ತಾಂತ್ರಿಕ ಯುಗಕ್ಕೆ ತಕ್ಕಂತೆ ತರಬೇತಿ ಅಗತ್ಯ

ಕಮಲಾಪುರ: ತಾಂತ್ರಿಕ ಯುಗಕ್ಕೆ ತಕ್ಕಂತೆ ಅಗತ್ಯ ತರಬೇತಿ ನೀಡಿ ವಿದ್ಯಾರ್ಥಿಗಳನ್ನು ಸಿದ್ಧಪಡಿಸುವ ಕೆಲಸ ಮಹಾವಿದ್ಯಾಲಯಗಳಿಂದ ಆಗಬೇಕಿದೆ ಎಂದು ಬೀದರ್​ ಪಶುವೈದ್ಯಕಿಯ, ಪಶು ಮತ್ತು ಮೀನುಗಾರಿಕೆ ವಿಜ್ಞಾನ ವಿಶ್ವವಿದ್ಯಾಲಯ ಉಪಕುಲಪತಿ ಡಾ.ಕೆ.ಸಿ.ವೀರಣ್ಣ ಸಲಹೆ ನೀಡಿದರು.

ಮಹಾಗಾಂವ್​ ಕ್ರಾಸ್​ ಸರ್ಕಾರಿ ಹೈನು ವಿಜ್ಞಾನ ಮಹಾವಿದ್ಯಾಲಯದಲ್ಲಿ ಹಳೆಯ ವಿದ್ಯಾರ್ಥಿಗಳ ಸಂಘದಿಂದ ಸೋಮವಾರ ಹಮ್ಮಿಕೊಂಡಿದ್ದ 18ನೇ ಸಂಸ್ಥಾಪನಾ ದಿನ ಮತ್ತು ರಾಷ್ಟ್ರೀಯ ಕಾರ್ಯಾಗಾರಕ್ಕೆ ಚಾಲನೆ ನೀಡಿ ಮಾತನಾಡಿ, ವಿದ್ಯಾರ್ಥಿಗಳು ಗುಣಮಟ್ಟದ ಶಿಕ್ಷಣದ ಜತೆಗೆ ಉತ್ತಮ ವ್ಯಕ್ತಿತ್ವ ಬೆಳೆಸಿಕೊಳ್ಳಬೇಕು. ಗ್ರಾಮೀಣ ಭಾಗದ ವಿದ್ಯಾರ್ಥಿಗಳು ರಾಷ್ಟ್ರಮಟ್ಟದ ಜೆಆರ್​ಎ್​ ಪರೀಕ್ಷೆಯಲ್ಲಿ ಟಾಪ್​ 4ರಲ್ಲಿ ಪಾಸಾಗಿದ್ದು ಶ್ಲಾಘನೀಯ ಎಂದರು.

ಬೀದರ್​ ವಿವಿ ಬೋರ್ಡ್​ ಸದಸ್ಯ ಬಸವರಾಜ ಭತಮುರ್ಗೆ ಮಾತನಾಡಿ, ಅಮೂಲ್​ ಜತೆ ಇಂದು ಕೆಎಂಎಫ್​ ತೀವ್ರ ಸ್ಪರ್ಧೆ ನೀಡುತ್ತಿದೆ ಎಂದರೆ ಅದಕ್ಕೆ ನಮ್ಮ ಶಿಕ್ಷಣವೇ ಮುಖ್ಯ ಕಾರಣ. ಮಹಾಗಾಂವ್​ ಮಹಾವಿದ್ಯಾಲಯಕ್ಕೆ ಕಾನ್ಫರೆನ್ಸ ಹಾಲ್​, ಕ್ರೀಡಾಂಗಣ, ಪಿಸಿ ಸೆಂಟರ್​ ಒದಗಿಸುವಂತೆ ಮನವಿ ಸಲ್ಲಿಸಿದ್ದು, ಬೋರ್ಡ್​ ಸದಸ್ಯರ ಸಭೆಯಲ್ಲಿ ಚರ್ಚಿಸಿ ಕ್ರಮ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು.

ಪ್ರಮುಖರಾದ ವಿಜಯಕುಮಾರ ಪಾಟೀಲ್​, ಶ್ರೀದೇವಿ ಬಿ., ಡಾ.ಎಚ್​.ಮಂಜುನಾಥ, ಡಾ.ಬಿ.ವಿ.ಶಿವಪ್ರಕಾಶ, ಡಾ.ಎಸ್​.ಆರ್​.ಸೋಮಶೇಖರ, ಡಾ.ದಿಲೀಪಕುಮಾರ, ಡಾ.ಎಚ್​.ಅರುಣಕುಮಾರ, ಡಾ.ಎಂ.ಕೆ.ತಂಡ್ಲೆ, ಡಾ.ಸಚೀಂದ್ರ ಬಾಬು, ಡಾ.ಶ್ರೀಕಾಂತ ಕುಲಕರ್ಣಿ, ಡಾ.ದೇವರಾಜು, ಪೊ.ಬಸವಭಾರತಿ ಗಾದ್ಗಿಕರ್​, ಡಾ.ಶಶಿಕುಮಾರ್​ ಇತರರಿದ್ದರು.

ಹಳೆಯ ವಿದ್ಯಾರ್ಥಿಗಳ ಸಂದ ಅಧ್ಯ ಡಾ.ಆದರ್ಶ ಕಲ್ಲಾ ಪ್ರಾಸ್ತಾವಿಕ ಮಾತನಾಡಿದರು. ಅಯಕುಮಾರ ಸ್ವಾಗತಿಸಿದರು. ಮಧುಸೂದನ್​ ಹಾಗೂ ಪ್ರಿಯಾಂಕಾ ಕಲ್ಯಾಣ್​ ನಿರೂಪಣೆ ಮಾಡಿದರು.

"