ಹೋರಾಟಗಾರರಿಗೆ ಹತ್ತಿಕ್ಕುವ ಕೆಲಸ ನಡೆದಿದೆ

ಯಾದಗಿರಿ : ತಾವು ನೀಡಿದ ಯಾವುದೇ ದೂರಿನ ಅರ್ಜಿ ವಾಪಸ್​ ಪಡೆದಿಲ್ಲ. ಈ ಬಗ್ಗೆ ಪೂರ್ವಾಪರ ಪರಿಶೀಲನೆ, ತನಿಖೆ ಮಾಡದೆಯೇ ತಮಗೆ ನೋಟಿಸ್​ ನೀಡಿರುವ ಜಿಪಂ ಸಿಇಒ ಅವರು, ಹೋರಾಟಗಾರ ಮತ್ತು ಭ್ರಷ್ಟಾಚಾರ ಬಯಲಿಗೆ ಎಳೆಯುವವರ ಕಿಚ್ಚನ್ನು ಹತ್ತಿಕ್ಕಲು ಯತ್ನಿಸಿದ್ದಾರೆ ಎಂದು ವರ್ತೂರ ಪ್ರಕಾಶ ಯುವ ರ್ಜನೆ ಸಂಟನೆ ಜಿಲ್ಲಾಧ್ಯಕ್ಷ ಐಕೂರ ಅಶೋಕ ಆರೋಪಿಸಿದ್ದಾರೆ.

ಈ ಕುರಿತು ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಜಿಲ್ಲಾ ಪಂಚಾಯಿತಿ ಮತ್ತು ಇತರೆ ಇಲಾಖೆಗಳಲ್ಲಿ ನಡೆದಿರುವ ಅವ್ಯವಹಾರಗಳ ತನಿಖೆಗೆ ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಿ ನ್ಯಾಯ ಪಡೆಯುವ ಕಾರ್ಯ ನಮ್ಮ ಸಂಟನೆಯಿಂದ ಕಳೆದ ಅನೇಕ ವರ್ಷಗಳಿಂದ ಮಾಡುತ್ತ ಬಂದಿದೆ. ಆದರೆ, ಕೆಲ ಅಧಿಕಾರಿಗಳ ಮಾತು ಕೇಳಿಯೋ ಇಲ್ಲವೇ ಅವರನ್ನು ರಕ್ಷಣೆ ಮಾಡಲು ನಾವು ಸಲ್ಲಿಸಿದ ದೂರುಗಳ ಬಗ್ಗೆ ತನಿಖೆ ಮಾಡದೆ ಮತ್ತು ಯಾವುದೇ ಪೂರ್ವಭಾವಿ ಸೂಚನೆ ನೀಡದೇ ನಮ್ಮನ್ನು ಆರೋಪಿಗಳನ್ನಾಗಿ ಮಾಡಲಾಗಿದೆ ಎಂದು ಅವರು ದೂರಿದರು.

ಅರ್ಜಿ ಸಲ್ಲಿಸಿ, ನಂತರ ವಾಪಸ್​ ಪಡೆಯುವ ಮೂಲಕ ಇಲಾಖೆಗೆ ನಷ್ಟ, ತೊಂದರೆ, ಅಡಚಣೆ ಮಾಡಿದ್ದಿರಿ ಎಂದು ಹೇಳಿ ನೋಟಿಸ್​ ನೀಡಿ ಅದಕ್ಕೆ ಇಂತಿಷ್ಟು ದಂಡ ಕಟ್ಟಬೇಕೆಂಬ ಷರತ್ತು ಹಾಕಿ, ಪೊಲೀಸ್​ರ ಮೂಲಕ ಈ ಬಗ್ಗೆ ಮಾಹಿತಿ ಪಡೆಯುವ ಹಂತಕ್ಕೆ ಹೋಗಿ ತಮ್ಮ ಆತ್ಮಸ್ಥೆರ್ಯ ಕುಂದಿಸಲು ಜಿಪಂ ಸಿಇಒ ಅವರು ಮುಂದಾಗಿದ್ದಾರೆ ಎಂದು ಕಿಡಿಕಾರಿದ್ದಾರೆ.

ಕಾನೂನಿಗೆ ಗೌರವ ನೀಡಿ ತಾವು ಈಗಾಗಲೇ ತಮಗೆ ವಿಧಿಸಿದ್ದ 6080 ರೂ.ದಂಡ ಕಟ್ಟಿದ್ದಾಗಿ ತಿಳಿಸಿದ ಅಶೋಕ, ತಾವು ಇದುವರೆಗೂ ನೀಡಿದ ಯಾವುದೇ ಅರ್ಜಿ ವಾಪಸ್​ ಪಡೆದಿಲ್ಲ, ಇದು ಬಹಿರಂಗ ತನಿಖೆಯಾಗಲಿ ಎಂದಿದ್ದಾರೆ. ತಾವೊಬ್ಬ ಅಂಗವಿಕಲ ವ್ಯಕ್ತಿಯಾಗಿದ್ದು, ಕಳೆದ 14 ತಿಂಗಳಿಂದ ಜಿಪಂ ಕಚೇರಿಗೆ ನೂರಾರ ಸಲ ಅಲೆದರೂ ನ್ಯಾಯ ಸಿಕ್ಕಿಲ್ಲ, ಬದಲಿಗೆ ಮಾನಸಿಕ ಮತ್ತು ದೈಹಿಕವಾಗಿ ಸಾಕಷ್ಟು ತೊಂದರೆಯಾಗಿದೆ. ಇದಕ್ಕೆ ಯಾರು ಹೊಣೆ ?, ನನಗಾದ ಅನ್ಯಾಯಕ್ಕೆ ದಂಡ ಕಟ್ಟವವರ್ಯಾರು?. ಇದು ಇಷ್ಟಕ್ಕೆ ಬಿಡುವುದಿಲ್ಲ, ಮಾಜಿ ಸಚಿವ ವರ್ತೂರ ಪ್ರಕಾಶ ಅವರ ನೇತೃತ್ವದಲ್ಲಿ ಜಿಪಂ ಕಚೇರಿ ಬಳಿ ಪ್ರತಿಭಟನೆ ನಡೆಸುವುದಾಗಿ ಅಶೋಕ ಎಚ್ಚರಿಸಿದ್ದಾರೆ.

ಕೆಕೆಆರ್​ಡಿಬಿ ಯೋಜನೆಯಡಿ 2023&24ನೇ ಸಾಲಿನಲ್ಲಿ ಅನುಮೋದನೆಗೊಂಡ ವಡಗೇರಾ ತಾಲೂಕಿನ ಐಕೂರು ಗ್ರಾಮದಲ್ಲಿ ಸಿಸಿ ರಸ್ತೆ ಮತ್ತು ಚರಂಡಿ ನಿರ್ಮಾಣ ಕಾಮಗಾರಿ ಆರಂಭಿಸಿ ಮುಗಿದ ಮೇಲೆ ಇಎಂಡಿ ಲೆಸ್​ ಡಿಡಿ ವಾಪಸ್​ ನೀಡಬೇಕೆಂಬ ಸರ್ಕಾರದ ನಿಯಮ ಇದ್ದರೂ ಅದನ್ನು ಉಲ್ಲಂಸಿ ಗುತ್ತಗೆದಾರರಿಗೆ ಮೊದಲೇ ಅದನ್ನು ನೀಡಿದನ್ನು ಪ್ರಶ್ನಿಸಿ ದಾಖಲೆ ಸಮೇತ ಅರ್ಜಿ ಸಲ್ಲಿಸಿ ವರ್ಷವೇ ಗತಿಸಿದರೂ ಇದುವರೆಗೂ ಯಾವುದೇ ತನಿಖೆಯಾಗಿಲ್ಲ. ಈ ಬಗ್ಗೆ ತನಿಖೆ ನಡೆಸಿ ಇದಕ್ಕೆ ಕಾರಣರಾದ ಪಂಚಾಯಿತ್​ರಾಜ್​ ಇಂಜಿನಿಯರಿಂಗ್​ ಇಲಾಖೆ ಲೆಕ್ಕಾಧಿಕಾರಿ ಪುಷ್ಪಾವತಿ ಎಂಬುವವರ ವಿರುದ್ಧ ದೂರಿಗೆ ಪರಿಶೀಲಿಸಿ ವರದಿ ನೀಡುವಂತೆ ರಾಜ್ಯ ಲೆಕ್ಕಪರಿಶೋಧನೆ ಇಲಾಖೆ ಪ್ರಧಾನ ಕಾರ್ಯದರ್ಶಿಗಳು ಇಲ್ಲಿನ ಸಂಬಂಧಪಟ್ಟ ಅಧಿಕಾರಿಗೆ ಪತ್ರ ಬರೆದರೂ ಜಿಪಂ ಸಿಇಒ ಅವರು ಇದುವರೆಗೂ ಏನು ಕ್ರಮ ತೆಗೆದುಕೊಂಡಿಲ್ಲ. ಈಗ ಯಾರು ಯಾರ ವಿರುದ್ಧ ಕ್ರಮ ಜರುಗಿಸಬೇಕು, ದಂಡ ಕಟ್ಟಿಸಬೇಕು ಎಂದು ಐಕೂರ ಅಶೋಕ ಪ್ರಶ್ನಿಸಿದ್ದಾರೆ.