ರಾಜ್ಯ

ಧರ್ಮದ ವಿಚಾರ ಸರಿಯಾಗಿ ಅರ್ಥೈಸಿಕೊಳ್ಳಿ

ಕಲಬುರಗಿಯಲ್ಲಿ ಸರ್ವ ಮತ್ತು ಜಸ್ಟಿಸ್​ ಶಿವರಾಜ ಪಾಟೀಲ್​ ಪಿಯು ಕಾಲೇಜು ಶುಕ್ರವಾರ ಏರ್ಪಡಿಸಿದ್ದ ಮುಂಜಾವಿಗೊಂದು ನುಡಿಕಿರಣ ದರ್ಶನ ವಿಶೇಷ ಉಪನ್ಯಾಸ ಸಮಾರೋಪ, ಪ್ರಥಮ ವರ್ಷದ ವಿದ್ಯಾರ್ಥಿಗಗಳ ಸ್ವಾಗತ ಸಮಾರಂಭವನ್ನು ಹೈಕೋರ್ಟ್​ ನ್ಯಾಯಮೂರ್ತಿ ದೇವದಾಸ್​ ಉದ್ಘಾಟಿಸಿದರು. ಶ್ರೀ ಮಹಾಂತ ಸ್ವಾಮೀಜಿ, ಪ್ರೊ.ಚನ್ನಾರಡ್ಡಿ ಪಾಟೀಲ್​, ಅಭಿಷೇಕ ಪಾಟೀಲ್​, ಎಸ್​.ಎಂ.ಪಾಟೀಲ್​, ಪ್ರಶಾಂತ ಕುಲಕರ್ಣಿ ಇತರರಿದ್ದರು.
ಕಲಬುರಗಿಯಲ್ಲಿ ಸರ್ವ ಮತ್ತು ಜಸ್ಟಿಸ್​ ಶಿವರಾಜ ಪಾಟೀಲ್​ ಪಿಯು ಕಾಲೇಜು ಶುಕ್ರವಾರ ಏರ್ಪಡಿಸಿದ್ದ ಮುಂಜಾವಿಗೊಂದು ನುಡಿಕಿರಣ ದರ್ಶನ ವಿಶೇಷ ಉಪನ್ಯಾಸ ಸಮಾರೋಪ, ಪ್ರಥಮ ವರ್ಷದ ವಿದ್ಯಾರ್ಥಿಗಗಳ ಸ್ವಾಗತ ಸಮಾರಂಭವನ್ನು ಹೈಕೋರ್ಟ್​ ನ್ಯಾಯಮೂರ್ತಿ ದೇವದಾಸ್​ ಉದ್ಘಾಟಿಸಿದರು. ಶ್ರೀ ಮಹಾಂತ ಸ್ವಾಮೀಜಿ, ಪ್ರೊ.ಚನ್ನಾರಡ್ಡಿ ಪಾಟೀಲ್​, ಅಭಿಷೇಕ ಪಾಟೀಲ್​, ಎಸ್​.ಎಂ.ಪಾಟೀಲ್​, ಪ್ರಶಾಂತ ಕುಲಕರ್ಣಿ ಇತರರಿದ್ದರು.
ಜಯತೀರ್ಥ ಪಾಟೀಲ
Published on: 

ಪ್ರಮುಖ ಮುಖ್ಯಾಂಶಗಳು

  • ಹೈಕೋರ್ಟ್​ ನ್ಯಾಯಮೂರ್ತಿ ದೇವದಾಸ್​ ಕಿವಿಮಾತು >
  • ಸರ್ವಜ್ಞ ಸಂಸ್ಥೆಯ ವಿಶೇಷ ಉಪನ್ಯಾಸ ಸಮಾರೋಪ
ಕಲಬುರಗಿ: ಶಿಕ್ಷಣ, ಸಂಸ್ಕಾರ, ಸಂಸ್ಕೃತಿಯೊಂದಿಗೆ ಧರ್ಮದ ವಿಚಾರಗಳನ್ನು ವಿದ್ಯಾರ್ಥಿಗಳು ಸರಿಯಾಗಿ ಅರ್ಥ ಮಾಡಿಕೊಂಡು ಜೀವನದ ಉದ್ಧಾರದೊಂದಿಗೆ ಸನ್ಮಾರ್ಗದತ್ತ ನಡೆದರೆ ಸಮಾಜ ಸುಭಿಕ್ಷವಾಗಿರಲಿದೆ ಎಂದು ಹೈಕೋರ್ಟ್​ ನ್ಯಾಯಮೂರ್ತಿ ದೇವದಾಸ್​ ಹೇಳಿದರು.
ಡಾ.ಎಸ್​.ಎಂ. ಪಂಡಿತ ರಂಗಮಂದಿರದಲ್ಲಿ ಸರ್ವ ಮತ್ತು ಜಸ್ಟಿಸ್​ ಶಿವರಾಜ ಪಾಟೀಲ್​ ಪದವಿಪೂರ್ವ ವಿಜ್ಞಾನ ಮಹಾವಿದ್ಯಾಲಯ ಶುಕ್ರವಾರ ಏರ್ಪಡಿಸಿದ್ದ ವಿಶ್ರಾಂತ ನ್ಯಾಯಮೂರ್ತಿ ಡಾ.ಶಿವರಾಜ ಪಾಟೀಲ್​ ರಚಿಸಿದ ಮುಂಜಾವಿಗೊಂದು ನುಡಿಕಿರಣ ದರ್ಶನ ಒಂಬತ್ತು ದಿನದ ವಿಶೇಷ ಉಪನ್ಯಾಸದ ಸಮಾರೋಪ ಹಾಗೂ ಪ್ರಥಮ ಪಿಯು ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು.
ಎಲ್ಲ ಧರ್ಮಗಳಲ್ಲಿನ ಒಳ್ಳೆಯ ವಿಚಾರ ವಿದ್ಯಾರ್ಥಿಗಳಿಗೆ ಮನವರಿಕೆ ಮಾಡಿದರೆ ಅವರೊಂದಿಗೆ ದೇಶವೂ ಪ್ರಗತಿ ಕಾಣಲಿದೆ. ಆ ನಿಟ್ಟಿನಲ್ಲಿ ಸರ್ವ ಶಿಕ್ಷಣ ಸಂಸ್ಥೆಯವರು ಮಕ್ಕಳ ಅಭಿವೃದ್ಧಿಗಾಗಿ ಶ್ರಮಿಸುತ್ತಿರುವುದು ಶ್ಲಾನೀಯ. ಡಾ.ಶಿವರಾಜ ಪಾಟೀಲ್​ ಹಳ್ಳಿಯಲ್ಲಿ ಓದಿ ಸುಪ್ರೀಂಕೋರ್ಟ್​ ನ್ಯಾಯಮೂರ್ತಿಗಳಾಗಿ ದೇಶಕ್ಕೆ ನೀಡಿದ ಕೊಡುಗೆ ಮಹತ್ವದ್ದು. ನಿವೃತ್ತಿ ನಂತರವೂ ಸಮಾಜಕ್ಕೆ ಮಾಡುತ್ತಿರುವ ಉತ್ತಮ ಕಾರ್ಯವನ್ನು ಶ್ಲಾಸಿದರು.
ಸಾನ್ನಿಧ್ಯ ವಹಿಸಿದ್ದ ಮುದಗಲ್​ ಕಲ್ಯಾಣಾಶ್ರಮದ ಪ್ರವಚನಯೋಗಿ ಶ್ರೀ ಮಹಾಂತ ಸ್ವಾಮೀಜಿ ಮಾತನಾಡಿ, ಸರ್ವ ಶಿಕ್ಷಣ ಸಂಸ್ಥೆಯಲ್ಲಿ ಎರಡು ವರ್ಷ ಪಠ್ಯದೊಂದಿಗೆ ವ್ಯಕ್ತಿತ್ವ ವಿಕಸನಕ್ಕಾಗಿ ವಿಶೇಷ ಉಪನ್ಯಾಸ ಏರ್ಪಡಿಸಿ ವಿದ್ಯಾರ್ಥಿಗಳ ಬದುಕಿಗೆ ಬೇಕಾದ ನೈತಿಕ ಮತ್ತು ಜೀವನ ಮೌಲ್ಯಗಳನ್ನು ಹೇಳಿಕೊಟ್ಟಿರುವುದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಜೀವನದಲ್ಲಿ ಹಣ, ಸಿರಿ&ಸಂಪತ್ತು ಯಾವಾಗಲೂ ಗಳಿಸಬಹುದು. ಆದರೆ ಕಳೆದುಹೋದ ಸಮಯ ಮತ್ತೆ ಸಿಗುವುದಿಲ್ಲ. ಸಿಕ್ಕ ಸಮಯ ಸರಿಯಾಗಿ ಬಳಸಿಕೊಂಡು ಅದ್ಭುತವಾಗಿ ಬದುಕಬೇಕು ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ನಿವೃತ್ತ ನ್ಯಾಯಾಧೀಶ ಎಸ್​.ಎಂ. ಪಾಟೀಲ್​ ಮಾತನಾಡಿ, ಪಠ್ಯದೊಂದಿಗೆ ಗುಣಾತ್ಮಕ ಶಿಕ್ಷಣದ ಭಾಗವಾದ ನೈತಿಕ ಮೌಲ್ಯ ತಿಳಿಸಿ ನ್ಯಾಯಮೂರ್ತಿ ಶಿವರಾಜ ಪಾಟೀಲರ ಜೀವನಾನುಭವ ಪ್ರವಚನ ಮೂಲಕ ಮಕ್ಕಳಿಗೆ ತಿಳಿಹೇಳಿ ಉತ್ತಮ ನಾಗರಿಕನಾಗಿ ಬೆಳೆಸಬೇಕೆಂಬ ಸರ್ವ ಶಿಕ್ಷಣ ಸಂಸ್ಥೆಯವರ ಉದ್ದೇಶ ಶ್ಲಾಘನೀಯ ಎಂದರು.
ಅಧ್ಯಕ್ಷತೆ ವಹಿಸಿದ್ದ ಸಂಸ್ಥೆ ಸಂಸ್ಥಾಪಕ ಪ್ರೊ.ಚನ್ನಾರೆಡ್ಡಿ ಪಾಟೀಲ್​ ಮಾತನಾಡಿ, ಎದೆಗೆ ಬಿದ್ದ ಅಕ್ಷರ, ಭೂಮಿಗೆ ಬಿದ್ದ ಬೀಜ ಎಂದಿಗೂ ವ್ಯರ್ಥವಾಗುವುದಿಲ್ಲ ಎಂದು ಹೇಳಿದರು.
ಸಂಸ್ಥೆ ಮುಖ್ಯ ಶೈಕ್ಷಣಿಕ ನಿರ್ದೇಶಕ ಅಭಿಷೇಕ ಪಾಟೀಲ್​, ಸರ್ವ ಆಂಗ್ಲ ಮಾಧ್ಯಮ ಶಾಲೆ ಮುಖ್ಯ ಶೈಕ್ಷಣಿಕ ನಿರ್ದೇಶಕಿ ಸಂಗೀತಾ ಅಭಿಷೇಕ ಪಾಟೀಲ್​, ಕಾಲೇಜು ಪ್ರಾಚಾರ್ಯ ಪ್ರಶಾಂತ ಕುಲಕರ್ಣಿ, ವಿನುತಾ ಆರ್​.ಬಿ., ಕರುಣೇಶ ಹಿರೇಮಠ, ಪ್ರಭುಗೌಡ, ಗುರುರಾಜ ಕುಲಕರ್ಣಿ ಇತರರಿದ್ದರು. ಸಂಸತಿ ಮತ್ತು ಸಂಗಡಿಗರು ಪ್ರಾರ್ಥಿಸಿದರು. ಡಾ.ವಿದ್ಯಾವತಿ ಪಾಟೀಲ್​ ನಿರೂಪಣೆ ಮಾಡಿದರು. ನಂತರ ನಡೆದ ಸಾಂಸತಿಕ ಕಾರ್ಯಕ್ರಮಗಳು ಸಭಿಕರ ಮನರಂಜಿಸಿದವು.
"

ಮನುಷ್ಯ ಭಾವನಾಜೀವಿ. ಉತ್ತಮ ಭಾವನೆಗಳು ಇಲ್ಲದಿದ್ದರೆ ಬದುಕು ವ್ಯರ್ಥವಾಗುತ್ತದೆ. ಪಠ್ಯಪುಸ್ತಕದಿಂದ ಅಂಕ ಗಳಿಸಬಹುದು. ಆ ಅಂಕಗಳ ಜತೆ ಬದುಕಿನಲ್ಲಿ ಉತ್ತಮ ಮೌಲ್ಯ ಬೆಳೆಸಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ವಿದ್ಯಾರ್ಥಿಗಳು ಪರಿಶ್ರಮ ಪಡಬೇಕು.

— > ಪ್ರೊ.ಚನ್ನಾರಡ್ಡಿ ಪಾಟೀಲ್​ ಸಂಸ್ಥಾಪಕ ಅಧ್ಯಕ್ಷ, ಸರ್ವಜ್ಞ ಸಮೂಹ ಶಿಕ್ಷಣ ಸಂಸ್ಥೆ

understand the concept
of dharma correctly.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net