ತಲಸ್ಸೇಮಿಯಾ ಪೀಡಿತರಿಗೆ ಚಿಕಿತ್ಸೆ ಮತ್ತು ನೆರವು

ಪ್ರಮುಖ ಮುಖ್ಯಾಂಶಗಳು

• * ಡಿಕೆಎಂಎಸ್‌ನಿಂದ ಘೋಷಣೆ
• * ಸಂಸ್ಥೆ ನೆರವಿನಿಂದ ಬಾಲಕಿಗೆ ಹೊಸ ಬದುಕು

ನಾಸಿಕ್ ಬಾಲಕಿಗೆ ಯಶಸ್ವಿ ಚಿಕಿತ್ಸೆ:ಮಹಾರಾಷ್ಟ್ರದ ನಾಸಿಕ್ ಮೂಲದ ರಿತೇಶ್ ಮತ್ತು ನೀತಾ ದಂಪತಿಯ ಮಗಳು ಸಮೀಕ್ಷಾ ಬೀಟಾ ತಲಸೀಮಿಯಾದಿಂದ ಬಳಲುತ್ತಿದ್ದು, ಹಲವು ವರ್ಷಗಳ ಕಾಲ ರಕ್ತ ವರ್ಗಾವಣೆ ಮಾಡಿಸಿಕೊಳ್ಳುವುದು ಅನಿವಾರ್ಯವಾಗಿತ್ತು. ಇದರಿಂದ ಬಾಲಕಿ ದೈಹಿಕ ಹಾಗೂ ಮಾನಸಿಕವಾಗಿಯೂ ಜರ್ಜರಿತಳಾಗಿದ್ದಳು. ಸಮೀಕ್ಷಾಳ ಪೋಷಕರು ಡಾ. ಸಿದ್ಧೇಶ್ ಕಲಾಂತ್ರಿ ಅವರನ್ನು ಸಂಪರ್ಕಿಸಿದಾಗಿ ಕಾಂಡಕೋಶ ವರ್ಗಾವಣೆಯ ಬಗ್ಗೆ ಮಾಹಿತಿ ಪಡೆದರು. ಆದರೆ ಬಾಲಕಿಗೆ ಕುಟುಂಬದವರ ಕಾಂಡಕೋಶ ಹೊಂದಾಣಿಕೆ ಆಗಲಿಲ್ಲ. ಆಗ ನೆರವಿಗೆ ಬಂದಿದ್ದೆ ಡಿಕೆಎಂಎಸ್. ಈ ವೇದಿಕೆಯಲ್ಲಿ ಕಾಂಡಕೋಶಕ್ಕೆ ಹೆಸರು ನೋಂದಾಯಿಸಿದ್ದ ಕೋಲಾರ ಮೂಲದ ಕೆ.ದಿಲೀಪ್ ಅವರ ಕಾಂಡಕೋಶ ಬಾಲಕಿಗೆ ಹೊಂದಾಣಿಕೆಯಾಯಿತು. 2023ರಲ್ಲಿ ದಾನಿಯಿಂದ ಕಾಂಡಕೋಶ ಪಡೆದು ಬಾಲಕಿಗೆ ಕಸಿ ಮಾಡಲಾಯಿತು. ಈಗ ಸಮೀಕ್ಷಾ ಗುಣ ಹೊಂದಿದ್ದು ಆರೋಗ್ಯವಾಗಿದ್ದಾಳೆ. ಪದೇ ಪದೆ ರಕ್ತ ವರ್ಗಾವಣೆ ಮಾಡಿಸಿಕೊಳ್ಳುವುದರಿಂದ ಮುಕ್ತಳಾಗಿದ್ದಾಳೆ.