ಜೆಸ್ಕಾಂ ಕಚೇರಿಯಲ್ಲಿ ವೀಡಿಯೋ ಕಾನ್ಫರೆನ್ಸ್​ ಸಭೆ

ಕಲಬುರಗಿ: ಕರ್ನಾಟಕ ವಿದ್ಯುತ್​ ನಿಯಂತ್ರಣ ಆಯೋಗ (ಕೆಇಆರ್​ಸಿ)ದ ವತಿಯಿಂದ ನೀರಾವರಿ ಪಂಪ್​ಸೆಟ್​, ವಾಣಿಜ್ಯ ಹಾಗೂ ಕೈಗಾರಿಕಾ ಗ್ರಾಹಕರಿಗೆ ಸಂಬಂಧಿಸಿದ 2025-26ನೇ ಆರ್ಥಿಕ ವರ್ಷದ ವಿದ್ಯುತ್​ ದರ ಪರಿಷ್ಕರಣೆ ಕುರಿತ ಸಾರ್ವಜನಿಕ ವಿಚಾರಣಾ ಸಭೆ ಗುರುವಾರ ವಿಡಿಯೋ ಕಾನ್ಫರೆನ್ಸ್​ ಮೂಲಕ ನಡೆಯಿತು.

ಗುಲ್ಬರ್ಗ ವಿದ್ಯುತ್​ ಸರಬರಾಜು ಕಂಪನಿ (ಜೆಸ್ಕಾಂ) ಸಲ್ಲಿಸಿರುವ ಅರ್ಜಿ ಹಿನ್ನೆಲೆಯಲ್ಲಿ, ದರ ಪರಿಷ್ಕರಣೆ ಪ್ರಸ್ತಾವನೆ ಕುರಿತು ಸಾರ್ವಜನಿಕರಿಂದ ಅಭಿಪ್ರಾಯ ಮತ್ತು ಆೇಪಣೆ ಆಲಿಸಲು ಆಯೋಗ ಈ ವಿಚಾರಣಾ ಸಭೆ ಆಯೋಜಿಸಿತ್ತು. ನೀರಾವರಿ ಪಂಪ್​ಸೆಟ್​ಗಳು, ವಾಣಿಜ್ಯ ಮತ್ತು ಕೈಗಾರಿಕಾ ಗ್ರಾಹಕರಿಗೆ ಅನ್ವಯಿಸುವ ದರ ಪರಿಷ್ಕರಣೆ ಕುರಿತು ಸಭೆಯಲ್ಲಿ ವಿಸತ ಚರ್ಚೆ ನಡೆಯಿತು.

ಆನ್​ಲೈನ್​ ಮೂಲಕ ಹಾಗೂ ಜೆಸ್ಕಾಂನ ನಿಗಮ ಕಚೇರಿಯ ಸಭಾಂಗಣದಲ್ಲಿ ಆಫ್​ಲೈನ್​ ಮೂಲಕ ಭಾಗವಹಿಸಿದ ಗ್ರಾಹಕರು, ವಿದ್ಯುತ್​ ದರ ಏರಿಕೆ ಕುರಿತು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ಕೆಲವರು ದರ ಏರಿಕೆಯಿಂದ ಸಾಮಾನ್ಯ ಜನತೆ ಮತ್ತು ಸಣ್ಣ ಕೈಗಾರಿಕೆಗಳ ಮೇಲೆ ಆಗುವ ಆರ್ಥಿಕ ಭಾರ ಉಲ್ಲೆಖಿಸಿ, ಪರಿಷ್ಕರಣೆಯಲ್ಲಿ ಸಮತೋಲನ ಕಾಯ್ದುಕೊಳ್ಳುವಂತೆ ಮನವಿ ಮಾಡಿದರು. ಇನ್ನೂ ಕೆಲವರು ವಿದ್ಯುತ್​ ಸರಬರಾಜಿನ ಗುಣಮಟ್ಟ, ವ್ಯತ್ಯಯ ಹಾಗೂ ಮೂಲಸೌಕರ್ಯ ಸಂಬಂಧಿತ ಸಮಸ್ಯೆಗಳ ಕುರಿತ ಪ್ರಶ್ನೆ ಮಾಡಿದರು.

ಸಭೆಯಲ್ಲಿ ವ್ಯಕ್ತವಾದ ಅಭಿಪ್ರಾಯ ಮತ್ತು ಆೇಪಣೆ ಪರಿಗಣಿಸಿ ಅಂತಿಮ ಆದೇಶ ಹೊರಡಿಸಲಾಗುವುದು ಎಂದು ಕೆಇಆರ್​ಸಿ ಅಧ್ಯ ಪಿ.ರವಿಕುಮಾರ್​ ಹೇಳಿದರು.

ಕೆಇಆರ್​ಸಿ ಸದಸ್ಯರಾದ (ಕಾನೂನು) ಹೆಚ್​.ಕೆ.ಜಗದೀಶ, ಸದಸ್ಯರಾದ ಜಾವೇದ ಅಖ್ತರ್​ ವಿಡಿಯೋ ಕಾನ್ಫರೆನ್ಸ್​ ಮೂಲಕ ಉಪಸ್ಥಿತರಿದ್ದರು. ಜೆಸ್ಕಾಂ ವ್ಯವಸ್ಥಾಪಕ ನಿರ್ದೇಶಕ ಕೃಷ್ಣ ಬಾಜಪೇಯಿ, ತಾಂತ್ರಿಕ ನಿರ್ದೇಶಕ ಚಂದ್ರಕಾಂತ ಪಾಟೀಲ್​ ಹಾಗೂ ಮುಖ್ಯ ಹಣಕಾಸು ಅಧಿಕಾರಿ ಬಿ.ಎಚ್​.ಶಿವಶಂಕರ ಸೇರಿದಂತೆ ಅಧಿಕಾರಿಗಳು ಮತ್ತು ಸಾರ್ವಜನಿಕರು ನಿಗಮ ಕಚೇರಿಯ ಸಭಾಂಗಣದಲ್ಲಿ ನಡೆದ ಸಭೆಯಲ್ಲಿ ಪಾಲ್ಗೊಂಡಿದ್ದರು.