ಸಿಲಿಂಡರ್​ ಸಮಸ್ಯೆ ಆಗದಂತೆ ನಿಗಾ ವಹಿಸಿ

ಚಿಂಚೋಳಿ: ಕ್ಷೇತ್ರದಲ್ಲಿ ಗ್ಯಾಸ್​ ಸಿಲಿಂಡರ್​ ಅಭಾವ ಉಂಟಾಗದಂತೆ ಎಚ್ಚರವಹಿಸಬೇಕು. ಕಾಳಸಂತೆಯಲ್ಲಿ ದುಬಾರಿ ಬೆಲೆಗೆ ಸಿಲಿಂಡರ್​ ಮಾರಾಟ ಮಾಡುತ್ತಿರುವ ಬಗ್ಗೆ ದೂರುಗಳಿದ್ದು, ಕಡಿವಾಣ ಹಾಕಲು ಮುಂದಾಗಬೇಕು ಎಂದು ಗ್ಯಾರಂಟಿ ಅನುಷ್ಠಾನ ಸಮಿತಿ ತಾಲೂಕು ಅಧ್ಯ ಬಸವರಾಜ ಮಾಲಿ ಸೂಚನೆ ನೀಡಿದರು.

ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಗುರುವಾರ ಹಮ್ಮಿಕೊಂಡ ಪಂಚ ಗ್ಯಾರಂಟಿ ಯೋಜನೆ ಪ್ರಗತಿ ಪರಿಶೀಲನೆ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಗ್ಯಾಸ್​ ಏಜೆನ್ಸಿಗಳು ಕೃತಕ ಅಭಾವ ಸೃಷ್ಟಿಸಿ ದಲ್ಲಾಳಿಗಳ ಮೂಲಕ ಅಧಿಕ ಬೆಲೆಗೆ ಸಿಲಿಂಡರ್​ ಮಾರಾಟ ಮಾಡುತ್ತಿವೆ ಎಂದು ಹೇಳಲಾಗುತ್ತಿದೆ. ಆಹಾರ ಇಲಾಖೆ ಅಧಿಕಾರಿಗಳು ಕಟ್ಟೆಚ್ಚರ ವಹಿಸಬೇಕು, ಏಜೆನ್ಸಿಗಳಿಂದ ನಿರಂತರ ದಾಸ್ತಾನು ಕುರಿತು ಮಾಹಿತಿ ಪಡೆಯಬೇಕು. ಬ್ಲಾಕ್​ ಅಲ್ಲಿ ಮಾರಾಟ ಮಾರಿವುದು ಕಂಡುಬಂದರೆ ಕೂಡಲೇ ಕ್ರಮಕ್ಕೆ ಮುಂದಾಗಬೇಕು ಎಂದು ತಾಕೀತು ಮಾಡಿದರು.

ತಾಪಂ ಇಒ ಸಂತೋಷಕುಮಾರ ಚವ್ಹಾಣ್​, ಶಿಶು ಅಭಿವೃದ್ಧಿ ಅಧಿಕಾರಿ ಸವಿತಾ ಸುಲೇಪೇಟ, ಪ್ರಮುಖರಾದ ಸುರೇಶ ತೇಗಲತಿಪ್ಪಿ, ಲ್ಮಣ ಅವಂಟಿ, ಮಲ್ಲಿಕಾರ್ಜುನ ಪಾಟೀಲ್​, ಶಾಂತಕುಮಾರ ಹಸರಗುಂಡಗಿ, ಜನಾರ್ಧನ ಶಾದಿಪುರ, ಗೋವಿಂದಪ್ಪ ಬೆನಕೇಪಳ್ಳಿ, ವೀರಮ್ಮ ಸ್ವಾಮಿ, ಅರವಿಂದ ರೆಡ್ಡಿ ಇತರರಿದ್ದರು.