ಮೂತ್ರಾಲಯ ದುರ್ವಾಸನೆಯಿಂದ ಮುಕ್ತಿ

ಕಳೆದೊಂದು ತಿಂಗಳಿನಿಂದ ಮೂತ್ರಾಲಯ ಕಟ್ಟಿಕೊಂಡು ಒಳಗೆ ಹಾಗೂ ಸುತ್ತಮುತ್ತ ಕೊಳಚೆ ನೀರು ನಿಂತು ಬಿರುತ್ತಿದ್ದ ದುರ್ವಾಸನೆ ಹಾಗೂ ಸಾಂಕ್ರಾಮಿಕ ರೋಗ ಹರಡುವ ಭೀತಿ ಕುರಿತು ಜೂ.13ರಂದು "ಗಬ್ಬೆದ್ದ ಮೂತ್ರಾಲಯ ಜನರ ಪರದಾಟ' ಶೀರ್ಷಿಕೆಯಡಿ ವಿಜಯವಾಣಿ ಪತ್ರಿಕೆ ಪ್ರಕಟಿಸಿದ್ದ ವರದಿಗೆ ಎಚ್ಚೆತ್ತುಕೊಂಡ ನಗರಸಭೆ ಸಿಬ್ಬಂದಿ ಶನಿವಾರ ಸ್ವಚ್ಛತಾ ಕಾರ್ಯ ಕೈಗೊಂಡಿದ್ದಾರೆ.

ಮೂತ್ರಾಲಯದ ಸುತ್ತಮುತ್ತ ಜಮೆಯಾಗಿದ್ದ ಮಣ್ಣು, ಕಸ ಹಾಗೂ ಪೊದೆಗಳನ್ನು ತೆರವುಗೊಳಿಸಿದ್ದಾರೆ. ಪಕ್ಕದಲ್ಲಿಯೇ ಹಾದುಹೋಗಿರುವ ಒಳ ಚರಂಡಿ ಲೈನ್​ ಬ್ಲಾಕ್​ ಆಗಿದ್ದರಿಂದ ಈ ಸಮಸ್ಯೆ ಉಂಟಾಗಿತ್ತು. ನಗರದ ಎಲ್ಲ ಸಾರ್ವಜನಿಕ ಮೂತ್ರಾಲಯಗಳ ಸ್ವಚ್ಛತೆಗಾಗಿ ಪ್ರತಿದಿನ ಒಂದು ವಾಹನ ಹಾಗೂ ಇಬ್ಬರು ಸಿಬ್ಬಂದಿ ನಿಯೋಜಿಸಲಾಗಿದೆ ಎಂದು ನಗರಸಭೆ ಪೌರಾಯುಕ್ತ ಸಂಗನಬಸಯ್ಯ ಗದ್ದಗಿಮಠ ತಿಳಿಸಿದ್ದಾರೆ.