ಕಲಬುರಗಿ-ಬೆಂಗಳೂರು ವಿಮಾನ ಪುನರಾರಂಭ

ಕಲಬುರಗಿ: ಬೆಂಗಳೂರು-ಕಲಬುರಗಿ ಮಧ್ಯೆ ಸ್ಟಾರ್​ಏರ್​ ಸಂಸ್ಥೆಯಿಂದ ವಿಮಾನಯಾನ ಸೇವೆ ಬುಧವಾರ ಪುನರಾರಂಭವಾಗಿದ್ದು, ಕಲ್ಯಾಣ ಕರ್ನಾಟಕ ಪ್ರದೇಶಾಭಿವೃದ್ಧಿ ಮಂಡಳಿಯು ಲೋಹದ ಹಕ್ಕಿ ಹಾರಾಟಕ್ಕೆ ಆರ್ಥಿಕ ನೆರವು ನೀಡಿದೆ.

ಕಲಬುರಗಿ ವಿಮಾನ ನಿಲ್ದಾಣದಲ್ಲಿ ಬುಧವಾರ ನಡೆದ ಸರಳ ಕಾರ್ಯಕ್ರಮದಲ್ಲಿ ಶಾಸಕರಾದ ಕನೀಜ್​ ಫಾತಿಮಾ, ಎಂ.ವೈ.ಪಾಟೀಲ್​ ಸಾಂಕೇತಿಕವಾಗಿ ಸ್ಟಾರ್​ ಏರ್​ ವಿಮಾನ ಸಂಚಾರಕ್ಕೆ ಕೇಕ್​ ಕತ್ತರಿಸಿ, ಮೊದಲ ದಿನದ ಟ್ರಿಪ್​ನಲ್ಲಿ ಪ್ರಯಾಣ ಮಾಡಿದ ಕೆಕೆಸಿಸಿಐ ಅಧ್ಯ ಶರಣಬಸಪ್ಪ ಪಪ್ಪಾ ಕುಟುಂಬದ ಸದ್ಯಸರಿಗೆ ಪ್ರಯಾಣದ ಟಿಕೆಟ್​ ವಿತರಿಸಿ ಚಾಲನೆ ನೀಡಿದರು.

76 ಆಸನದ ಸ್ಟಾರ್​ಏರ್​ ವಿಮಾನವೂ ಬುಧವಾರ ಬೆಳಗ್ಗೆ 6.30ಕ್ಕೆ ಬೆಂಗಳೂರಿನಿಂದ 74 ಪ್ರಯಾಣಿಕರನ್ನು ಹೊತ್ತು, 7.40ಕ್ಕೆ ಕಲಬುರಗಿ ನಿಲ್ದಾಣಕ್ಕೆ ಬಂದಿಳಿತು. ಕಲಬುರಗಿಯಿಂದ 117 ಸಂಖ್ಯೆಯ ಸ್ಟಾರ್​ ಏರ್​ ವಿಮಾನ ಬೆಳಗ್ಗೆ 8.10ಕ್ಕೆ 50 ಜನರನ್ನು ಹೊತ್ತು ಬೆಂಗಳೂರಿಗೆ ಹಾರಿತು.

ಕಲಬುರಗಿಯಲ್ಲಿ ಸ್ಟಾರ್​ ಏರ್​ ಸಂಸ್ಥೆಯ ಏರ್​ಪೋರ್ಟ್​ ಮುಖ್ಯಸ್ಥ ಸಿ.ಎ.ಬೋಪಣ್ಣ ಮಾತನಾಡಿ, ಕಲಬುರಗಿ&ಬೆಂಗಳೂರು ಮಧ್ಯೆ ವಿಮಾನಯಾನಕ್ಕೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ಸಿಕ್ಕಿದೆ. ಮೊದಲ ದಿನವೇ ಬೆಂಗಳೂರಿನಿಂದ ಶೇ.90 ಮತ್ತು ಕಲಬುರಗಿಯಿಂದ ಶೇ.65 ಟಿಕೆಟ್​ ಬುಕ್​ ಆಗಿವೆ. 76 ಮತ್ತು 88 ಆಸನ ಸಾಮರ್ಥ್ಯದ ಫಾಸ್ಟೆಸ್ಟ್​ ಪ್ರಯಾಣಿಕ ಸ್ನೇಹಿ ವಿಮಾನಗಳು ಸಂಚರಿಸಲಿವೆ ಎಂದರು.

ಪ್ರಸ್ತುತ ನಮ್ಮ ಸಂಸ್ಥೆಯಲ್ಲಿ 9 ವಿಮಾನಗಳಿದ್ದು, ಆಗಸ್ಟ್​ ಒಳಗೆ ಇನ್ನೆರಡು ವಿಮಾನ ಬರಲಿವೆ. ಕಲಬುರಗಿ&ಮುಂಬೈ ಮಧ್ಯೆ ವಿಮಾನಕ್ಕೆ ಬೇಡಿಕೆ ಇದ್ದು, ಮದ್ಯಪ್ರಾಚ್ಯದಲ್ಲಿ ಯುದ್ಧದ ಕಾರಣ ತೈಲ ಬೆಲೆ ಹೆಚ್ಚಳವಾಗಿದೆ. ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದಲ್ಲಿ ಮುಂದೆ ಸೇವೆ ಆರಂಭಕ್ಕೆ ಯೋಚಿಸಲಾಗುವುದು ಎಂದರು.

ಜಿಲ್ಲಾಧಿಕಾರಿ ಇಕ್ರಮ್​ ಶರೀಫ್​ ಮಾತನಾಡಿದರು. ನಗರ ಪೊಲೀಸ್​ ಆಯುಕ್ತ ಡಾ.ಎಸ್​.ಡಿ.ಶರಣಪ್ಪ, ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಅಡ್ಡೂರು ಶ್ರೀನಿವಾಸುಲು, ವಿಮಾನ ನಿಲ್ದಾಣದ ನಿರ್ದೇಶಕ ಕಿಶೋರ ಕಿಲ್ಲಂಪಲ್ಲಿ, ತಹಸೀಲ್ದಾರ್​ ಆನಂದಶೀಲ, ಸ್ಟಾರ್​ ಏರ್​ ಸಂಸ್ಥೆಯ ದಣ ಭಾರತದ ಸೇಲ್ಸ್​ ಮ್ಯಾನೇಜರ್​ ಅಹ್ಮದ್​ ಸೊಹೇಲ್​, ಏರ್​ಪೋರ್ಟ್​ ಎಜಿಎಂ ಕಿರಣ ಎಸ್​.ಟಿ, ಕೆಕೆಸಿಸಿಐ ಕಾರ್ಯದರ್ಶಿ ಶಿವರಾಜ ಇಂಗಿನಶೆಟ್ಟಿ ಇತರರಿದ್ದರು.

ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬೆಂಗಳೂರು&ಕಲಬುರಗಿ ಮಧ್ಯೆ ಸ್ಟಾರ್​ ಏರ್​ ಹಾರಾಟಕ್ಕೆ ಕೇಕ್​ ಕತ್ತರಿಸುವ ಮೂಲಕ ಕೆಕೆಆರ್​ಡಿಬಿ ಅಧ್ಯ ಡಾ.ಅಜಯ್​ಸಿಂಗ್​ ಚಾಲನೆ ನೀಡಿದರು. ಬಳಿಕ ಮಾತನಾಡಿದ ಅವರು, ಹಲವು ತಿಂಗಳಿನಿಂದ ಕಲಬುರಗಿ, ಬೀದರ್​ಗೆ ಬೆಂಗಳೂರಿನಿಂದ ವಿಮಾನ ಸೇವೆ ಸ್ಥಗಿತಗೊಂಡಿತ್ತು. ಮಾರ್ಚ್​ನಲ್ಲಿ ಕಲ್ಯಾಣ ಕರ್ನಾಟಕ ಭಾಗದ ಸಚಿವರೆಲ್ಲರೂ ಸಭೆ ನಡೆಸಿ ಮತ್ತೆ ಬೆಂಗಳೂರು&ಕಲಬುರಗಿ, ಬೆಂಗಳೂರು&ಬೀದರ್​ ಮಧ್ಯೆ ವಿಮಾನ ಸೇವೆ ಪ್ರಾರಂಭಿಸಲು ನಿರ್ಧರಿಸಿದ್ದರು. ಇದಕ್ಕೆ 28.44 ಕೋಟಿ ರೂ. ತಗುಲಬಹುದೆಂದು ಅಂದಾಜಿಸಿತ್ತು. ಮಂಡಳಿ ಶೇ.80 ಅಂದರೆ ತಲಾ 22.76 ಕೋಟಿ ರೂ. ನೆರವು ನೀಡಿದ್ದು, ಉಳಿದ ಶೇ.20 ಮೊತ್ತ ಮೂಲಸೌಕರ್ಯ ಅಭಿವೃದ್ಧಿ ಇಲಾಖೆ ಭರಿಸಲಿದೆ ಎಂದು ತಿಳಿಸಿದ್ದಾರೆ.

"

ಹಲವು ತಿಂಗಳಿಂದ ಸ್ಥಗಿತವಾಗಿದ್ದ ವಿಮಾನ ಸೇವೆಯನ್ನು ರಾಜ್ಯ ಸರ್ಕಾರ ಮತ್ತು ಕೆಕೆಆರ್​ಡಿಬಿ ನೆರವಿನೊಂದಿಗೆ ಮರು ಆರಂಭವಾಗುತ್ತಿದೆ. ಮಂಡಳಿಯು ಆರ್ಥಿಕ ಸಹಾಯ ನೀಡಿದೆ. ಪ್ರವಾಸೋದ್ಯಮ, ಹೂಡಿಕೆಗೆ ಸಹಕಾರಿ ಆಗಿದೆ.

— ಇಕ್ರಮ್​ ಶರೀಫ್​, ಜಿಲ್ಲಾಧಿಕಾರಿ