ಅಧ್ಯಕ್ಷರಾಗಿ ಸಿದ್ದಲಿಂಗಯ್ಯ ವಿ. ಮಠಪತಿ ಅವಿರೋಧವಾಗಿ ಆಯ್ಕೆ

ಕಲಬುರಗಿ: ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಪತ್ತಿನ ಸಹಕಾರ ಸಂಘ ನಿ. ಕಲಬುರಗಿ ಇದರ 2026 ರಿಂದ‌ ಮುಂದಿನ ಐದು ವರ್ಷದ ಅವಧಿಯ ಆಡಳಿತ ಮಂಡಳಿಯ ಅಧ್ಯಕ್ಷರಾಗಿ ಕರ್ನಾಟಕ ಸರ್ಕಾರಿ ವಿಮಾ ಇಲಾಖೆಯ( ಕೆ.ಜಿ.ಐ.ಡಿ) ಸಿದ್ದಲಿಂಗಯ್ಯ ವಿ .ಮಠಪತಿ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ..

ಮಂಗಳವಾರ ಇಲ್ಲಿನ ರಾಜ್ಯ ಸರ್ಕಾರಿ ನೌಕರರ ಸಂಘದ ಕಚೇರಿಯಲ್ಲಿ ಜರುಗಿದ‌ ಸಂಘದ ಆಡಳಿತ ಮಂಡಳಿ ನಿರ್ದೇಶಕರ ಸಭೆಯಲ್ಲಿ ಸಿದ್ದಲಿಂಗಯ್ಯ ವಿ. ಮಠಪತಿ ಅವರನ್ನು ಅಧ್ಯಕ್ಷರನ್ನಾಗಿ ಮತ್ತು ಮರೆಪ್ಪ ಹಾವೇರಿ ಅವರನ್ನು ಅವಿರೋಧವಾಗಿ ಉಪಾಧ್ಯಕ್ಷರನ್ನಾಗಿ ಮಾಡುವ ನಿರ್ಣಯ ಕೈಗೊಂಡಿದೆ.

ಸಿದ್ದಲಿಂಗಯ್ಯ ಮಠಪತಿ ಅವರು ನೂತನ ಅಧ್ಯಕ್ಷರಾಗಿ ಆಗುತ್ತಿದ್ದಂತೆ ಸಂಘದ ಕಳೆದ‌ ಎರಡು ಅವಧಿಗೆ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದ ಹಣಮಂತ್ರಾಯ ಗೊಳಸಾರ್, ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಣ ಸಿ.ಎಸ್.ಷಡಕ್ಷರಿ, ಜಿಲ್ಲಾಧ್ಯಕ್ಷ ಬಸವರಾಜ ಬಳೂಂಡಗಿ, ನಿಕಟಪೂರ್ವ ಜಿಲ್ಲಾಧ್ಯಕ್ಷ ರಾಜು ಲೇಂಗಟಿ, ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಗೃಹ ನಿರ್ಮಾಣ ಸಹಕಾರ ಸಂಘದ ಜಿಲ್ಲಾಧ್ಯಕ್ಷ ಅರುಣಕುಮಾರ ಪಾಟೀಲ ಸೇರಿದಂತೆ ನೌಕರರ ಸಂಘದ ಅನೇಕ ಪದಾಧಿಕಾರಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ‌.

ಇದಕ್ಕು ಮುನ್ನ ನಡೆದ ಆಡಳಿತ ಮಂಡಳಿ ನೂತನ ನಿರ್ದೇಶಕರ ಆಯ್ಕೆ ಪ್ರಕ್ರಿಯೆ ಚುನಾವಣೆಯಲ್ಲಿ ಕಲಬುರಗಿ ತಾಲೂಕು ಮಟ್ಟದ ಈ‌ ಸಂಘಕ್ಕೆ ಸಾಮಾನ್ಯ ಕ್ಷೇತ್ರದಿಂದ ಸಿದ್ದಲಿಂಗಯ್ಯ ವಿ. ಮಠಪತಿ, ವೀರೇಂದ್ರಕುಮಾರ ಸಿದ್ರಾಮಪ್ಪ, ಖಲೀಲ್ ಅಹ್ಮದ ಕೆ. ಭಾಗೋಡಿ, ಬಸವರಾಜ ಅಂಬಾರಾಯ ಹತ್ತಿ, ಸುನೀಲಕುಮಾರ ಹಾಲ್ವಿ, ಶರಣಬಸಪ್ಪ‌ ಎ.ಚಿಂಚನಸೂರು, ಅಂಕುಶ್ ಆರ್. ದಂಡಿ, ಬಸಪ್ಪ ಭೀಮಣ್ಣ ನೆಲೋಗಿ, ಶರಣಪ್ಪ‌ ಮಹಾದೇವಪ್ಪ ನಂದರ್ಗಿ, ಮಹಿಳಾ ಕ್ಷೇತ್ರದಿಂದ ಸುನಂದಾ ಎಸ್. ಪಾಟೀಲ ಮತ್ತು ವೆಂಕಮ್ಮ ಎಮ್. ಹಾವೇರಿ, ಹಿಂದುಳಿದ ವರ್ಗ 'ಅ' ಕ್ಷೇತ್ರದಿಂದ ಶರಣಪ್ರಕಾಶ ರಾಮಣ್ಣ, ಹಿಂದುಳಿದ ವರ್ಗ 'ಬ' ಕ್ಷೇತ್ರದಿಂದ ಬಸವರಾಜ ಜಿ. ವಾಲಿ, ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರದಿಂದ ರವೀಂದ್ರ ಎನ್. ಹಳೆಪೇಟ್ ಹಾಗೂ ಪರಿಶಿಷ್ಟ ಪಂಗಡ ಮೀಸಲು ಕ್ಷೇತ್ರದಿಂದ ಮರೆಪ್ಪ ಹಾವೇರಿ ಹೀಗೆ ಒಟ್ಟು 15 ನಿರ್ದೇಶಕರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಸಂಘದ ರಿಟರ್ನಿಂಗ್ ಅಧಿಕಾರಿ ಬಸವರಾಜ ಪುಲಾರಿ ಘೋಷಿಸಿದ್ದರು. ಸಂಘದ ಕಾರ್ಯದರ್ಶಿ ಶಶಿಧರ‌ ಆರ್.

‌ಶಿವಗೊಂಡ ಈ ಸಂದರ್ಭದಲ್ಲಿ ಹಾಜರಿದ್ದರು.