ಶಹಾಪುರ ಸಿಪಿಐ ವರ್ಗಾವಣೆ ಮಾಡಿ

ಯಾದಗಿರಿ: ಪೊಲೀಸ್​ ಮ್ಯಾನುವಲ್​ ವರ್ಗಾವಣೆ ನಿಯಮಾವಳಿ ಉಲ್ಲಂಸಿ ನಿಗದಿತ ಅವಧಿ ಮುಗಿದಿದ್ದರೂ ಒಂದೇ ವೃತ್ತದಲ್ಲಿ ಮುಂದುವರೆದು ಕರ್ತವ್ಯ ಲೋಪ ಎಸಗುತ್ತಿರುವ ಶಹಾಪುರ ಸಿಪಿಐ ಅವರನ್ನು ಇಲಾಖೆ ಶಿಸ್ತು ಮತ್ತು ಸಾರ್ವಜನಿಕ ಹಿತದೃಷ್ಟಿಯಿಂದ ಕೂಡಲೇ ಬೇರೆಕಡೆ ವರ್ಗ ಮಾಡಬೇಕು ಎಂದು ಶಿವಸೇನಾ ಪಕ್ಷದ ಅಧ್ಯಕ್ಷ ಹಾಗೂ ಆಂದೋಲಾ ಕರುಣೇಶ್ವರ ಮಠದ ಸಿದ್ಧಲಿಂಗ ಸ್ವಾಮೀಜಿ ಆಗ್ರಹಿಸಿದ್ದಾರೆ.

ಈ ಕುರಿತು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಮನವಿ ಮಾಡಿರುವ ಅವರು, ಗೋಗಿ ಮತ್ತು ಶಹಾಪುರ ವ್ಯಾಪ್ತಿಯಲ್ಲಿ ನಡೆದಿರುವ ಕಾನೂನು ಬಾಹಿರ ಚಟುವಟಿಕೆಗಳಿಗೆ ಕೂಡಲೇ ಕಡಿವಾಣ ಹಾಕಬೇಕು ಎಂದು ವರು ಒತ್ತಾಯಿಸಿದರು.

ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಹಾಪುರ ವೃತ್ತದ ಸಿಪಿಐ ಸಾಹೇಬಗೌಡ ಪಾಟೀಲ್​ ಅವರು ಕಳೆದ ಮೂರು ವರ್ಷಗಳಿಂದ ಅದೇ ಠಾಣೆಯಲ್ಲಿ ಮುಂದುವರೆಯುವ ಮೂಲಕ ಇಲಾಖೆ ಶಿಸ್ತು ಮತ್ತು ವರ್ಗಾವಣೆ ಕಾನೂನಿನ ಸ್ಪಷ್ಟ ಉಲ್ಲಂನೆ ಮಾಡಿದ್ದಾರೆ. ಮಾತಾಡಿದರೇ ಸಾಕು ಜಿಲ್ಲಾ ಉಸ್ತುವಾರಿ ಸಚಿವ ದರ್ಶನಾಪುರ ಅವರು ಇರುವವರೆಗೂ ನನಗೆ ಇಲ್ಲಿಂದ ಯಾರು ವರ್ಗ ಮಾಡಿಸಲು ಸಾಧ್ಯವಿಲ್ಲ ಎಂಬ ದರ್ಪದ ಮಾತು ಆಡುತ್ತಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದರು.

ಶಹಾಪುರ ನಗರ ಸೇರಿ ಠಾಣಾ ವ್ಯಾಪ್ತಿಯಲ್ಲಿ ನಿತ್ಯವೂ ಸಾವಿರಾರು ಗೋವುಗಳ ಹತ್ಯೆ ನಡೆಯುತ್ತಿದೆ. ಠಾಣಾ ಸಮೀಪದಲ್ಲಿ ರಾಜಾರೋಷವಾಗಿ ಗೋಮಾಂಸ ಮಾರಾಟ ಮಾಡುತ್ತಿದ್ದರೂ ತಡೆಯುವಲ್ಲಿ ಸಿಪಿಐ ವಿಫಲರಾಗಿದ್ದಾರೆ. ಅಲ್ಲದೆ ಇದನ್ನು ಕೇಳಿದ ಹಿಂದೂ ಸಂಟನೆ ಕಾರ್ಯಕರ್ತರನ್ನು ಬೆದರಿಸಿ ಸುಳ್ಳು ಪ್ರಕರಣಗಳನ್ನು ಹಾಕಿ ಜೈಲಿಗೆ ಕಳುಹಿಸಿವುದಾಗಿ ಅವರು ನೇರವಾಗಿ ಹೆದರಿಸುತ್ತಿದ್ದಾರೆ ಎಂದು ದೂರಿದರು.

ಗೋಗಿ ಠಾಣೆ ವ್ಯಾಪ್ತಿಯಲ್ಲೂ ಸಹ ಅಕ್ರಮ ಚಟುವಟಿಕೆಗಳಿಗೆ ಅಲ್ಲಿನ ಪೊಲೀಸರು ಸಾಥ್​ ನೀಡುತ್ತಿದ್ದಾರೆ. ಕಾರಣ ಈ ಕೂಡಲೇ ಇವರನ್ನು ವರ್ಗಾವಣೆ ಮಾಡಬೇಕು ಎಂದು ಆಗ್ರಹಿಸಿದರು. ಶಿವಸೇನಾ ಪಕ್ಷದ ಪದಾಧಿಕಾರಿಗಳೊಂದಿಗೆ ತೆರಳಿ ಎಸ್​ಪಿ ಅವರಿಗೆ ಮನವಿಪತ್ರ ಸಲ್ಲಿಸಲಾಯಿತು. ಪಕ್ಷದ ರಾಜ್ಯ ಕಾರ್ಯದರ್ಶಿ ವಿಜಯ ಪಾಟೀಲ್​, ಜಿಲ್ಲಾಧ್ಯಕ್ಷ ಚನ್ನಪ್ಪಗೌಡ ಕೊಡಾಲ್​, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಶಾಂಕ ನಾಯಕ, ಉಪಾಧ್ಯಕ್ಷ ಬಸನಗೌಡ ಕನ್ಯಾಕೋಳೂರ, ಮುಖಂಡರಾದ ಹಣಮಂತರಾಯ ಪಾಟೀಲ್​ ಅರುಣ ಕಡ್ಡಿ, ವಿದ್ಯಾನಂದ ಸ್ವಾಮಿ, ಸುಭಾಷ ದೇವದುರ್ಗ ಲಿಂಗಾ ಅಂಬಿಗೇರ ಸೇರಿದಂತೆಯೇ ಇತರರಿದ್ದರು.

ಆಳಂದ ಲಾಡ್ಲೆ ಮಶಾಕ್​ ದರ್ಗಾದಲ್ಲಿನ ರಾವ ಚೈತನ್ಯ ಅವರ ಲಿಂಗವಿದ್ದು, ಅದರ ಶುದ್ದೀಕರಣಕ್ಕೆ ನಾವು ಮುಂದಾದಾಗ ಸಾವಿರಾರು ಮುಸ್ಲಿಮರು ಭಾರಿ ಪ್ರಮಾಣದಲ್ಲಿ ಗದ್ದಲ ಮಾಡಿ ಕೋಮು ಗಲಭೆ ಸೃಷ್ಟಿ ಮಾಡಿದಾಗ 8 ಪ್ರಕರಣಗಳು ದಾಖಲಾಗಿದ್ದು, ಅವುಗಳನ್ನು ಈಗ ರಾಜ್ಯ ಸರ್ಕಾರ ವಾಪಸ್​ ಪಡೆಯಲು ಸಚಿವ ಸಂಪುಟದಲ್ಲಿ ನಿರ್ಧಾರ ಮಾಡಿದನ್ನು ಶಿವಸೇನಾ ಪಕ್ಷದ ಅಧ್ಯಕ್ಷ ಸಿದ್ದಲಿಂಗ ಸ್ವಾಮೀಜಿ ಖಂಡಿಸಿದ್ದು, ಅದನ್ನು ಮರು ಪರಿಶೀಲಿಸಬೇಕು. ಹಾಗೊಂದುವೇಳೆ ಮಾಡದಿದ್ದರೆ ಕಾನೂನು ಸಂರ್ಷಕ್ಕೆ ಮುಂದಾಗಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.