ಸಂತ್ರಸ್ತರಿಗೆ ನಿಯಮಾನುಸಾರ ಪರಿಹಾರ ನೀಡಿ

ಚಿಂಚೋಳಿ: ತುಮಕುಂಟಾ ಗ್ರಾಮದಲ್ಲಿ ಶನಿವಾರ ಸಂಜೆ ಸುರಿದ ಭೀಕರ ಗಾಳಿ-ಮಳೆಯಿಂದ ಹಾನಿಗೊಳಗಾದ ಪ್ರದೇಶಕ್ಕೆ ಶಾಸಕ ಡಾ.ಅವಿನಾಶ ಜಾಧವ್​ ಭಾನುವಾರ ಭೇಟಿ ನೀಡಿ ಹಾನಿ ಪರಿಶೀಲಿಸಿದರು.

ಬಳಿಕ ಮಾತನಾಡಿ, ನಿಮ್ಮೊಂದಿಗೆ ತಾಲೂಕು ಆಡಳಿತವಿದೆ. ಯಾವುದಕ್ಕೂ ಭಯಪಡಬೇಡಿ. ಗಾಳಿ-ಮಳೆಯಿಂದ ಹಾನಿ ಸಂಭವಿಸಿದ ಸಂತ್ರಸ್ತರಿಗೆ ಸೂಕ್ತ ಪರಿಹಾರ ಕೊಡಲಾಗುವುದು. ವಿವಿಧ ಅಧಿಕಾರಿಗಳೊಂದಿಗೆ ಚರ್ಚಿಸಿ ನಿಯಮಾನುಸಾರ ಪರಿಹಾರ ಹಾಗೂ ನೆರವು ನೀಡಲು ಕ್ರಮಕೈಗೊಳ್ಳಿ ಎಂದು ತಹಸೀಲ್ದಾರ್​ಗೆ ಸೂಚನೆ ನೀಡಿದರು.

ಕೈವೈಡಿಸಿಸಿ ಬ್ಯಾಂಕ್​ ನಿರ್ದೇಶಕ ಗೌತಮ ಪಾಟೀಲ್​, ತಹಸೀಲ್ದಾರ್​ ಸುಬ್ಬಣ್ಣ ಜಮಖಂಡಿ, ತಾಪಂ ಇಒ ಸಂತೋಷಕುಮಾರ ಚವ್ಹಾಣ್​, ಪ್ರಮುಖರಾದ ಮಹ್ಮದ್​ ಆರೀಫ್​, ಶರಣಪ್ಪ ತಳವಾರ, ಗೋಪಾಲರಾವ ಕಟ್ಟಿಮನಿ, ಸತೀಶರೆಡ್ಡಿ, ವಿಠ್ಠಲರೆಡ್ಡಿ, ವಿಜಯಕುಮಾರ ಚೆಂಗಟಾ, ರಾಜಕುಮಾರ ನಿಪ್ಪಾಣಿ, ಸಂಗಮನಾಥ ರೆಡ್ಡಿ, ಕೆ.ಎಂ.ಬಾರಿ, ಚಂದ್ರಶೇಖರ ಗುತ್ತೇದಾರ್​, ಚನ್ನಪ್ಪ ದುಮಣಿ, ಅಂಬರೀಶ ಗೋಣಿ, ನಾಗರಾಜ ಅರೆಜಂಬಗ, ಗುರು ಪಾಟೀಲ್​ ಮೋತಕಪಳ್ಳಿ ಇತರರಿದ್ದರು.