ಟಿಎಪಿಸಿಎಂಎಸ್‌ಗೆ 54 ಲಕ್ಷ ರೂ. ಲಾಭ

ಪಟ್ಟಣದ ಹೊಸಪೇಟೆಯ ಬಮುಲ್ ಕಚೇರಿ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಟಿಎಪಿಸಿಎಂಎಸ್ ವಾರ್ಷಿಕ ಮಹಾಸಭೆ ಉದ್ಘಾಟಿಸಿ ಮಾತನಾಡಿ, ಕಳೆದ ಬಾರಿ 27 ಲಕ್ಷ ರೂ. ಲಾಭ ಗಳಿಸಿದ್ದ ಸಂಘ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದರು.

ರಸಗೊಬ್ಬರ ಸಂಗ್ರಹಣೆಗೆ ಗೋದಾಮು ನಿರ್ಮಿಸಿ ಕಡಿಮೆ ದರದಲ್ಲಿ ವಿತರಿಸಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಪಂಪ್, ಮೋಟಾರ್, ಪೈಪ್ ಸೇರಿ ಕೃಷಿ ಉಪಕರಣಗಳ ಮಾರಾಟ ಮಳಿಗೆಯನ್ನು ಪ್ರಾರಂಭಿಸಲಾಗುವುದು.

20 ಲಕ್ಷ ರೂ. ವೆಚ್ಚದಲ್ಲಿ ವೇ ಬ್ರಿಡ್ಜ್ ನಿರ್ಮಿಸಲಾಗಿದೆ. ಸೆ.6ರಂದು ಗೋದಾಮು ಉದ್ಘಾಟನೆ ಹಾಗೂ ಸಂಘದ ’ವಜ್ರ ಮಹೋತ್ಸವ’ ನಡೆಯಲಿದ್ದು, ಈ ವೇಳೆ ಸದಸ್ಯರಿಗೆ ವಿಶೇಷ ಉಡುಗೊರೆ ನೀಡಲಾಗುವುದು ಎಂದು ತಿಳಿಸಿದರು.

ಕಾರ್ಯದರ್ಶಿ ಎಂ.ಜಿ. ನಾರಾಯಣ್ ಮಾತನಾಡಿ, ರಸಗೊಬ್ಬರ ಹಾಗೂ 59 ನ್ಯಾಯಬೆಲೆ ಅಂಗಡಿಗಳಿಗೆ ಪಡಿತರ ವಿತರಿಸಲಾಗುತ್ತಿದೆ ಎಂದರು.

ನಿರ್ದೇಶಕ ಸೋಮಶೇಖರ್ ರೈತರಿಗಾಗಿ ಅಡಿಕೆ ಹಾಗೂ ರಾಗಿ ಮಂಡಿ ಸ್ಥಾಪಿಸುವ ಯೋಜನೆ ಇದೆ ಎಂದು ತಿಳಿಸಿದರು.

ಶ್ರೀರಂಗನಾಥ ಸ್ವಾಮಿ ದನಗಳ ಜಾತ್ರೆಗೆ ಬರುವ 10 ಸಾವಿರ ಮಂದಿಗೆ ಊಟದ ವ್ಯವಸ್ಥೆ ಮಾಡಲಾಗಿದೆ. ಸಭೆಯಲ್ಲಿ 20ಕ್ಕೂ ಹೆಚ್ಚು ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು.

ನಿರ್ದೇಶಕರಾದ ಎಂ.ಆರ್.ಮಂಜುನಾಥ್, ನಂಜುಂಡಯ್ಯ, ಎನ್.ನಂಜುಂಡಯ್ಯ, ಉಮೇಶ್, ರವೀಶ್, ಗನಾಥ್, ಟಿ.ಎಸ್.ಗಂಗಯ್ಯ, ಯತೀಶ್, ಮಹೇಶ್, ಎಚ್.ಜಿ. ಪ್ರವೀಣ್, ಬಮುಲ್ ಮಾಜಿ ಅಧ್ಯಕ್ಷ ನರಸಿಂಹಮೂರ್ತಿ, ಮರೂರು ವೆಂಕಟೇಶ್, ಎಪಿಎಂಸಿ ಮಾಜಿ ಅಧ್ಯಕ್ಷ ಮಾರೇಗೌಡ, ಪಿಎಲ್‌ಡಿ ಬ್ಯಾಂಕ್ ಅಧ್ಯಕ್ಷ ರವೀಶ್ ಇತರರು ಇದ್ದರು.