ರಾಜ್ಯ

ಪೊಲೀಸರು ಜವಾಬ್ದಾರಿಯತ್ತ ಹೆಜ್ಜೆ ಹಾಕಿ

ಯುನೈಟೆಡ್​ ಆಸ್ಪತ್ರೆ ಹಾಗೂ ನಗರ ಪೊಲೀಸ್​ ಸಹಯೋಗದಡಿ ಕಲಬುರಗಿ ಮಂಗಳವಾರ ಆಯೋಜಿಸಿದ್ದ ರಸ್ತೆ ಸುರಕ್ಷತಾ ಜಾಗೃತಿ ಬೈಕ್​ ರ್ಯಾಲಿಯಲ್ಲಿ ಸಂಚಾರಿ ಠಾಣೆ ಪೇದೆಗೆ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ. ಹೆಲ್ಮೆಟ್​ ತೊಡಿಸಿದರು. ಡಾ.ಮೊಹ್ಮದ್​ ಅಬ್ದುಲ್​ ಬಶೀರ್​ ಇತರರಿದ್ದರು.
ಯುನೈಟೆಡ್​ ಆಸ್ಪತ್ರೆ ಹಾಗೂ ನಗರ ಪೊಲೀಸ್​ ಸಹಯೋಗದಡಿ ಕಲಬುರಗಿ ಮಂಗಳವಾರ ಆಯೋಜಿಸಿದ್ದ ರಸ್ತೆ ಸುರಕ್ಷತಾ ಜಾಗೃತಿ ಬೈಕ್​ ರ್ಯಾಲಿಯಲ್ಲಿ ಸಂಚಾರಿ ಠಾಣೆ ಪೇದೆಗೆ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ. ಹೆಲ್ಮೆಟ್​ ತೊಡಿಸಿದರು. ಡಾ.ಮೊಹ್ಮದ್​ ಅಬ್ದುಲ್​ ಬಶೀರ್​ ಇತರರಿದ್ದರು.
ಜಯತೀರ್ಥ ಪಾಟೀಲ
Published on: 

ಪ್ರಮುಖ ಮುಖ್ಯಾಂಶಗಳು

  • ಕಲಬುರಗಿ ಪೊಲೀಸ್​ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ. ಸಲಹೆ
  • ರಸ್ತೆ ಸುರಕ್ಷತಾ ಜಾಗೃತಿ ಬೈಕ್​ ರ‍್ಯಾಲಿ
ಕಲಬುರಗಿ: ಪೊಲೀಸರು ಕೇವಲ ಕಾನೂನು ಜಾಗೃತಿ ಕಾರ್ಯಕ್ರಮಗಳಿಗೆ ಸೀಮಿತವಾಗದೆ ಕಟ್ಟುನಿಟ್ಟಿನ ಅನುಷ್ಠಾನ ಮತ್ತು ವೈಯಕ್ತಿಕ ಜವಾಬ್ದಾರಿಯತ್ತ ದಿಟ್ಟ ಹೆಜ್ಜೆ ಇರಿಸುವ ಅಗತ್ಯವಿದೆ ಎಂದು ನಗರ ಪೊಲೀಸ್​ ಆಯುಕ್ತ ಡಾ.ಎಸ್​.ಡಿ. ಶರಣಪ್ಪ ಹೇಳಿದರು.
ಜಿಲ್ಲಾ ಪೊಲೀಸ್​ ಮೈದಾನದಲ್ಲಿ ನಗರ ಪೊಲೀಸ್​ ಆಯುಕ್ತಾಲಯ ಹಾಗೂ ಯುನೈಟೆಡ್​ ಆಸ್ಪತ್ರೆ ಸಹಯೋಗದಲ್ಲಿ ಮಂಗಳವಾರ ಆಯೋಜಿಸಿದ್ದ ರಸ್ತೆ ಸುರತಾ ಜಾಗೃತಿ ಬೈಕ್​ ರ್ಯಾಲಿಗೆ ಚಾಲನೆ ನೀಡಿ ಮಾತನಾಡಿದ ಅವರು, ಪೊಲೀಸರೇ ಮೊದಲು ನಿಯಮ ಪಾಲನೆ ಮಾಡಿ ಸಮಾಜಕ್ಕೆ ಮಾದರಿಯಾಗಬೇಕು. 2026 ರಸ್ತೆ ಸುರತೆ ಚಳವಳಿ ಮತ್ತು ಕ್ರಿಯೆಯ ವರ್ಷವಾಗಬೇಕು ಎಂದು ೂಷಿಸಿದರು.
ಕಾನೂನು ಜಾರಿಗೊಳಿಸುವ ಜವಾಬ್ದಾರಿ ಮಾತ್ರವಲ್ಲ ಅದನ್ನು ಗೌರವಿಸಿ ಪರಿಪಾಲಿಸುವ ಹೊಣೆಯೂ ಪೊಲೀಸರ ಮೇಲಿದೆ. ಪ್ರತಿದಿನ ಅಪಘಾತಗಳಲ್ಲಿ ಅಮೂಲ್ಯ ಜೀವಗಳು ಕಳೆದುಕೊಳ್ಳುತ್ತಿರುವುದನ್ನು ನೋಡುತ್ತಿದ್ದೇವೆ. ಅವರ ಅವಲಂಬಿತ ಕುಟುಂಬಗಳು ಅನುಭವಿಸುವ ದು@ಖವೂ ನಮ್ಮ ಮುಂದಿದೆ. ಟ್ರಾಫಿಕ್​ ನಿಯಮ ಪಾಲಿಸದಿದ್ದರೆ ನಮಗೂ ಅದೇ ಗತಿ ಬರಲಿದೆ ಎಂದು ಎಚ್ಚರಿಸಿದರು.
ಹೆಲ್ಮೆಟ್​ ಧರಿಸಿದರೆ ಸಾವಿನ ಸಾಧ್ಯತೆ ಶೇ.70ರಿಂದ 80 ಕಡಿಮೆ. ನೀವು ಹೆಲ್ಮೆಟ್​ ಧರಿಸಿದರೆ ಇತರರು ಅನುಸರಿಸುತ್ತಾರೆ. ಅವರನ್ನು ನೋಡಿ ಮತ್ತಷ್ಟು ಜನರಿಗೆ ಪ್ರೇರಣೆಯಾಗುತ್ತದೆ. ಇದು 2026ರಲ್ಲಿ ಒಂದು ಚಳವಳಿಯಂತೆ ಸಾಗಬೇಕು. ರಸ್ತೆ ಸುರತೆ ಒಂದು ವಾರದ ಕಾರ್ಯಕ್ರಮವಾಗದೆ ಪ್ರತಿದಿನದ ಬದ್ಧತೆಯಾಗಬೇಕು ಎಂದು ಆಶಿಸಿದರು.
ಯುನೈಟೆಡ್​ ಆಸ್ಪತ್ರೆ ವೈದ್ಯರು ಮಾತನಾಡಿದರು. ನರವೈದ್ಯ ಹಾಗೂ ಮಿದುಳು ಮೂಳೆ ತ ಡಾ.ವಿನಯಸಾಗರ್​ ಶರ್ಮಾ ಅವರು ಹೆಲ್ಮೆಟ್​ ಮತ್ತು ಸೀಟ್​ ಬೆಲ್ಟ್​ಗಳಿಂದ ತಲೆ ಮತ್ತು ಮಿದುಳು ಗಾಯ ಹೇಗೆ ತಪ್ಪಿಸಬಹುದು ಎಂಬುದನ್ನು ವಿವರಿಸಿದರು. ಟ್ರಾಮಾ ಮತ್ತು ಲ್ಯಾಪ್ರೋಸ್ಕೋಪಿಕ್​ ಶಸಚಿಕಿತ್ಸಕ ಡಾ.ಮೊಹಮ್ಮದ್​ ಅಬ್ದುಲ್​ ಬಸೀರ್​ ಅವರು ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸುವ ಮೊದಲು ಕೈಗೊಳ್ಳಬೇಕಾದ ಪ್ರಾಥಮಿಕ ಕ್ರಮಗಳ ಬಗ್ಗೆ ಮಾಹಿತಿ ನೀಡಿದರು.
ಉಪ ಪೊಲೀಸ್​ ಆಯುಕ್ತ ಪ್ರವಿಣ್​ ನಾಯಕ್​, ಸಹಾಯಕ ಪೊಲೀಸ್​ ಆಯುಕ್ತ ಶರಣಬಸಪ್ಪ ಸುಬೇದಾರ್​ ಹಾಗೂ ಟ್ರಾಫಿಕ್​ ವಿಭಾಗ 1& 2ರ ಹಿರಿಯ ಅಧಿಕಾರಿಗಳು ಇದ್ದರು. ಜಗತ್​ ವೃತ್ತ, ಸರ್ದಾರ್​ ಪಟೇಲ್​ ವೃತ್ತ ಮಾರ್ಗವಾಗಿ ಮತ್ತೆ ಪೊಲೀಸ್​ ಮೈದಾನಕ್ಕೆ ತಲುಪಿದ ರ್ಯಾಲಿ ರಸ್ತೆ ಸುರತೆ ಬಗ್ಗೆ ಕಠಿಣ ಶಿಸ್ತು ಪಾಲನೆ ವಿಷಯದಲ್ಲಿ ಸಾರ್ವಜನಿಕರ ಗಮನ ಸೆಳೆಯಿತು.
"

ರಸ್ತೆ ಸುರತಾ ಕಾರ್ಯಗಳಲ್ಲಿ ನಿರಂತರ ಸಹಕಾರ ನೀಡುತ್ತಿರುವ ಯುನೈಟೆಡ್​ ಆಸ್ಪತ್ರೆ ಸೇವೆ ಶ್ಲಾಘನೀಯ .ಸಾರ್ವಜನಿಕರು ಮತ್ತು ಪೊಲೀಸ್​ ಸಿಬ್ಬಂದಿಗೆ ಹೆಲ್ಮೆಟ್​, ಪ್ರಥಮ ಚಿಕಿತ್ಸೆ ಕಿಟ್​ ಸೇರಿ ಸುರತಾ ಉಪಕರಣ ವಿತರಿಸುವ ಮೂಲಕ ಅಪಘಾತ ತಡೆ ಅಭಿಯಾನದಲ್ಲಿ ಯುನೈಟೆಡ್​ ಆಸ್ಪತ್ರೆ ಸಕ್ರಿಯ ಪಾತ್ರ ವಹಿಸುತ್ತಿದೆ. >

ಡಾ.ಶರಣಪ್ಪ ಎಸ್​.ಡಿ.

ನಗರ ಪೊಲೀಸ್​ ಆಯುಕ್ತ

police step
up to the plate
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net