ಬಾಕಿ ಉಳಿಸಿಕೊಂಡಿರುವ ಕಬ್ಬಿನ ಬಿಲ್​ ಪಾವತಿಸಿ

ಆಳಂದ: ಭೂಸನೂರಿನಲ್ಲಿರುವ ಎನ್​ಎಸ್​ಎಲ್​ ಸಕ್ಕರೆ ಕಾರ್ಖಾನೆ ಕಬ್ಬು ಅರಿಯುವ ಕಾರ್ಯ ನಿಲ್ಲಿಸಿ ಮೂರು ತಿಂಗಳಾದರೂ ಈವರೆಗೂ ರೈತರಿಗೆ ಕಬ್ಬಿನ ಬಿಲ್​ ಪಾವತಿಸದೆ ಕಡೆಗಣಿಸುತ್ತಿದೆ ಎಂದು ಕರ್ನಾಟಕ ರಕ್ಷಣಾ ವೇದಿಕೆ ನಿಂರ್ಬಗಾ ಹೋಬಳಿ ಅಧ್ಯ ಬಸವರಾಜ ಯಳಸಂಗಿ ಆಕ್ರೋಶ ವ್ಯಕ್ತಪಡಿಸಿದರು.

ಈ ಕುರಿತು ಭೂಸನೂರಿನಲ್ಲಿ ಎನ್​ಎಸ್​ಎಲ್​ ಸಕ್ಕರೆ ಕಾರ್ಖಾನೆ ಉಪಾಧ್ಯಕ್ಷ ಪುರುಷೋತ್ತಮ ಅವರಿಗೆ ರೈತರೊಂದಿಗೆ ಶುಕ್ರವಾರ ಮನವಿಪತ್ರ ಸಲ್ಲಿಸಿದ ಅವರು, ನಿಯಮದಂತೆ ರೈತರು ಕಬ್ಬು ಕಟಾವು ಮಾಡಿ ಕಾರ್ಖಾನೆಗೆ ಸಲ್ಲಿಸಿದ 15 ದಿನಗಳೊಳಗಾಗಿ ಬಿಲ್​ ಪಾವತಿಸಬೇಕು. ಆದರೆ ಇದುವರೆಗೆ ಆ ಕೆಲಸ ಆಗಿಲ್ಲ. ಇದರಿಂದ ಕಬ್ಬು ನೀಡಿದ ರೈತರು ಆರ್ಥಿಕ ಸಂಕಷ್ಟ ಸಿಲುಕಿದ್ದು, ಕೃಷಿ ಚಟುವಟಿಕೆ ನಡೆಸಲು ಕಷ್ಟ ಅನುಭವಿಸುತ್ತಿದ್ದಾರೆ. ಕೂಡಲೇ ಬಿಲ್​ ಪಾವತಿಸಬೇಕು. ರ್ನಿಲಕ್ಷ ವಹಿಸಿದರೆ ರೈತರೊಂದಿಗೆ ಕಾರ್ಖಾನೆಗೆ ಮುತ್ತಿಗೆ ಹಾಕಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ಪುರುಷೋತ್ತಮ ಮಾತನಾಡಿ, ಬಿಲ್​ ಪಾವತಿ ಮಾಡಲು ವಿಳಂಬವಾಗಿದೆ. ಆದರೆ ಎಲ್ಲ ವ್ಯವಸ್ಥೆ ಮಾಡಿಕೊಂಡಿದ್ದೇವೆ, ವಾರದೊಳಗೆ ಕಬ್ಬು ನೀಡಿದ ಎಲ್ಲ ರೈತರ ಖಾತೆಗೆ ಹಣ ಜಮೆ ಮಾಡುತ್ತೇವೆ ಎಂದು ಭರವಸೆ ನೀಡಿದರು. ಪ್ರಮುಖರಾದ ಮಲ್ಲಿನಾಥ ದುಗೊಂಡ, ಸೂರ್ಯಕಾಂತ ಕಂಟೇಕುರ, ಜಗದೀಶ ಮಾಳಗೆ, ಧರ್ಮರಾಯ ಕಾಮನಗೋಳ, ಮಹೇಂದ್ರ ನಿರ್ಮಲ್ಕರ್​ ಇತರರಿದ್ದರು.