ಹಾಲು ಮಾರುವವನ ಮಚ್ಚಿಗೆ ಶಿಕ್ಷಕಿ ಬಲಿ

ಕಮಲಾಪುರ : ಕಲಮೂಡ ಗ್ರಾಮದ ಹೊರವಲಯದಲ್ಲಿ ಅರ್ಧಂರ್ಬಧ ಸುಟ್ಟ ಸ್ಥಿತಿಯಲ್ಲಿ ಶಿಕಿ ಜ್ಯೋತಿ ಕಪಾಳೆ ಶವ ಪತ್ತೆಯಾದ ಪ್ರಕರಣವನ್ನು 24 ಗಂಟೆಯೊಳಗೆ ಭೇದಿಸಿದ ಸ್ಥಳಿಯ ಪೊಲೀಸರು, ಆರೋಪಿಯನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ಒಪ್ಪಿಸಿದ್ದಾರೆ.

ಚಿಂಚೋಳಿ ತಾಲೂಕಿನ ಭುಂಯಾರ ಗ್ರಾಮದ ಅಮರ ಕುಡ್ಡಳ್ಳಿ (27) ಬಂಧಿತ ಆರೋಪಿ. ಕಲಮೂಡ ಹೊರವಲಯದಲ್ಲಿ ಏ.4ರಂದು ಶಿಕಿ ಜ್ಯೋತಿ ಶವ ಅರೆಬರೆ ಸುಟ್ಟ ಸ್ಥಿತಿಯಲ್ಲಿ ಸಿಕ್ಕಿತ್ತು. ಕಲಬುರಗಿ ಎಸ್​ಬಿ ಕಾಲೇಜು ಎದುರಿನ ಆನಂದನಗರ ನಿವಾಸಿಯಾಗಿದ್ದ ಮೃತಳು, ಬೀದರ್​ ಜಿಲ್ಲೆ ಹುಲಸೂರು ತಾಲೂಕಿನ ವಾಂಜರಖೇಡ ಗ್ರಾಮದ ಸರ್ಕಾರಿ ಶಾಲೆ ಶಿಕಿಯಾಗಿದ್ದರು.

ಹಿನ್ನೆಲೆ: ಅಮರ ಕುಡ್ಡಳ್ಳಿ ಈ ಹಿಂದೆ ಕಲಬುರಗಿ ಆನಂದ ನಗರದ ಬಳಿ ನಂದಿನಿ ಪಾರ್ಲರ್​ ನಡೆಸುತ್ತಿದ್ದಾಗ ಶಿಕಿ ಜ್ಯೋತಿ ಪರಿಚಯವಾಗಿದೆ. ಆಗಾಗ್ಗೆ ಮನೆಗೆ ಹಾಲು ಕೊಡಲು ಬರುತ್ತಿದ್ದ. ಜ್ಯೋತಿ ಅವರಿಂದ ಸುಮಾರು 14 ಲ ಹಣ ಪಡೆದ ಅಮರ ತಾವರಗೇರಾ ಕ್ರಾಸ್​ ಬಳಿಯ ಫನ್​ ವರ್ಲ್ಡ್​ ಪಕ್ಕದಲ್ಲಿ ನಂದಿನಿ ಪಾರ್ಲರ್​ ತೆರೆದಿದ್ದ. ನೀಡಿದ ಹಣ ವಾಪಸ್​ ಕೊಡುವಂತೆ ಜ್ಯೋತಿ ಕಲಹ ಮಾಡುತ್ತಿದ್ದರು. ರೊಚ್ಚಿಗೆದ್ದ ಅಮರ ಹತ್ಯೆ ಸ್ಕೆಚ್​ ಹಾಕಿದ್ದ ಎನ್ನಲಾಗಿದೆ.

ಜ್ಯೋತಿ ಅವರನ್ನು ಅಮರ ತನ್ನ ಕಾರಿನಲ್ಲಿ ಕರೆತಂದು ಹಲವೆಡೆ ತಿರುಗಾಡಿಸಿ ರಾತ್ರಿಯಾಗುತ್ತಿದ್ದಂತೆ ಶನಿವಾರ ಬೆಳಗ್ಗೆ ಶಾಲೆಗೆ ಹೋಗಬೇಕು. ನನ್ನನ್ನು ಬಸವಕಲ್ಯಾಣಕ್ಕೆ ಬಿಟ್ಟು ಬರುವಂತೆ ನಡೆ ಎಂದು ಜ್ಯೋತಿ ಹೇಳಿದ್ದಾರೆ. ಕಮಲಾಪುರ ತನಕ ಬಂದಾಗ ಕಲಮೂಡ ದೇವಸ್ಥಾನದಲ್ಲಿ ದರ್ಶನ ಪಡೆಯೋಣ ಎಂದು ಜ್ಯೋತಿ ಅವರನ್ನು ಕಲಮೂಡ ಕಡೆ ಕರೆತಂದಿದ್ದಾನೆ.

ಮಧ್ಯರಾತ್ರಿ 1ರ ಹೊತ್ತಿಗೆ ಕಲಮೂಡ ಹೊರವಲಯದಲ್ಲಿ ಕಾರು ನಿಲ್ಲಿಸಿ ಜ್ಯೋತಿ ಕಣ್ಣಿಗೆ ಬಣ್ಣ ಎರಚಿ ಕಾರಿನಲ್ಲಿದ್ದ ಮಾರಕಾಸದಿಂದ ಕೊಚ್ಚಿ ಸಾಯಿಸಿದ್ದಲ್ಲದೆ ಸಾಕ್ಷಿ ನಾಶಪಡಿಸಲು ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿ ಪರಾರಿಯಾಗಿದ್ದಾನೆ.

ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಅಡ್ದೂರು ಶ್ರೀನಿವಾಸುಲು, ಹೆಚ್ಚುವರಿ ಎಸ್​ಪಿ ಮಹೇಶ ಮೇಣ್ಣವರ್​ ಮಾರ್ಗದರ್ಶನ ಮತ್ತು ಡಿವೈಎಸ್​ಪಿ ಲೋಕೇಶ್​ ನೇತೃತ್ವದಲ್ಲಿ ಸಿಪಿಐ ಶಿವಶಂಕರ ಸಾಹು, ಪಿಎಸ್​ಐ ಸುಖಾನಂದ ಸಿಂಗೆ, ಸಿಬ್ಬಂದಿ ಕುಪೇಂದ್ರ, ಮನೋಜ ಸ್ವಾಮಿ, ಹುಸೇನ್​ ಪಟೇಲ್​, ಸೋಮಶೇಖರ ಅವರನ್ನು ಒಳಗೊಂಡ ತಂಡ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿದೆ.