ಭಾರಿ ಮಳೆ-ಗಾಳಿಗೆ ಹಾರಿ ಹೋದ ಪತ್ರಾಸ್​

ಕಕ್ಕೇರಾ: ಗುರುವಾರ ರಾತ್ರಿ 11ರ ಸುಮಾರಿಗೆ ಬೀಸಿದ ಗುಡುಗು&ಗಾಳಿ ಮಿಶ್ರಿತ ಭಾರಿ ಮಳೆಗೆ ಕಕ್ಕೇರಾ ತಾಂಡಾದ ಹತ್ತಿರದ ನಿವಾಸಿಗಳಾದ ಹುಸೇನ್​ಸಾಬ್​, ರಫೀಕ್​ ನದಾಫ್​ ಅವರಿಗೆ ಸೇರಿದ ಮನೆ ಮೇಲಿನ ಪತ್ರಾಸ್​ಗಳು ಗಾಳಿಗೆ ತೂರಿ ಹೋದ ಪರಿಣಾಮ, ಅವಳಿ ಕುಟುಂಬಗಳು ಕತ್ತಲಲ್ಲಿ ಇಡೀ ರಾತ್ರಿ ಬೇರೆಯವರ ಆಶ್ರಯದಲ್ಲಿ ಕಾಲ ಕಳೆದ ಟನೆ ನಡೆದಿದೆ. ಆದರೆ ಅದೃಷ್ಟವಶಾತ್​ ಮನೆಯಲ್ಲಿದ್ದ ವೃದ್ಧರೂ ಸೇರಿ ಯಾರಿಗೂ ಪ್ರಾಣ ಹಾನಿಯಾಗಿಲ್ಲ.

ಭಾರಿ ಗುಡುಗು ಮಿಶ್ರಿತ ಮಳೆಯಾಗಿದ್ದು, ಪುರಸಭೆ ವ್ಯಾಪ್ತಿಯ ಹಲವು ಕಡೆ ಮನೆಗಳ ಟೀನ್​ಗಳು ಬಿರುಗಾಳಿಗೆ ಹಾರಿ ಹೋಗಿ ವಾಸ ಮಾಡಲು ಸಂಕಷ್ಟವಾಗಿ ಮನೆಯಲ್ಲಿದ್ದ ಧವಸಧಾನ್ಯಗಳು ಮಳೆಗೆ ಆಹುತಿಯಾಗಿವೆ. ಸ್ಥಳಕ್ಕೆ ಕಂದಾಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ಮಾಡಿದರು.