ಚಿಂಚೋಳಿ: ಭೂಮಾತೆಯ ಒಡಲು ಬೆಂಕಿ ಚೆಂಡಿನಂತಾಗುತ್ತಿದ್ದು, ಭೂಮಿಯ ತಾಪಮಾನ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬರೂ ಸಸಿಗಳನ್ನು ನೆಟ್ಟು ಸಸ್ಯ ಸಂಪತ್ತು ಹೆಚ್ಚಿಸುವ ಕೆಲಸ ಮಾಡಬೇಕಿದೆ ಎಂದು ಪರಿಸರವಾದಿ ಶೈಲೇಂದ್ರ ಕಾವಡಿ ಹೇಳಿದರು. ಐನಾಪುರದ ವಿಶ್ವ ಜ್ಞಾನವಾಹಿನಿ ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯಲ್ಲಿ ಬೀದರ್ನ ಪರಿಸರ ವಾಹಿನಿಯಿಂದ ಭಾನುವಾರ ಹಮ್ಮಿಕೊಂಡಿದ್ದ ಪರಿಸರ ಸಂರಕ್ಷಣೆ ಜನಜಾಗೃತಿ ಕಾರ್ಯಕ್ರಮ ಹಾಗೂ ಏಕ್ ಪೆಡ್ ಮಾ ಕೆ ನಾಮ್ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿ, ಐನಾಪುರ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸರ್ಕಾರ ಹಾಗೂ ಅರಣ್ಯ ಇಲಾಖೆಯ ಸಹಕಾರದೊಂದಿಗೆ ಹೆಚ್ಚು ಸಸಿಗಳನ್ನು ನೆಟ್ಟು ಪೋಷಣೆ ಮಾಡಬೇಕು. ಈ ಮೂಲಕ ಹಸಿರು ವಾತಾವರಣ ನಿರ್ಮಿಸಬೇಕು ಎಂದು ಕರೆ ನೀಡಿದರು. ರಾಂಪುರ&ಮುದನಾಳ ಮಠದ ಶ್ರೀ ಮುರುಗರಾಜೇಂದ್ರ ದೇವರು, ಕಸಾಪ ಚಿಮ್ಮನಚೋಡ ವಲಯ ಅಧ್ಯಕ್ಷ ವೀರಶೆಟ್ಟಿ ಹಳ್ಳಿ, ಪ್ರಮುಖರಾದ ಶ್ರೀಶೈಲ ಎಂ.ಶಾಸಿ, ಭೂಮಿಕಾ, ಭದ್ರಪ್ಪ ಸಲಗರ್, ರಮೇಶ ನನ್ನೂರ, ಗೌಸ್ ವಾಜಿದ್, ಸೋಮನಾಥ, ಮಹಾನಂದ ಸೋನಾರ ಇತರರಿದ್ದರು.
