ವಿಕಾಸಸೌಧ ಕ್ಯಾಂಟೀನ್‌ಗೆ ಬೀಗ

ಆಡುಗೆ ಕೋಣೆಯಲ್ಲಿ ಸರಿಯಾದ ಸ್ವಚ್ಛತೆ ಕಾಪಾಡದಿರುವುದು ಮತ್ತು ಕೀಟ ನಿಯಂತ್ರಣ ಕ್ರಮ ಕೈಗೊಳ್ಳದಿರುವುದು ಕಂಡುಬಂದಿದ್ದು, ಇದು ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ನಿಯಮಗಳ ಗಂಭೀರ ಉಲ್ಲಂಘನೆಯಾಗಿದೆ. ಈ ಹಿನ್ನೆಲೆಯಲ್ಲಿ ಕ್ಯಾಂಟೀನ್ ಅನ್ನು ತಾತ್ಕಾಲಿಕವಾಗಿ ಬಂದ್ ಮಾಡಲಾಗಿದೆ ಎಂದು ಬಾಗಿಲ ಮೇಲೆ ನಾಮಲಕ ಅಂಟಿಸಲಾಗಿದೆ. ನಿಯಮ ಉಲ್ಲಂಘನೆ ಸಂಬಂಧ ಕಾನೂನು ಕ್ರಮಕ್ಕೆ ಸೂಚಿಸಲಾಗಿದೆ.

ಗುರುವಾರವೂ ದಾಳಿ ಮುಂದುವರಿಸಿದ ಆಹಾರ ಸುರಕ್ಷತೆ ಅಧಿಕಾರಿಗಳು, ನಗರದ ಬಿ.ಜಿ. ರಸ್ತೆಯಲ್ಲಿರುವ ಖಾಸಗಿ ಆಸ್ಪತ್ರೆಯ ಕ್ಯಾಂಟೀನ್ ಪರಿಶೀಲಿಸಿದ್ದಾರೆ. ಈ ವೇಳೆ ಅವಧಿ ಮೀರಿದ ಹಾಗೂ ಕೆಟ್ಟ ಆಹಾರ ಪದಾರ್ಥಗಳು ಪತ್ತೆಯಾಗಿವೆ. ರವಾ, ಸಕ್ಕರೆ ಪುಡಿ, ಮೈದಾ ಹಾಗೂ ಬೇಕರಿ ಉತ್ಪನ್ನಗಳು ಜತೆಗೆ 4 ಪ್ಯಾಕೆಟ್ ಮಿಕ್ಸ್‌ಚರ್, 9 ಪ್ಯಾಕೆಟ್ ಪಾನಿಪೂರಿ, ಒಣಗಿದ ಬ್ರೆಡ್, 5 ಪ್ಯಾಕೆಟ್ ಮೆಂತ್ಯ ಸೊಪ್ಪು, ಬಟಾಣಿ, ಹೆಸರು ಬೇಳೆಗಳು ಪತ್ತೆಯಾಗಿವೆ. ಈ ಸಂಬಂಧ ಕಾನೂನು ಕ್ರಮ ವಹಿಸಲಾಗಿದೆ ಎಂದು ಇಲಾಖೆ ತಿಳಿಸಿದೆ.