ಸವದತ್ತಿ ಗ್ರಾಮದೇವತೆ ಜಾತ್ರೆ ಸಂಭ್ರಮ

ನಗರದ ಐತಿಹಾಸಿಕ ಗ್ರಾಮದೇವತೆಯರಾದ ದ್ಯಾಮವ್ವ&ದುರ್ಗವ್ವ ಜಾತ್ರಾ ಮಹೋತ್ಸವ ಸುಮಾರು 45 ವರ್ಷಗಳ ಬಳಿಕ ಮೇ 4ರಿಂದ ಅದ್ದೂರಿಯಾಗಿ ಆರಂಭವಾಗಲಿದ್ದು, ಎಲ್ಲೆಡೆ ಸಂಭ್ರಮ ಮನೆಮಾಡಿದೆ. ಪೂಜ್ಯರ ಮಾರ್ಗದರ್ಶನ ಹಾಗೂ ಎಲ್ಲ ಸಮುದಾಯ, ರೈತರು ಮತ್ತು ಭಕ್ತರ ಸಹಕಾರದೊಂದಿಗೆ ಜಾತ್ರೆ ರೂಪುಗೊಂಡಿದ್ದು, ಸಹಸ್ರಾರು ಭಕ್ತರು ಪಾಲ್ಗೊಳ್ಳುವ ನಿರೀೆಯಿದೆ.

ಮೇ 4ರಂದು ಬೆಳಗ್ಗೆ 5.30ಕ್ಕೆ ಗ್ರಾಮದೇವಿಯರ ಪುರಪ್ರವೇಶ ನಡೆಯಲಿದೆ. 6 ಗಂಟೆಗೆ ಸ್ಥಳಿಯ ಎಪಿಎಂಸಿ ಬಳಿ ಕುಂಭ, ವಾದ್ಯ ಹಾಗೂ ವಿವಿಧ ಪೂಜಾ ವಿಧಾನ-ಗಳೊಂದಿಗೆ ದೇವಿಯರನ್ನು ಸ್ವಾಗತಿಸಲಾಗುವುದು. ದೇವಿಯರನ್ನು ಆನಿ ಅಗಸಿ ಮಾರ್ಗವಾಗಿ ಮೊಕಾಶಿ ಓಣಿಯ ತವರು ಮನೆಗೆ ಕರೆತರಲಾಗುತ್ತದೆ. ಬಳಿಕ ಬಂಡಿ ಓಣಿ, ಗಾಂಧಿ-ಚೌಕ್​ ಮಾರ್ಗವಾಗಿ ಕೋಟೆಯ ಶ್ರೀ ಕಾಡಸಿದ್ಧೇಶ್ವರ ದೇವಸ್ಥಾನಕ್ಕೆ ತೆರಳಿ ಸಾಂಪ್ರದಾಯಿಕ ಮಾಂಗಲ್ಯಧಾರಣ ನೆರವೇರಿಸಲಾಗುತ್ತದೆ. ದೇವಿಯರ ಮೆರವಣಿಗೆ ಪ್ರಭುನವರ ಓಣಿ ಮೂಲಕ ಕಟ್ಟಿ ಓಣಿಯ ಜಾತ್ರಾ ಕಟ್ಟೆಗೆ ಆಗಮಿಸಿ, ಪ್ರತಿಷ್ಠಾಪನೆ ನಡೆಯಲಿದೆ. ಅಲ್ಲಿಂದ ಒಂಬತ್ತು ದಿನ ಜಾತ್ರಾ ಮಹೋತ್ಸವ ನಡೆಯಲಿವೆ.

ಜಾತ್ರೋತ್ಸವ ಉದ್ಘಾಟನೆ: ಸಂಜೆ 4 ಗಂಟೆಗೆ ಜಾತ್ರಾ ಮಹೋತ್ಸವದ ಉದ್ಘಾಟನೆ ಸಮಾರಂಭ ನಡೆಯಲಿದೆ. ನಯಾನಗರ ಸುಖದೇವಾನಂದ ಆಶ್ರಮದ ಸಿದ್ಧಲಿಂಗ ಸ್ವಾಮೀಜಿ, ಜಗದ್ಗುರು ಡಾ.ಪುರುಷೋತ್ತಮಾನಂದಪುರಿ ಸ್ವಾಮೀಜಿ ಸಾನ್ನಿಧ್ಯ ವಹಿಸುವರು. ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ ಜಾರಕಿಹೊಳಿ ಉದ್ಘಾಟಿಸುವರು. ಕಾರ್ಮಿಕ ಸಚಿವ ಸಂತೋಷ ಲಾಡ್​ ಮುಖ್ಯ ಅತಿಥಿಯಾಗಿ ಆಗಮಿಸಲಿದ್ದಾರೆ. ಜಾತ್ರಾ ಕಮಿಟಿ ಗೌರವಾಧ್ಯ, ಶಾಸಕ ವಿಶ್ವಾಸ ವೈದ್ಯ ಗೌರವಾಧ್ಯತೆ ವಹಿಸುವರು. ಜಾತ್ರಾ ಕಮಿಟಿ ಅಧ್ಯ ವಿರೂಪಾ ಮಾಮನಿ ಅಧ್ಯತೆ ವಹಿಸವರು. ಶಾಸಕರಾದ ಮಹಾಂತೇಶ ಕೌಜಲಗಿ, ಎನ್​.ಎಚ್​.ಕೋನರಡ್ಡಿ, ಬಾಬಾಸಾಹೇಬ ಪಾಟೀಲ ಸೇರಿದಂತೆ ಅನೇಕ ಗಣ್ಯರು ಪಾಲ್ಗೊಳ್ಳಲಿದ್ದಾರೆ.

ಧಾರ್ಮಿಕ ಸಭೆ, ಪ್ರವಚನ: ಸಂಜೆ 7 ಗಂಟೆಗೆ ಧರ್ಮಸಭೆ ಹಾಗೂ ಪ್ರವಚನ ಕಾರ್ಯಕ್ರಮ ನಡೆಯಲಿದೆ. ಅದೃಶ್ಯ ಕಾಡಸಿದ್ಧೇಶ್ವರ ಸ್ವಾಮೀಜಿ, ಮುರುಂದ್ರ ಸ್ವಾಮೀಜಿ ಸಾನ್ನಿಧ್ಯ ವಹಿಸುವರು. ಮಲ್ಲಿಕಾರ್ಜುನ ಶಿವಾಚಾರ್ಯರು ಪ್ರವಚನ ನೀಡುವರು. ಶಾಸಕರಾದ ಬಾಲಚಂದ್ರ ಜಾರಕಿಹೊಳಿ, ಭರಮಗೌಡ ಕಾಗೆ, ಗಣೇಶ ಹುಕ್ಕೇರಿ, ಬಿಡಿಸಿಸಿ ಬ್ಯಾಂಕ್​ ಅಧ್ಯಕ್ಷ ಅಣ್ಣಾಸಾಹೇಬ ಜೊಲ್ಲೆ, ರಾಹುಲ ಜಾರಕಿಹೊಳಿ ಸೇರಿ ವಿವಿಧ ಗಣ್ಯರು ಪಾಲ್ಗೊಳ್ಳಲಿದ್ದಾರೆ.

ಸಾಂಸತಿಕ ವೈಭವ: ರಾತ್ರಿ 9 ಗಂಟೆಗೆ ಕಲಾ ಸುಜಯ ಸಂಸ್ಥೆ ಹುಬ್ಬಳ್ಳಿ ವತಿಯಿಂದ ಸನಾತನ ನೃತ್ಯ ರೂಪಕ ಸಾಂಸತಿಕ ಕಾರ್ಯಕ್ರಮ ನಡೆಯಲಿದೆ.