ಮಕ್ಕಳಿಗೆ ಕೇಳಿದ್ದನ್ನೇ ನೀಡದೇ ವಾಸ್ತವ ಸ್ಥಿತಿ ಮನವರಿಕೆ ಮಾಡಿ

ಕಲಬುರಗಿ: ತಮ್ಮ ಮಕ್ಕಳು ಮಾತೇ ಕೇಳ್ತಾ ಇಲ್ಲ. ಮನೆಯಲ್ಲಿ ಶಾಂತಿ ನೆಮ್ಮದಿಯೇ ಇಲ್ಲವೆಂದು ಅನೇಕ ಭಕ್ತರು ತಮ್ಮ ಎದುರು ನೋವು ತೋಡಿಕೊಂಡಿದ್ದನ್ನು ಅವಲೋಕಿಸುವುದಾದರೆ ಮಕ್ಕಳಿಗೆ ಕೇಳಿದ್ದನ್ನೇ ನೀಡದೇ ವಾಸ್ತವ ಸ್ಥಿತಿ ಮನವರಿಕೆ ಮಾಡಿ ಕೊಡಲು ತಂದೆತಾಯಿ ಮುಂದಾಗಬೇಕೆಂದು ಮೌನಯೋಗಿ ಜಡೆಯ ಶಾಂತಲಿಂಗೇಶ್ವರ ಮಹಾಸ್ವಾಮಿಗಳು ಹೇಳಿದರು.

ಹುಬ್ಬಳ್ಳಿ ಹೊರ ವಲಯದ ಛಬ್ಬಿ ಕ್ರಾಸ್ ಬಳಿ ನಿರ್ಮಾಣಗೊಂಡಿರುವ ನೂತನ ಸಮಾಧಾನದಲ್ಲಿ ಹಮ್ಮಿಕೊಳ್ಳಲಾದ ಯುಗಾದಿ ಸಂಭ್ರಮದ ಸಾನ್ನಿಧ್ಯ ವಹಿಸಿ ಭಕ್ತರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಮೊದಲನೇಯಾದಗಿ ಅವರಿಗೆ ಆರೋಗ್ಯದ ಅರಿವು ಮೂಡಿಸಿ, ಅಂದರೆ ಐಸಿಯುಗೆ ಕರೆದುಕೊಂಡು ಹೋಗಿ ರೋಗಿಗಳನ್ನು ನರಳಾಡುತ್ತಿರುವುದನ್ನು ಹಾಗೂ ಸೈನಿಕರನ್ನು ಭೇಟಿಯಾಗಿ ಗಡಿಯಲ್ಲಿ ಪಡುತ್ತಿರುವ ಕಷ್ಟ ಹಾಗೂ ದೇಶಾಭಿಮಾನ ತಿಳಿಸಿ ಹಾಗೆಯೇ ರುದ್ರಭೂಮಿಯಲ್ಲಿ ಹೆಣ ಹೂಳುವುದನ್ನು ತೋರಿಸಿ. ಇದನ್ನು ಅರಿವು ಮಾಡಿಕೊಟ್ಟಾಗ ಎಲ್ಲವೂ ಅವರ ಅರಿವಿಗೆ ಬರುತ್ತದೆ ಎಂದು ಪೂಜ್ಯರು ವಿವರಣೆ ನೀಡಿದರು.

ಮನೆಯಲ್ಲಿ ತಾಯಿಯಂದಿರುವ ಶಾಂತ ಹಾಗೂ ಸಮಾಧಾನದಿಂದ ಅಡುಗೆ ಮಾಡಿರಿ. ಶುದ್ಧ ಮನಸ್ಸಿನಿಂದ ಅಡುಗೆ ಮಾಡಿದರೆ ಆ ಭಾವ ಅಡುಗೆಯಲ್ಲಿ ಬರುತ್ತದೆ. ಜತೆಗೆ ಊಟವನ್ನು ಟಿವಿ ನೋಡುತ್ತಾ ಹಾಗೂ ಮೊಬೈಲ್ ದಲ್ಲಿ ಊಟ ಮಾಡುತ್ತಾ ಮಾಡಬೇಡಿ. ಪ್ರಮುಖವಾಗಿ ಸಂಸ್ಕಾರಗಳನ್ನು ಮರೆಯಬೇಡಿ ಎಂದು ಪೂಜ್ಯರು ಕಿವಿ ಮಾತು ಹೇಳಿದರು.

ಹಿಂದೂಗಳಾದ ನಾವು ಅಲ್ಪಸಂಖ್ಯಾತರಾಗುತ್ತಿದ್ದೇವೆ. ಅಲ್ಪಸಂಖ್ಯಾತರು ಬಹು ಸಂಖ್ಯಾತರಾಗುತ್ತಿದ್ದಾರೆ. ಇದೇ ಪರಿಸ್ಥಿತಿ ಮುಂದುವರೆದರೆ ನಾವು ದೇಶದಲ್ಲೇ ಇರುವುದೇ ಕಷ್ಟವಾಗಬಹುದು. ಹೀಗಾಗಿ ನಾವು ಆತ್ಮಾವಲೋಕನ ಮಾಡಿಕೊಳ್ಳುವುದು ಅಗತ್ಯವಾಗಿದೆ. ಹೀಗಾಗಿ ನಾವು ನಾಲ್ಕು ಮಕ್ಕಳಿಗೆ ಜನ್ಮ ನೀಡ್ತೇವೆ ಎಂದು ಶಪಥ ಮಾಡಿ. ತಂದೆತಾಯಿಗೆ ಹಾಗೂ ದೇಶಕ್ಕೆ ಮತ್ತು ಸಮಾಕ್ಕೊಬ್ಬರಂತೆ ಕೊಡುಗೆ ನೀಡಿ ಎಂದು ಮೌನಯೋಗಿ ಜಡೆಯ ಶ್ರೀಗಳು ಮಾರ್ಮಿಕವಾಗಿ ಕರೆ ನೀಡಿದರು.

ಏಕ ನಿಯಷ್ಠೆ ಗುರುವಿನ ಶೃದ್ಧೆ, ಕಾಯಕ ನಿಷ್ಠೆಯಿಂದ ಬೇಕಾಗಿದ್ದನ್ನು ಪಡೆಯಬಹುದು. ದಿನಾಲು ಬೆಳಗಿನ ಜಾವ 4.30 ಸುಮಾರಿಗೆ ಪೂಜೆ ಮಾಡಿ, ತಾವು ಅಂದಿದ್ದನ್ನು ಸಾಕಾರಗೊಳ್ಳುತ್ತದೆ. ರೊಟ್ಟಿ ಮಾಡಿ ಕೊಡಬಹುದು, ಆದರೆ ಊಟ ಮಾಡುವುದನ್ನು ತಾವೇ ಮಾಡಿಕೊಳ್ಳಬೇಕು. ಸಮಾಜದಲ್ಲಿಂದು ಏನು ನಡೆಯುತ್ತಿದೆ ಎಂಬುದರ ಅರಿವು ಎಲ್ಲರಲ್ಲೂ ಇರಲಿ. ಶರಣರ ತತ್ವಗಳನ್ನು ಅರಿತು ಮುನ್ನೆಡೆದರೆ ಬದುಕಿನಲ್ಲಿ ಅಭಿವೃದ್ಧಿ ಹಾಗೂ ನೆಮ್ಮದಿವಿದೆ ಎಂದು ಪೂಜ್ಯರು ಹೇಳಿದರು.

ಜಡೆ ಹಿರೇಮಠದ ಘನಬಸವ ಅಮರೇಶ್ವರ ಶಿವಾಚಾರ್ಯ ಮಹಾಸ್ವಾಮಿಗಳು ಮಾತನಾಡಿ, ಸನ್ಯಾಸಿಯಾದವರು ಹಿತ ಮಾತು ಮಿತವಾದ ಆಹಾರ ಹಾಗೂ ನಿರಂತರ ಸಂಚಾರ ಕೈಗೊಳ್ಳಬೇಕು. ಅದನ್ನು ಮೌನಯೋಗಿಗಳು ತಮ್ಮ ತಪಸ್ಸಿನ ಮೂಲಕ ನಿರೂಪಿಸಿದ್ದಾರೆ. ಪೂಜ್ಯರು ಕಾವಿ ಹಾಕಿಕೊಳ್ಳದೇ ಕಾವಿಯ ಮಹತ್ವ ಹೇಳಿ ಕೊಟ್ಟಿದ್ದಾರೆ ಎಂದು ಹೇಳಿದರು.

ಗೊಗ್ಗೆಹಳ್ಳಿ ಪಂಚಮಮಠದ ಸಂಗಮೇಶ್ವರ ಶಿವಾಚಾರ್ಯರು ಹಾಗೂ ಮೂಡಿಯ ಸದಾಶಿವ ಮಹಾಸ್ವಾಮಿಗಳು ಹಾಜರಿದ್ದರು. ಪಿ.ಡಿ. ಶಿರೂರ ಪ್ರಾಸ್ತಾವಿಕ ಮಾತನಾಡಿದರು. ಉಷಾ ಹುನಗುಂದ ಪ್ರಾರ್ಥನೆ ಗೀತೆ ಹಾಡಿದರು. ರಾಜಶೇಖರ ಹೊಸಕಟ್ಟಿ ಸ್ವಾಗತಿಸಿದರು.

ರೈತ ಮಹಿಳೆಯೊಬ್ಬಳು ದಿನಾಲು ಸಂತೆ ಹೀಗಿ ಹಾಲು ಹಾಗೂ ತುಪ್ಪ ಮಾರಿ ಜೀವನ ನಡೆಸುತ್ತಿದ್ದಳು. ಓರ್ವ ಕಿರಾಣಿ ವ್ಯಾಪಾರಿ ಹಾಲು ಮಾರುತ್ತೀ, ಆದರೆ ತುಪ್ಪ ಸಹ ಮಾರುತ್ತೀರಾ ಎಂದು ಕೇಳಿದರು. ತುಪ್ಪ ಮಾರುತ್ತೇನೆ ಎಂದು ಹೇಳಿ ತುಪ್ಪ ಕೊಟ್ಟಳು. ಆದರೆ ವ್ಯಾಪಾರಿ ಪ್ರತಿ ವಾರಕ್ಕೊಮ್ಮೆ ತುಪ್ಪ ಖರೀದಿಸುತ್ತಿದ್ದರು. ಒಂದು ದಿನ ಮಹಿಳೆ ತುಪ್ಪ ತಂದಿರುವುದು ಸರಿಯಾದ ತೂಕ ಅಂದರೆ ಒಂದು ಕೆಜಿ ಇದೆಯಾ? ಎಂದು ಚೆಕ್ ಮಾಡಿದರು. ಆದರೆ ಅದು ಒಂದು ಕೆಜಿ ಇರದೇ 900 ಗ್ರಾಂ ಇತ್ತು. ತುಪ್ಪ ಹೇಗೆ ತೂಕ ಮಾಡಿದ್ದೀ ಎಂದು ಕಿರಾಣಿ ವ್ಯಾಪಾರಿ ಕೇಳಿದ. ಅದಕ್ಕೆ ರೈತ ಮಹಿಳೆ, ತಮ್ಮ ಹತ್ತಿರ ತೆಗೆದುಕೊಂಡು ಹೋದ ಕೀಲೋ ಸಕ್ಕರೆಯನ್ನು ಒಂದು ಕಟ್ಟಿಗೆ ನೆಲುವಿಗೆ ಕಟ್ಟಿ ಆ ಕಡೆ ಸಕ್ಕರೆ ಈ ಕಡೆ ಸಕ್ಕರೆ ಇಟ್ಟು ತೂಕ ಮಾಡಿ ತರಲಾಗಿದೆ ಎಂದರು. ಇದು ನಾವು ಕೊಡುತ್ತೇವೆಯೋ ಅದು ನಮಗೆ ಮರಳುತ್ತದೆ. ಅಂದರೆ ನಾವು ಏನು ಬಿತ್ತುತ್ತೇವೆಯೋ ಅದೇ ಬೆಳೆ ಬೆಳೆಯುತ್ತದೆ. ಆದ್ದರಿಂದ ನಾವು ಕೊಟ್ಟಿದ್ದು ಹಾಗೂ ಮಾಡಿದ್ದು ನಮಗೆ ವಾಪಸ್ಸು ಬರುತ್ತದೆ. ಇದನ್ನೆಲ್ಲ ಅರಿಯಬೇಕೆಂದು ಮೌನಯೋಗಿಗಳು ಸಕ್ಕರೆ ತುಪ್ಪ ಕಥೆ ಹೇಳಿದರು. ಭಕ್ತರ ಮನಸ್ಸಿನ ಪರಿಣಾಮಕಾರಿಯಾಗಿ ಬೀರಿತು.

ನಾಲ್ಕನೇ ಮಗು ಹೆತ್ತವರಿಗೆ ಸಮಾಧಾನದಿಂದ 25 ಸಾವಿರ ರೂ ಪ್ರೋತ್ಸಾಹ ಧನ ನೀಡಲಾಗುತ್ತಿದೆ. ಈಗ ಮೂರು ಮಕ್ಕಳಿದ್ದು, ನಾಲ್ಕನೇ ಮಗುವಿಗೆ ಜನ್ಮ ನೀಡಿದರೆ ತಂದೆತಾಯಿಗೆ ಸನ್ಮಾನಿಸಿ ಪ್ರೋತ್ಸಾಹಿಸುವುದಾಗಿದೆ. ಸಮಾಜದಲ್ಲಿಂದು ಮಕ್ಕಳಿಗೆ ಸಂಸ್ಕಾರ, ಸಮಾಜದಲ್ಲಿ ಶಾಂತಿ ಹಾಗೂ ಧರ್ಮ ಬೆಳವಣಿಗೆ ಕಂಕಣಬದ್ದರಾಗಿ. ಪೂಜ್ಯ ಶ್ರೀ ಜಡೆಯ ಶಾಂತಲಿಂಗೇಶ್ವರ ಮಹಾಸ್ವಾಮಿಗಳು,

ಕಲಬುರಗಿ: ಹುಬ್ಬಳ್ಳಿಯ ಛಬ್ಬಿ ಕ್ರಾಸ್ ಬಳಿ ನಿರ್ಮಾಣಗೊಂಡಿರುವ ಸಮಾಧಾನದಲ್ಲಿ ನಡೆದ ಯುಗಾದಿ ಸಂಭ್ರಮದಲ್ಲಿ ಮೌನಯೋಗಿ ಜಡೆಯ ಶಾಂತಲಿಂಗೇಶ್ವರ ಸ್ವಾಮಿಗಳು ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು.