ಕಲಾ ಸ್ಪರ್ಧೆಗೆ ಸಗರನಾಡಿನ ಶಿಲ್ಪಕಲೆ ಆಯ್ಕೆ

ಶಹಾಪುರ: ತೆಲಂಗಾಣ ರಾಜ್ಯ ಆರ್ಟ್​ ಗ್ಯಾಲರಿ ನಡೆಸಿದ ಅಖಿಲ ಭಾರತ ಕಲಾ ಸ್ಪರ್ಧೆ ಮತ್ತು ಪ್ರದರ್ಶನ 2026&27ನೇ ಸಾಲಿನ ಪ್ರಶಸ್ತಿಗೆ ನಗರದ ಶಿಲ್ಪ ಮತ್ತು ಚಿತ್ರಕಲಾವಿದ ಪ್ರಶಾಂತ ಜಿ.ಗುಮಳಾಪುರ ಮಠ ಭಾಜನರಾಗಿದ್ದಾರೆ. ತೆಲಂಗಾಣ ರಾಜ್ಯ 7ನೇ ಆವೃತ್ತಿಗೆ ಕಲಾವಿದರಿಂದ ಅರ್ಜಿ ಆಹ್ವಾನಿಸಿದಾಗ ಕಲಾವಿದ ಪ್ರಶಾಂತ, ತಮ್ಮ ವಿನೂತನ ಶಿಲ್ಪಕಲೆಯ ಮಾದರಿಯನ್ನು ಸ್ಪರ್ಧೆ ಮತ್ತು ಪ್ರದರ್ಶನಕ್ಕೆ ಕಳುಹಿಸಿದ್ದರು. ಮೆಚ್ಚುಗೆ ಪಡೆದ ಇವರ ಶಿಲ್ಪಕಲೆ ಪ್ರಶಸ್ತಿಗೆ ಆಯ್ಕೆಯಾಗಿದೆ. 20 ಸಾವಿರ ರೂ.ನಗದು ಸೇರಿ ಪ್ರಶಸ್ತಿ ಪ್ರಮಾಣ ಪತ್ರ ನೀಡಿ ಗೌರವಿಸಲಾಗುವುದು

ಎಂದು ಆರ್ಟ್​ ಗ್ಯಾಲರಿ ಪ್ರಮುಖರು ತಿಳಿಸಿದ್ದಾರೆ.ಕಲಾವಿದ ಪ್ರಶಾಂತ ಅವರು ಕಲೆಯಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿ, ಈಗಾಗಲೇ ರಾಜ್ಯ ಮತ್ತು ನೆರೆ ರಾಜ್ಯಗಳಲ್ಲಿ ಚಿತ್ರಕಲಾ ಮತ್ತು ಶಿಲ್ಪಕಲಾ ಶಿಬಿರಗಳು, ಏಕವ್ಯಕ್ತಿ ಕಲಾ ಪ್ರದರ್ಶನ, ಗುಂಪು ಪ್ರದರ್ಶನಗಳನ್ನು ನೀಡುವ ಮೂಲಕ ಸಗರನಾಡಿಗೆ ರಾಜ್ಯ ಮತ್ತು ಅಂತರಾಜ್ಯ ಮಟ್ಟದಲ್ಲಿ ಕೀರ್ತಿ ಹೆಚ್ಚಿಸಿದ್ದಾರೆ. ಅನೇಕ ವರ್ಷಗಳಿಂದ ಚಿತ್ರಕಲೆಯನ್ನು ರೂಢಿಸಿಕೊಂಡಿದ್ದ ಪ್ರಶಾಂತ ಇತ್ತಿಚೆಗೆ ಆಧುನಿಕ ಶಿಲ್ಪಕಲೆಯನ್ನು ಕರಗತ ಮಾಡಿಕೊಂಡು ಕಲ್ಲಲ್ಲಿ ಕಲೆಯನ್ನು ಅರಳಿಸಿ ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಯಲ್ಲಿ ಆಯ್ಕೆಯಾಗಿ ಪ್ರಶಸ್ತಿಗೆ ಭಾಜನರಾಗಿರಾಗಿದ್ದಾರೆ.

"

ಆಧುನಿಕ ಶಿಲ್ಪಕಲೆಯಲ್ಲಿ ಹಲವಾರು ಕೃತಿಗಳನ್ನು ರಚಿಸಿದ್ದು, ಕೆಲ ಕೃತಿಗಳು ಈಗಾಗಲೇ ವಿಶೇಷ ಶಿಬಿರಗಳಲ್ಲಿ ಪ್ರದರ್ಶನಗೊಂಡಿವೆ. ಸದ್ಯ ತೆಲಂಗಾಣ ರಾಜ್ಯ ನಡೆಸಿದ ಅಂತಾರಾಷ್ಟ್ರೀಯ ಸ್ಪರ್ಧೆ ಮತ್ತು ಪ್ರದರ್ಶನದಲ್ಲಿ ನನ್ನ ಶಿಲ್ಪಕಲಾಕೃತಿ ಪ್ರಶಸ್ತಿಗೆ ಆಯ್ಕೆಗೊಂಡಿದ್ದು ಸಂತಸ ತಂದಿದೆ.

— > ಪ್ರಶಾಂತ ಗುಮಳಾಪುರ ಮಠ ಶಿಲ್ಪ ಮತ್ತು ಚಿತ್ರ ಕಲಾವಿದ ಶಹಾಪುರ