ಸುರಪುರ ನಗರಕ್ಕೆ ಮೂಲಭೂತ ಸೌಲಭ್ಯ ಕಲ್ಪಿಸಿ

ಸುರಪುರ: ನಗರದ ರಸ್ತೆ, ತಗ್ಗು-ಗುಂಡಿ, ನೈರ್ಮಲ್ಯ, ಚರಂಡಿ ನಿರ್ಮಾಣ ಸೇರಿ ನಗರದಲ್ಲಿ ಮೂಲಭೂತ ಸೌಕರ್ಯ ಕಲ್ಪಿಸಬೇಕೆಂದು ಆಗ್ರಹಿಸಿ ಭಾರತೀಯ ದಲಿತ ಪ್ಯಾಂಥರ್​ ಕಾರ್ಯಕರ್ತರು ಶುಕ್ರವಾರ ನಗರಸಭೆ ಅಧಿಕಾರಿಗೆ ಮನವಿಪತ್ರ ಸಲ್ಲಿಸಿದರು.

ನಂತರ ಪ್ಯಾಂಥರ್​ನ ಸಂಟನಾ ಕಾರ್ಯದರ್ಶಿ ಆದಪ್ಪ ಹೊಸ್ಮನಿ ಮಾತನಾಡಿ, ಇಲ್ಲಿನ ನಗರಸಭೆ ಕಚೇರಿ ಮುಂಭಾಗದ ರಸ್ತೆ, ರಂಗಂಪೇಟೆ ಎಸ್​ಬಿಐ ಬ್ಯಾಂಕ್​ ರಸ್ತೆ, ತಿಮ್ಮಾಪುರ ಬಸ್​ ನಿಲ್ದಾಣ, ನಾಲ್ವಡಿ ರಾಜಾ ವೆಂಕಟಪ್ಪ ನಾಯಕ ವೃತ್ತ, ಆದಿತಿ ಹೋಟೆಲ್​ ಹತ್ತಿರ, ವೆಂಕಟಾಪುರ ಕಸ ವಿಲೇವಾರಿಗೆ ಹೋಗುವ ರಸ್ತೆ, ಪಾಳದಕೇರಿಯ ಇಳಿಮುಖ ರಸ್ತೆ, ಖಾನಾಪುರ ಎಸ್​ಎಚ್​ ಎಪಿಎಂಸಿ ರಸ್ತೆ ಸೇರಿ ಅನೇಕ ರಸ್ತೆಗಳು ಸಂಪೂರ್ಣ ಹಾಳಾಗಿವೆ ಎಂದು ದೂರಿದರು.

ನಗರದ ಬಹುತೇಕ ರಸ್ತೆಗಳು ಬೃಹತ್​ ತಗ್ಗು&ಗುಂಡಿಗಳಿಂದ ಕೂಡಿದ್ದು, ಸಂಚಾರಕ್ಕೆ ಬಾರದಂತಾಗಿವೆ. ಎಲ್ಲ ವಾಹಗಳು ಓಡಾಡಲು ಹರಸಾಹಸ ಪಡುತ್ತಿವೆ. ವೃದ್ಧರು ಹಾಗೂ ಶಾಲಾ ಮಕ್ಕಳು ರಸ್ತೆ ಗುಂಡಿಗಳಿಂದಾಗಿ ಬಿದ್ದು ಗಾಯಗೊಂಡಿರುವ ಟನೆ ನಡೆದಿವೆ. ನಗರದ ಮುಖ್ಯರಸ್ತೆಯ ತಗ್ಗು ಗುಂಡಿಗಳ ಗತಿ ಹೀಗಾದರೆ, ನಗರದ 31 ವಾರ್ಡ್​ಗಳಲ್ಲಿ ಯಾವ ರೀತಿ ಇರಬಹುದು ಎಂದು ಪ್ರಶ್ನೀಸಿದರು.

ಒಂದು ವಾರದೊಳಗೆ ನಗರದಲ್ಲಿ ಎಲ್ಲ ವಾರ್ಡ್​ಗಳಿಗೆ ಭೇಟಿ ನೀಡಿ ಅಗತ್ಯ ಸೌಲಭ್ಯ ಕಲ್ಪಿಸಬೇಕು. ಹಾಗೊಂದು ವೇಳೆ ವಿಳಂಬ ಮಾಡಿದ್ದಲ್ಲಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದರು.

ದಲಿತಾ ಪ್ಯಾಂಥರ್​ ತಾಲೂಕು ಅಧ್ಯಕ್ಷ ಮಂಜುನಾಥ ಹೊಸ್ಮನಿ, ಉಪಾಧ್ಯಕ್ಷ ಗೋಪಾಲ ಚಲುವಾದಿ, ಹಣಮಂತ ಭದ್ರಾವತಿ, ಶೇಖರ ಜೀವಣಗಿ, ಗುರುಪುತ್ರ ಮುದನೂರು ಇತರರಿದ್ದರು.