾಧ್ಯಕ್ಷ ಸಿ.ರಮೇಶ ಹೇಳಿದರು.

ನಗರದ ಜೆಸ್ಕಾಂ ಕಚೇರಿಯ ಹತ್ತಿರ ಬುಧವಾರ ಕರ್ನಾಟಕ ರಾಜ್ಯದ ಅನುಮತಿ ಪಡೆದ ವಿದ್ಯುತ್​ ಗುತ್ತಿಗೆದಾರರ ಸಂಘ (ರಿ) ತಾಲೂಕು ಸಮಿತಿಯ ನೂತನ ಕಟ್ಟಡದ ಉದ್ಘಾಟನೆ ಹಾಗೂ ಸಮಿತಿಯ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಲೈನ್​ಮನ್​ಗಳು ಕಾಮಗಾರಿ ಮಾಡುವ ವೇಳೆ ಅನಾಹುತವಾಗಿ ಮೃತಪಟ್ಟರೆ ಅವರ ಕುಟುಂಬಕ್ಕೆ ಜೆಸ್ಕಾಂನಿಂದ 5 ಲಕ್ಷ ರೂ.ವರೆಗೆ ಪರಿಹಾರ ಧನ ಒದಗಿಬೇಕು ಎನ್ನುವ ಸಂಘದ ಬೇಡಿಕೆ ಶೀಘ್ರದಲ್ಲಿ ಕಾರ್ಯರೂಪಕ್ಕೆ ಬರಲಿದೆ ಎಂದು ತಿಳಿಸಿದರು.

ಸಂಘದ ರಾಜ್ಯ ಉಪಾಧ್ಯಕ್ಷ ವೀರಶೆಟ್ಟಿ ಖ್ಯಾಮಾ ಮಾತನಾಡಿ, ಎಲ್ಲ ಜಿಲ್ಲಾ ಹಾಗೂ ತಾಲೂಕು ಸಮಿತಿಯ ವಿದ್ಯುತ್​ ಗುತ್ತಿಗೆದಾರರಿಗೆ ಎದುರಾಗುವ ಸಮಸ್ಯೆಗಳನ್ನು ಬಗೆಹರಿಸಲು ಸಂಘ ಬೆನ್ನೆಲುಬಾಗಿ ನಿಲ್ಲಲಿದೆ ಎಂದು ಭರವಸೆ ನೀಡಿದರು.

ಜೆಸ್ಕಾಂ ಉಪ ವಿಭಾಗ  ಎಇಇ ರಾಹುಲ್​ ಇಜಾರೆ ಮಾತನಾಡಿ, ಇಲಾಖೆ ಅಧಿಕಾರಿ ಮತ್ತು ಗುತ್ತಿಗೆದಾರರು ಪರಸ್ಪರ ಸಹಕಾರದಿಂದ ಕೆಲಸ ಮಾಡಿದಾಗ ಜನರಿಗೆ ಉತ್ತಮ ಸೇವೆ ನೀಡಲು ಅನುಕೂಲವಾಗುತ್ತದೆ ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿದ್ದ ತಾಲೂಕು ಅಧ್ಯಕ್ಷ ಜಯರಾಮ ಗಾಯಕವಾಡ, ಸಂಘದ ಜಿಲ್ಲಾ ಘಟಕದ ಮಾಜಿ ಉಪಾಧ್ಯಕ್ಷ ಅರ್ಷದ್​ ಮಹಾಗಾಂವಿ ಮಾತನಾಡಿದರು. ಜೆಸ್ಕಾಂ ಉಪ ವಿಭಾಗದ ಶಾಖಾಧಿಕಾರಿಗಳಾದ ಲಿಂಗರಾಜ್​ ಬಿರಾದಾರ, ಮಾದೇವಲಾಲ್​, ರಾಜ್ಯದ ಕಾರ್ಯಕಾರಿ ಸಮಿತಿಯ ಸದಸ್ಯ ರಾಜಕುಮಾರ ಘಾಳೆ, ಜಿಲ್ಲಾಧ್ಯಕ್ಷ ರವಿಕಿರಣ ಹೊನ್ನಾ, ಜಿಲ್ಲಾ ಕಾರ್ಯದರ್ಶಿ ವಿಲಾಸ ರಾಠೋಡ್​, ಜಿಲ್ಲಾ ಕಾರ್ಯಕಾರಿ ಸಮಿತಿ ಸದಸ್ಯ ಸುನೀಲ ರಾಠೋಡ್​, ಹುಮನಾಬಾದ್​ ತಾಲೂಕು ಸಮಿತಿ ಅಧ್ಯಕ್ಷ ದತ್ತು ವರ್ಮ, ಉಪಾಧ್ಯಕ್ಷ ಆಕಾಶ, ಕಾರ್ಯದರ್ಶಿ ಅಶ್ವಿನ್​ ಶಿವನೇರಿ, ಮಲ್ಲಪ್ಪ ಚಿನಕೇರಾ, ರಮೇಶ ಬಂಶೆಟ್ಟಿ, ಭೀಮ್​ ರಾಠೋಡ್​ ಇತರರಿದ್ದರು

ಸಿದ್ದರಾಮ ಹಾರಕೂಡೆ ಸ್ವಾಗತಿಸಿದರು. ಬೂದಯ್ಯ ಮಠಪತಿ ವಂದಿಸಿದರು. ತಾಜೋದ್ದೀನ್​ ಪಟೇಲ್​ ನಿರೂಪಣೆ ಮಾಡಿದರು.  ರಾಕೇಶ ಪುರವಂತ ಪ್ರಾರ್ಥನಾ ಗೀತೆ ಹಾಡಿದರು. ಸಂಘದ ತಾಲೂಕು ಸಮಿತಿ ನೂತನ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮ ಜರುಗಿತು.                  

ತಾಲೂಕು ಸಮಿತಿ: ಜಯರಾಮ ಗಾಯಕವಾಡ (ಅಧ್ಯಕ್ಷ) ಸಿದ್ದರಾಮ ಹಾರಕೂಡೆ (ಉಪಾಧ್ಯಕ್ಷ), ಮಾದೇವಸ್ವಾಮಿ (ಪ್ರಧಾನ ಕಾರ್ಯದರ್ಶಿ), ರಾಕೇಶ ಪುರವಂತ್​(ಕಾರ್ಯದರ್ಶಿ), ಫಿರೋಜ್​ ಖಾನ್​ (ಸಂಘಟನಾ ಕಾರ್ಯದರ್ಶಿ), ಹಿದಾಯತ್​ ಖಾನ್​ (ಕೋಶಾಧ್ಯಕ್ಷ),ಇಸ್ಮಾಯಿಲ್​ ರಾಜೇಶ್ವರ, ಶ್ರೀಕಾಂತ ಹರಳೆ, ಜಗದೀಶ ಚನ್ನಮಲ್ಲೆ, ಸಚಿನ ಪಾಟೀಲ್​, ಗುರುಪಾದಯ್ಯ ಸ್ವಾಮಿ (ನಿರ್ದೇಶಕರು).