ಪರಿಸರ ಜೀವನಕ್ರಮ ನಿರ್ಧರಿಸುವ ಮಾಧ್ಯಮ

ಬಸವಕಲ್ಯಾಣ: ಪರಿಸರ ಮನುಷ್ಯನ ಆರೋಗ್ಯ ಜತೆಗೆ ಜೀವನಕ್ರಮ ನಿರ್ಧರಿಸುವ ಮಾಧ್ಯಮವಾಗಿದೆ. ಒಂದೊಂದು ಗಿಡ&ಮರ ನಮ್ಮ ಪರಿಸರ ಸ್ವಾಸ್ಥ$್ಯ ನಿರ್ಧರಿಸುತ್ತದೆ. ಮಣ್ಣು, ನೀರು, ಸಸ್ಯ ಸಂರಕ್ಷಣೆ ಎಲ್ಲರ ಹೊಣೆ ಎಂದು ಕರ್ನಾಟಕ ವನ್ಯಜಿವಿ ಸಂರಕ್ಷಣಾ ಸಮಿತಿ ಸದಸ್ಯ ವಿನಯ್​ ಮಾಳಗೆ ಹೇಳಿದರು.

ನಗರದ ಶ್ರೀ ಬಸವೇಶ್ವರ ಪದವಿ ಕಾಲೇಜಿನಲ್ಲಿ ಗುರುವಾರ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಶಿಕ್ಷಣ ಮತ್ತು ಪರಿಸರ ಅರಿವು ಕುರಿತು ವಿಶೇಷ ಉಪನ್ಯಾಸ ನೀಡಿದ ಅವರು, ನಾವಿರುವ ಪರಿಸರದ ಅರಿವು ನಮಗಿರದಿದ್ದರೆ ಜಾಗತಿಕ ತಾಪಮಾನ ಅರಿಯಲು ಸಾಧ್ಯವಾಗದು. ಮರ&ಗಿಡಗಳ ನಾಶದಿಂದ ಜಾಗತಿಕ ತಾಪಮಾನ ಏರಿಕೆಯಾಗಿದೆ. ಗಿಡ&ಮರ ಬೆಳೆಸುವ ಮೂಲಕ ಪರಿಸರ ಜತೆ ನೀರಿನ ಮೂಲ ಕಾಪಾಡಿದರೆ ಅಂತರ್ಜಲ ಮಟ್ಟ ಹೆಚ್ಚಲಿದೆ ಎಂದರು.

ಪ್ರಾಚಾರ್ಯ ಡಾ.ಭೀಮಾಶಂಕರ ಬಿರಾದಾರ ಮಾತನಾಡಿ, ಕಾಡು, ನೆಲ, ನೀರು ಸೇರಿ ಪರಿಸರಕ್ಕೆ ಅಸ್ತಿತ್ವ ಒದಗಿಸಿವೆ. ಪರಿಸರದಲ್ಲಿ ಇಡೀ ಜೀವ ಸಂಕುಲದ ಸಾವಯವ ಸಂಬಂಧಗಳಿವೆ. ಮನುಷ್ಯನ ಹಪಾಹಪಿ, ಆಮಿಷಗಳು ನಿಸರ್ಗದೊಂದಿಗೆ ನಿರ್ದಯವಾಗಿ ನಡೆದುಕೊಳ್ಳುವುದರಿಂದ ಪ್ರಾಕೃತಿಕ ವಿಕೋಪ ಸಂಭವಿಸುತ್ತಿವೆ ಎಂದು ಅಭಿಪ್ರಾಯಪಟ್ಟರು.

ಅಧ್ಯಕ್ಷತೆ ವಹಿಸಿದ್ದ ಬಸವೇಶ್ವರ ದೇವಸ್ಥಾನ ಶಿಕ್ಷಣ ಸಂಸ್ಥೆ ಅಧ್ಯಕ್ಷ ಅನಿಲಕುಮಾರ ರಗಟೆ ಮಾತನಾಡಿ, ನಿಸರ್ಗ ನಮಗೆ ದೊರೆತ ಪಾರಂಪರಿಕ ಬಳುವಳಿ. ಅದನ್ನು ಕಾಪಾಡುವ ಜವಾಬ್ದಾರಿ ಎಲ್ಲರ ಮೇಲಿದೆ ಎಂದರು.

ಬಿಡಿಪಿಸಿ ಉಪಾಧ್ಯಕ್ಷ ಮಲ್ಲಿಕಾರ್ಜುನ ಕುರಕೋಟೆ, ಕಾರ್ಯದರ್ಶಿ ಅಶೋಕಕುಮಾರ ನಾಗರಾಳೆ, ನಿರ್ದೇಶಕ ವೀರಣ್ಣ ಹಲಶೆಟ್ಟೆ, ಪತ್ರಕರ್ತ ಬಾಲಾಜಿ ಕುಂಬಾರ, ಹರ್ಷವರ್ಧನ ರಾಠೋಡ್​, ಸಂದೀಪ ಮುಕಿಂದೆ, ಬಸವೇಶ್ವರ ಪಿಯು ಕಾಲೇಜು ಪ್ರಾಚಾರ್ಯ ಡಾ.ರುದ್ರಮಣಿ ಮಠಪತಿ, ಬಸವೇಶ್ವರ ಪಿಜಿ ಕಾಲೇಜು ಪ್ರಾಚಾಯೆರ್ ಡಾ.ಶಾಂತಲಾ ಪಾಟೀಲ, ಐಕ್ಯುಎಸಿ ಸಂಯೋಜಕ ಪವನಕುಮಾರ ಪಾಟೀಲ, ಪ್ರಿಯಾ ಚವ್ಹಾಣ್​, ನಾಗವೇಣಿ ಬಿರಾದಾರ, ಎಂ.ಡಿ. ಜಬಿ, ವೀರೇಶ ಸ್ವಾಮಿ, ಗಂಗಾಧರ ಸಾಲಿಮಠ, ನಾಗರಾಜ ನಾಸೆ, ಐಶ್ವರ್ಯಾ ಖರೋಣೆ, ಡಾ.ಬಸವರಾಜ ಖಂಡಾಳೆ, ವಿವೇಕಾನಂದ ಶಿಂಧೆ ಉಪಸ್ಥಿತರಿದ್ದರು.

"