ಮುಧೋಳದ ಶ್ರೀಮತಿ ಇಂದಿರಾಗಾಂಧಿ ವಸತಿಯುಕ್ತ ಶಾಲೆಗೆ ಭಾನುವಾರ ಭೇಟಿ ನೀಡಿ ಮಾತನಾಡಿದ ಅವರು, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿಗಳ ಆದಿಯಾಗಿ ಶಾಲೆಗಳ ಪ್ರಾಚಾರ್ಯ, ನಿಲಯ ಮೇಲ್ವಿಚಾರಕರವರೆಗೆ ಎಲ್ಲರೂ ದಿನಸಿ ಸರಬರಾಜು ಮಾಡುವ ಗುತ್ತಿಗೆದಾರರ ಜತೆ ಕೈಜೋಡಿಸಿದ್ದಾರೆ. ಇದರಿಂದಾಗಿ ಕಳಪೆ ದಿನಸಿ ಬಂದು ಹಾಸ್ಟೆಲ್ ಸೇರುತ್ತಿದೆ. ಗುಣಮಟ್ಟದ ದಿನಸಿ ನೀಡಿದರೆ ಉತ್ತಮ ಅಡುಗೆ ಮಾಡಿಕೊಡಲು ಹೊರಗುತ್ತಿಗೆ ನೌಕರರಿಗೆ ಏನು ಕಷ್ಟವಾಗುತ್ತದೆ ? ಗಂಟು ಕಟ್ಟಿದ ಶೇಂಗಾ, ಅಕ್ಕಿ, ಕೊಳೆತ ಬೆಲ್ಲ, ನೀರಿನಿಂದ ಹಾಳಾದ ತೊಗರಿ ಬೇಳೆ ನೀಡಿದರೆ ಹೇಗೆ ಅಡುಗೆ ಮಾಡಲು ಸಾಧ್ಯ? ಇದು ಸಾಲದೆಂಬತೆ ವಸತಿಯುಕ್ತ ಶಾಲೆಗಳಿಗೆ ಅಗತ್ಯ ಸಿಬ್ಬಂದಿ ಒದಗಿಸುತ್ತಿಲ್ಲ ಎಂದು ಕಿಡಿಕಾರಿದರು.
