ಮಕ್ಕಳ ಪ್ರತಿಭೆ ಅನಾವರಣಕ್ಕೆ ಬೇಸಿಗೆ ಶಿಬಿರ

ಯಾದಗಿರಿ: ಮಕ್ಕಳ ಪ್ರತಿಭೆಯನ್ನು ಹೊರ ಹಾಕಲು ಈ ಬೇಸಿಗೆ ಶಿಬಿರ ಪೂರಕವಾಗಲಿದೆ ಎಂದು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಪೃಥ್ವಿಕ್​ ಶಂಕರ್​ ಹೇಳಿದರು.

ಇಲ್ಲಿನ ಜಿಲ್ಲಾ ಪೊಲೀಸ್​ ಭವನದಲ್ಲಿ ಸೋಮವಾರ ಬೆಳಗ್ಗೆ ಹಮ್ಮಿಕೊಂಡ ಬೇಸಿಗೆ ಶಿಬಿರಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಪೊಲೀಸ್​ ಅಧಿಕಾರಿ ಮತ್ತು ಸಿಬ್ಬಂದಿ ಮಕ್ಕಳ ಬೇಸಿಗೆ ರಜೆ ವಿನಾ@ಕಾರಣ ಹಾಳಾಗಬಾರದೆಂಬ ಉದ್ದೇಶದಿಂದ ಜಿಲ್ಲಾ ಪೊಲೀಸ್​ ಇಲಾಖೆಯಿಂದ ಒಂದು ತಿಂಗಳ ಬೇಸಿಗೆ ಶಿಬಿರ ಆಯೋಜಿಸಿದ್ದು, ಇದರಿಂದ ಶಾಲಾ ಮಕ್ಕಳಿಗೆ ಹತ್ತು&ಹಲವು ವೈವಿದ್ಯಮಯವಾದ ಜ್ಞಾನದ ಬುತ್ತಿ ಉಣಬಡಿಸಿದಂತಾಗುತ್ತದೆ ಎಂದರು.

ಹತ್ತು ತಿಂಗಳು ನಿರಂತರವಾಗಿ ಶಾಲೆಗೆ ಹೋಗಿ ಅಲ್ಲಿ ಶಿಕ್ಷಕರು ಹೇಳಿಕೊಟ್ಟ ಪಾಠ ಕಲಿತು ಪರೀಕ್ಷೆ ಬರೆಯುವ ಮೂಲಕ ತಮ್ಮ ಪ್ರತಿಭೆ ಹೊರಹಾಕುವ ಮಕ್ಕಳಲ್ಲಿ ಇನ್ನೂ ಅನೇಕ ತರಹದ ಸೂಪ್ತ ಪ್ರತಿಭೆಗಳಿರುತ್ತದೆ. ಅದನ್ನು ನಾವು ಈ ಶಿಬಿರದ ಮೂಲಕ ಅನಾವರಣಗೊಳಿಸುವ ನಿಟ್ಟಿನಲ್ಲಿ ಸಣ್ಣ ಪ್ರಯತ್ನಕ್ಕೆ ಮುಂದಾಗಿದ್ದೇವೆ ಎಂದು ಹೇಳಿದರು.

ಮಕ್ಕಳ ಮೆದಳು ಬಹಳ ಸೂಕ್ಷ$್ಮ ಮತ್ತು ಅತಿಹೆಚ್ಚು ಗ್ರಹಿಕೆಯುಳ್ಳದಾಗಿರುತ್ತದೆ. ಕಾರಣ ಅವರಿಗೆ ಈ ವಯಸ್ಸಿನಲ್ಲಿ ನಾವು ಏನು ಹೇಳಿಕೊಡುತ್ತೆವೇಯೋ ಮತ್ತು ಕಲಿಸುತ್ತೆವೆಯೋ ಅದನ್ನು ಬೇಗನೆ ಗ್ರಹಿಸಿಕೊಂಡು ಪ್ರತಿಭಾವಂತರಾಗುತ್ತಾರೆ. ಈ ನಿಟ್ಟಿನಲ್ಲಿ ಬೇಸಿಗೆ ಶಾಲಾ ರಜೆಗಳಲ್ಲಿ ಕೂಡ ಮಕ್ಕಳು ಸಾಮಾನ್ಯ ಜ್ಞಾನದ ಜತೆಗೆ ಕಲೆ, ಸಂಗೀತ, ಜಾನಪದ, ನೃತ್ಯ, ಪೇಟಿಂಗ್​, ನಾಟಕ, ಹಾವು ಹಿಡಿಯುವುದು, ಪರಿಸರ ರಕ್ಷಣೆ, ಈಜು, ಭಾಷಣ ಮತ್ತು ಐತಿಹಾಸಿಕ ಪ್ರೇಕ್ಷಣೆ ಸ್ಥಳಗಳ ವೀಕ್ಷಣೆ ಹೀಗೆ ಹತ್ತು ಹಲವು ಕಾರ್ಯಕ್ರಮಗಳನ್ನು ಹಾಕಿಕೊಳ್ಳಲಾಗಿದೆ ಎಂದು ಮಾಹಿತಿ ನೀಡಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ಡಿವೈಎಸ್​ಪಿ ಭರತಕುಮಾರ ತಳವಾರ, ಬೇಸಿಗೆ ರಜಾ ದಿನಗಳು ಹಾಳಾಗಬಾರದೆಂಬ ಉದ್ದೇಶದಿಂದ ಎಸ್​ಪಿ ಸಾಹೇಬರು ವಿನೂತನವಾದ ಶಿಬಿರ ಇಲಾಖೆ ಸಿಬ್ಬಂದಿ ಮಕ್ಕಳಿಗೆ ಏರ್ಪಡಿಸಿದ್ದು, ಇದರಿಂದ ಮಕ್ಕಳಲ್ಲಿ ಜ್ಞಾನವೃದ್ಧಿಯಾಗಿ ಮುಂದೆ ವಿವಿಧ ಕ್ಷೇತ್ರಗಳಲ್ಲಿ ತಮ್ಮ ಪ್ರತಿಭೆ ಮೆರೆಯಲು ಸಾಧ್ಯವಾಗಲಿದೆ ಎಂದರು.

ಏ.6ರಿಂದ ಆರಂಭವಾದ ಈ ಶಿಬಿರ ಮೇ 2ರವರೆಗೆ ನಡೆಯಲಿದೆ. ಮೇ 3 ಮತ್ತು 4ರಂದು ವಿವಿಧ ಸ್ಪರ್ಧೆಗಳು, ಮೇ 5ರಂದು ಶಿಬಿರದ ಸಮಾರೋಪ ನಡೆಯಲಿದೆ. ಪೊಲೀಸ್​ ಅಧಿಕಾರಿಗಳಾದ ಭೀಮಾಶಂಕರ, ರಮೇಶ ಕಾಂಬಳೆ, ಶ್ರೀದೇವಿ ಬಿರಾದಾರ, ಲಕ್ಷ$್ಮಪ್ಪ ಚವ್ಹಾಣ್​ ಇತರರಿದ್ದರು.

ಈ ಶಿಬಿರದಲ್ಲಿ ಜಾನಪದ ಹಾಡುಗಳ ಪರಿಚಯ, ಆಹಾರ, ಮಕ್ಕಳ ಆಹಾರ ದಿನಚರಿ, ಪೇಟಿಂಗ್​, ವೇದಿಕೆಯಲ್ಲಿ ಮಾತನಾಡುವುದು, ಹತ್ತಿಕುಣಿ ಜಲಾಶಯಕ್ಕೆ ಭೇಟಿ, ದೈಹಿಕ, ಮಾನಸಿಕ ಆರೋಗ್ಯ, ಕಲಿಕೆ, ಆಸಕ್ತಿ, ಏಕಾಗ್ರತೆ, ಟಿವಿ ಮೊಬೈಲ್​ನಿಂದ ಅನುಕೂಲ ಮತ್ತು ಅನಾನುಕೂಲ, ನೃತ್ಯ, ಸಂಗೀತ, ಸಮಯ ನಿರ್ವಹಣೆ, ಎಡಿಪಿ ಸಂಸ್ಥೆಯಿಂದ ಆರೋಗ್ಯ ಚಟುವಟಿಕೆ ಆಧಾರಿತ ಕಾರ್ಯಕ್ರಮ ಸೇರಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.