ಸಾವಿರಾರು ವರ್ಷಗಳ ಹಿಂದೆ ನಮ್ಮ ದೇಶ, ವಿಜ್ಞಾನ ಕ್ಷೇತ್ರದಲ್ಲಿ ಮುಂದುವರಿದಿತ್ತು. ವೈದ್ಯಕೀಯ, ಕಲೆ, ವಾಸ್ತುಶಿಲ್ಪ ಮತ್ತು ಗಣಿತ ಸೇರಿ ಇತರ ಎಲ್ಲ ಕ್ಷೇತ್ರಗಳಲ್ಲೂ ಭಾರತ ಆಗಾಧ ಸಾಧನೆ ಮಾಡಿತ್ತು. ಅಂದಿನ ಕಾಲದಲ್ಲೇ ಗುರುಕುಲ ಪರಂಪರೆ ಇತ್ತು. ವಿಜ್ಞಾನ ಮತ್ತು ಜ್ಞಾನ ನಮ್ಮಲ್ಲಿ ಸಾಕಷ್ಟಿತ್ತು. ಆದರೆ, ನಮ್ಮನ್ನು ರಕ್ಷಣೆ ಮಾಡಬೇಕಿದ್ದ ಆಯುಧಗಳು ಇರಲಿಲ್ಲ. ಈ ಸಂದರ್ಭದಲ್ಲಿ ವಿದೇಶಿಗರು, ನಮ್ಮ ದೇಶದ ಮೇಲೆ ದಾಳಿ ನಡೆಸಿ ರಕ್ಷಿಸಿ ಇಟ್ಟುಕೊಂಡಿದ್ದ ವೇದಗಳನ್ನು ನಾಶಪಡಿಸಿದ್ದರು. 2047ರ ವೇಳೆಗೆ ‘ವಿಕಸಿತ ಭಾರತ’ ಮಾತ್ರವಲ್ಲದೆ ‘ಸುರಕ್ಷಿತ ಭಾರತ’ವೂ ಆಗಬೇಕಿದೆ. ಸುರಕ್ಷಿತ ಭಾರತ ಇಲ್ಲದಿದ್ದರೆ ವಿಕಸಿತ ಭಾರತ ನಿರ್ಮಾಣವಾಗುವುದಕ್ಕೆ ಸಾಧ್ಯವಿಲ್ಲ ಎಂದು ವೇದಿಕ್ ಸೈನ್ಸ್ ನಿರ್ದೇಶಕ ಡಾ.ಪ್ರಹ್ಲಾದ ರಾಮರಾವ್ ಹೇಳಿದರು.
