ದ್ವಿಚಕ್ರ ವಾಹನ ಸವಾರರೇ ಕಡ್ಡಾಯ ಹೆಲ್ಮೆಟ್​ ಧರಿಸಿ

ಕಲಬುರಗಿ: ದ್ವಿಚಕ್ರ ವಾಹನ ಸವಾರರಿಗೆ ಹೆಲ್ಮೆಟ್​ ಕಡ್ಡಾಯವಾಗಿದ್ದು, ಪ್ರತಿಯೊಬ್ಬರೂ ಧರಿಸುವ ಮೂಲಕ ಸಹಕರಿಸಬೇಕು ಎಂದು ಎಸಿಪಿ (ಸಂಚಾರ) ಪ್ರಭು ಡಿ.ಟಿ. ಮನವಿ ಮಾಡಿದರು.

ಕಲ್ಯಾಣ ಕರ್ನಾಟಕ ವಾಣಿಜ್ಯೋದ್ಯಮ ಸಂಸ್ಥೆ(ಕೆಕೆಸಿಸಿಐ) ಸಭಾಂಗಣದಲ್ಲಿ ಸಂಸ್ಥೆ ಪದಾಧಿಕಾರಿಗಳು, ವರ್ತಕರೊಂದಿಗೆ ಸೋಮವಾರ ಏರ್ಪಡಿಸಿದ್ದ ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಹೆಲ್ಮೆಟ್​ ಧರಿಸುವುದು ಕೇವಲ ಕಾನೂನು ಪಾಲನೆ ವಿಷಯಲ್ಲ. ಜೀವ ರಸುವ ಅಭ್ಯಾಸ. ಅನೇಕ ಬಾರಿ ರಸ್ತೆ ಅಪಘಾತಗಳಲ್ಲಿ ಕುಟುಂಬದ ಪ್ರಮುಖ ಆಧಾರವಾಗಿರುವ ವ್ಯಕ್ತಿ ಮೃತಪಟ್ಟರೆ ಅಥವಾ ಗಂಭೀರ ಗಾಯಗೊಂಡರೆ ಆ ಕುಟುಂಬ ಆರ್ಥಿಕ ಮತ್ತು ಮಾನಸಿಕ ಸಂಕಷ್ಟಕ್ಕೆ ಸಿಲುಕುತ್ತದೆ. ಆದ್ದರಿಂದ ಪ್ರತಿಯೊಬ್ಬ ದ್ವಿಚಕ್ರ ವಾಹನ ಸವಾರ ತನ್ನ ಸುರತೆ ಹಾಗೂ ಕುಟುಂಬದ ಭವಿಷ್ಯಕ್ಕಾಗಿ ಕಡ್ಡಾಯ ಹೆಲ್ಮೆಟ್​ ಧರಿಸಬೇಕು ಎಂದರು.

ನಗರದ ವ್ಯಾಪಾರ ಪ್ರದೇಶಗಳಲ್ಲಿ ಸಂಚಾರ ದಟ್ಟಣೆ, ವಾಹನ ನಿಲುಗಡೆ ಅವ್ಯವಸ್ಥೆ, ಪಾದಚಾರಿ ಮಾರ್ಗ ಹಾಗೂ ರಸ್ತೆ ಅತಿಕ್ರಮಣ, ಸುರತೆ ಸೇರಿ ವಿವಿಧ ವಿಷಯಗಳ ಕುರಿತು ವಿಸತ ಚರ್ಚೆ ನಡೆಯಿತು. ಸಂಚಾರ ನಿಯಮ ಪಾಲನೆ ಹಾಗೂ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಕಾರ್ಯಕ್ಕೆ ಸಂಪೂರ್ಣ ಸಹಕಾರ ನೀಡುವುದಾಗಿ ಕೆಕೆಸಿಸಿಐ ಹೇಳಿತು.

ಇದಕ್ಕೂ ಮುನ್ನ ಸೂಪರ್​ ಮಾರ್ಕೆಟ್​, ಮುಖ್ಯರಸ್ತೆ ಜಂನ್​, ಚಪ್ಪಲ್​ ಬಜಾರ್​, ಭಾಂಡೆ ಬಜಾರ್​, ಬಟ್ಟೆ ಬಜಾರ್​ ಹಾಗೂ ಕಿರಾಣಿ ಬಜಾರ್​ಗೆ ಭೇಟಿ ನೀಡಿದ ಎಸಿಪಿ ಪ್ರಭು ಅವರು ಅಲ್ಲಿನ ಸಂಚಾರ ವ್ಯವಸ್ಥೆ ಹಾಗೂ ನೆಲಮಟ್ಟದ ಪರಿಸ್ಥಿತಿಯ ಅವಲೋಕನ ನಡೆಸಿದರು.

ಹಲವು ವರ್ಷಗಳಿಂದ ಈ ಕುರಿತು ಸರ್ಕಾರ ಹಾಗೂ ಸಂಬಂಧಿತ ಇಲಾಖೆಗಳಿಗೆ ಕೆಕೆಸಿಸಿಐ ನಿರಂತರ ಮನವಿ ಸಲ್ಲಿಸುತ್ತ ಬಂದರೂ ಸ್ಪಂದನೆ ಸಿಕ್ಕಿಲ್ಲ. ಪರಿಣಾಮ ವರ್ಷದಿಂದ ವರ್ಷಕ್ಕೆ ವಾಹನ ದಟ್ಟಣೆ ಹಾಗೂ ನಿಲುಗಡೆ ಸಮಸ್ಯೆ ಮತ್ತಷ್ಟು ಗಂಭೀರವಾಗುತ್ತಿದೆ ಎಂದು ಸಂಸ್ಥೆ ಬೇಸರ ವ್ಯಕ್ತಪಡಿಸಿತು.

ಸಂಚಾರ ನಿಯಮಗಳ ಕಟ್ಟುನಿಟ್ಟಿನ ಅನುಷ್ಠಾನ ಮತ್ತು ಪಾಲನೆ ಅಗತ್ಯ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ ಪ್ರಮುಖ ವ್ಯಾಪಾರ ಕೇಂದ್ರದಲ್ಲಿನ ಸಂಚಾರ ಹಾಗೂ ವಾಹನ ನಿಲುಗಡೆ ಸಮಸ್ಯೆಗೆ ಶಾಶ್ವತ ಪರಿಹಾರ ದೊರಕಿಸಲು ಸರ್ಕಾರ ಸೂಪರ್​ ಮಾರ್ಕೆಟ್​ನಲ್ಲಿ ಬಹುಮಹಡಿ ಪಾರ್ಕಿಂಗ್​ ಕಟ್ಟಡ ನಿರ್ಮಾಣಕ್ಕೆ ಶ್ರೀ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿತು.

ಜಾಮಿಯಾ ಮಸೀದಿ ವೃತ್ತದಿಂದ ಪೊಲೀಸ್​ ಚೌಕ್​ ಕಡೆ ಸಾಗುವ ರಸ್ತೆ ಸಮೀಪ ಭೂಗತ ಒಳಚರಂಡಿ ಕಾಮಗಾರಿ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಹುಮನಾಬಾದ್​ ಕಡೆ ರಸ್ತೆ ಸಂಚಾರ ಕೆಲದಿನ ಬಂದ್​ ಮಾಡಲಾಗಿದೆ. ಆದ್ದರಿಂದ ಸಾರ್ವಜನಿಕರು ಅನಗತ್ಯವಾಗಿ ವಾಹನ ನಿಲುಗಡೆ ಮಾಡದೆ ಪರ್ಯಾಯ ಮಾರ್ಗ ಬಳಸಿ ಸಂಚಾರ ಸುಗಮಗೊಳಿಸಲು ಸಹಕರಿಸಬೇಕು ಎಂದು ಪ್ರಭು ಮನವಿ ಮಾಡಿದರು.

ಸಂಸ್ಥೆ ಅಧ್ಯ ಶರಣಬಸಪ್ಪ ಪಪ್ಪಾ, ಕಾರ್ಯದರ್ಶಿ ಶಿವರಾಜ ಇಂಗಿನಶೆಟ್ಟಿ, ಕಲಬುರಗಿ ಡಿಸ್ಟ್ರಿಬ್ಯೂರ್ಟಸ್​ ಅಸೋಸಿಯೇಷನ್​ ಅಧ್ಯ ಅಮಿತ್​ ಜೈನ್​, ಭಾಂಡೆ ಬಜಾರ್​ ಸಂದ ಅಧ್ಯ ಎನ್​.ಎಚ್​. ಪಾಟೀಲ್​, ಕೆಕೆಸಿಸಿಐ ಜಂಟಿ ಕಾರ್ಯದರ್ಶಿ ಗಿರೀಶ ಅಣಕಲ್​, ಅನಿಲ್​ ಕುಲಕರ್ಣಿ, ಎಸ್​.ಎಸ್​. ಪಾಟೀಲ್​ ರಾಯಕೋಡ, ಅಭಿಜಿತ್​ ಪಡಶೆಟ್ಟಿ, ಸಂದೀಪ ಮಿಶ್ರಾ, ಜಗದೀಶ ಪಾಟೀಲ್​ ಇತರರಿದ್ದರು.

"

ವ್ಯಾಪಾರಸ್ಥರು, ವಾಹನ ಸವಾರರು ಹಾಗೂ ಸಾರ್ವಜನಿಕರು ಸಂಚಾರ ನಿಯಮ ಪಾಲಿಸಬೇಕು. ದ್ವಿಚಕ್ರ ವಾಹನ ಸವಾರರು ಕಡ್ಡಾಯವಾಗಿ ಹೆಲ್ಮೆಟ್​ ಧರಿಸುವುದರ ಜತೆ ಸಂಚಾರಿ ಪೊಲೀಸರಿಗೆ ಸಂಪೂರ್ಣ ಸಹಕಾರ ನೀಡಬೇಕು.

— > ಪ್ರಭು ಡಿ.ಟಿ. ಎಸಿಪಿ (ಸಂಚಾರ), ಕಲಬುರಗಿ