ಕೋಲಾರದಲ್ಲಿ ದೆಹಲಿ ಮೂಲದ ಕಾರಗಳದ್ದೇ ಕಾರುಬಾರು

ವಿಜಯವಾಣಿ ಸುದ್ದಿಜಾಲ ಕೋಲಾರ

ಜಿಲ್ಲೆಯಾದ್ಯಂತ ಇತ್ತೀಚೆಗೆ ದೆಹಲಿ ಸೇರಿದಂತೆ ಹೊರ ರಾಜ್ಯಗಳ ನೋಂದಣಿ ಇರುವ ಕಾರುಗಳ ಸಂಖ್ಯೆ ಹೆಚ್ಚಾಗಿದ್ದು, ಇವು ಅಧಿಕೃತವೋ ಅಥವಾ ಅನಧಿಕೃತವೋ ಎಂಬುದು ತಿಳಿಯದಾಗಿದೆ. ಕಡಿಮೆ ಬೆಲೆಗೆ ತಂದು ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿರುವುದು ಕಂಡುಬAದಿದೆ.

ಇತ್ತೀಚೆಗೆ ಕೋಲಾರ ನಗರದಲ್ಲಿ ಟ್ರಾಫಿಕ್ ಸಮಸ್ಯೆ ಸೇರಿದಂತೆ ವಾಹನ ಸವಾರರ ಹೆಲ್ಮೆಟ್ ಕಡ್ಡಾಯ ಮಾಡಲು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ನೇತೃತ್ವದಲ್ಲಿ ಟ್ರಾಫಿಕ್ ಪೊಲೀಸರ ನಿರಂತರ ಶ್ರಮಕ್ಕೆ ಸಾರ್ವಜನಿಕರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಆದರೆ ಇತ್ತೀಚೆಗೆ ಕೋಲಾರ ಜಿಲ್ಲೆಯಾದ್ಯಂತ ಡಿಎಲ್ ಮತ್ತು ಯುಪಿ ನೊಂದಣಿಯ ಕಾರುಗಳ ಸಂಖ್ಯೆ ಹೆಚ್ಚಾಗಿದೆ.

ದೆಹಲಿ ರಾಜ್ಯದಲ್ಲಿ ವಾಯು ಮಾಲಿನ್ಯ ಹೆಚ್ಚಾದ ಹಿನ್ನಲೆಯಲ್ಲಿ ಡೀಸೆಲ್ ಇಂಜಿನ್ ೧೦ ವರ್ಷ ಹಾಗು ಪೆಟ್ರೋಲ್ ಇಂಜಿನ್ ೧೫ ವರ್ಷ ಹಿಂದಿನ ವಾಹನಗಳು ಸಂಚರಿಸುವAತಿಲ್ಲ ಎಂದು ನಿರ್ಬಂಧ ಹೇರಲಾಗಿದೆ ಅಲ್ಲಿನ ಹಳೆಯ ವಾಹನಗಳು ಇತ್ತೀಚೆಗೆ ಕೋಲಾರ ಜಿಲ್ಲೆಯಾದ್ಯಂತ ಹೆಚ್ಚು ಓಡಾಡುತ್ತಿದ್ದು, ಆ ವಾಹನಗಳಿಗೆ ಸೂಕ್ತ ದಾಖಲೆಗಳಿಲ್ಲದೆ ಸಂಚರಿಸುತ್ತಿದ್ದು, ಪೊಲೀಸ್ ಇಲಾಖೆ ಇಂತಹ ವಾಹನಗಳಿಗೆ ಯಾವಾಗ ಕಡಿವಾಣ ಹಾಕಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.

ದೆಹಲಿ ಸರ್ಕಾರ ಹಳೆಯ ವಾಹನಗಳಿಗೆ ಎನ್.ಓ.ಸಿ ನೀಡುತ್ತಿಲ್ಲವಾದ ಕಾರಣ ಆ ವಾಹನಗಳನ್ನು ಸ್ಥಳೀಯವಾಗಿ ನೊಂದಣಿ ಮಾಡಿಸಲು ಸಾಧ್ಯವಾಗದೆ ಡಿಎಲ್ ಮತ್ತು ಯುಪಿ ನೊಂದಣಿಯಲ್ಲಿಯೇ ಓಡಾಡಬಹುದಾಗಿದೆ. ಆ ವಾಹನದ ಸಂಪೂರ್ಣ ಮಾಲಿಕತ್ವ ದೆಹಲಿ ಮೂಲದ ವ್ಯಕ್ತಿದೇ ಆಗಿರುವುದರಿಂದ ಆ ವಾಹನಗಳನ್ನು ಸ್ಥಳೀಯವಾಗಿ ಯಾವುದೇ ಅಪರಾಧ ಕೃತ್ಯಗಳಿಗೆ ಬಳಸಿದರೂ ಅವುಗಳ ಜಾಡು ಕಂಡು ಹಿಡಿಯುವುದು ಪೊಲೀಸರಿಗೆ ಕಷ್ಟಕರವಾಗಿರುತ್ತದೆ.

ದೆಹಲಿಯಲ್ಲಿ ಉಪಯೋಗಕ್ಕೆ ಬಾರದ ವಾಹನಗಳನ್ನು ಕೇವಲ ತೂಕದ ಬೆಲೆಗೆ ಖರೀದಿಸಿ ಇಲ್ಲಿ ಲಕ್ಷಾಂತರ ರೂ.ಗಳಿಗೆ ಮಧ್ಯವರ್ತಿಗಳು ಮಾರಾಟ ಮಾಡುತ್ತಿದ್ದಾರೆ. ಇದರಿಂದ ಸ್ಥಳೀಯ ಹಳೆಯ ಕಾರುಗಳಿಗೆ ಬೆಲೆ ಇಲ್ಲದಂತೆ ಆಗಿದೆ. ದೆಹಲಿ ಮತ್ತು ಯುಪಿ ಮೂಲದ ಹಳೆಯ ವಾಹನದಿಂದ ವಾಯುಮಾಲಿನ್ಯ ಉಂಟಾಗುತ್ತಿದೆ.

ಸ್ಥಳೀಯ ನೊಂದಣಿಯಿಲ್ಲದ ಕಾರಣ ಸಾರಿಗೆ ಇಲಾಖೆಗೆ ತೆರಿಗೆ ಕಡಿತವಾಗಿದೆ. ಮಾಲೀಕರ ಆಚೂಕಿಯಿಲ್ಲದ ಕಾರಣ ಅಪರಾಧ ಕೃತ್ಯಗಳಿಗೆ ಆ ವಾಹನಗಳನ್ನು ಬಳಸುವುದರಿಂದ ಪೊಲೀಸ್ ಇಲಾಖೆಗೆ ಬೇಧಿಸುವುದು ಕಷ್ಟಕರವಾಗುತ್ತದೆ. ಈ ಎಲ್ಲಾ ಸಮಸ್ಯೆಗಳನ್ನು ಸರಿತಿದ್ದಲು ಕೂಡಲೇ ಜಿಲ್ಲಾ ಪೊಲೀಸ್ ಇಲಾಖೆ ಎಚ್ಚೆತ್ತುಕೊಂಡು ಡಿಎಲ್ ನೊಂದಣಿಯ ವಾಹನಗಳಿಗೆ ಕಡಿವಾಣ ಹಾಕಬೇಕಿದೆ.

ಬಾಕ್ಸ್

ದೆಹಲಿ ಮೂಲದಿಂದ ಅಲ್ಲಿ ಅವಧಿ ಮುಗಿದ ಕಾರುಗಳನ್ನು ದಳ್ಳಾಲಿಗಳು ಕಡಿಮೆ ಬೆಲೆಗೆ ಖರೀದಿಸಿ ಇಲ್ಲಿ ದುಬಾರಿ ಬಲೆಗೆ ಮಾರಾಟ ಮಾಡುತ್ತಿದ್ದಾರೆ. ನೋಡಲು ಆಕರ್ಷಣೆಯ ರೀತಿಯಲ್ಲಿ ಇರುವುದರಿಂದ ಸ್ಥಳೀಯ ಹಳೇ ಕಾರುಗಳಿಗೆ ಬೇಡಿಕೆಯೂ ಕುಸಿದಿದೆ. ದೆಹಲಿ ಕಾರುಗಳು ಗುಣಮಟ್ಟದಲ್ಲಿ ಕುಸಿತ ಕಂಡಿದ್ದರು. ಅವುಗಳನ್ನೇ ಗ್ರಾಹಕರಿಗೆ ನೀಡಿ ವಂಚಿಸುವ ಕೆಲಸ ದಲ್ಲಾಳಿಗಳು ಮಾಡುತ್ತಿದ್ದಾರೆ ಎಂದು ಸಾರ್ವಜನಿಕರು ಆರೋಪಿಸುತ್ತಿದ್ದಾರೆ.

ಕೋಟ್

ಆನ್‌ಲೈನ್ ವ್ಯವಸ್ಥೆ ಇರುವುದರಿಂದ ಯಾವುದೇ ರಾಜ್ಯದ ಕಾರು ಆಗಿರಬಹುದು. ನಂಬರನ್ನು ಪರಿಶೀಲಿಸಿದರೆ ಎಲ್ಲಾ ಮಾಹಿತಿ ಸಿಗುತ್ತದೆ. ಮೊದಲು ಗೋಲ್‌ಮಾಲ್ ಮಾಡುತ್ತಿದ್ದರು. ಈಗ ಅದಕ್ಕೆ ಅವಕಾಶ ಇಲ್ಲ. ದೆಹಲಿ ಅಥವಾ ಉತ್ತರಪ್ರದೇಶದಿಂದ ಕಾರುಗಳನ್ನು ಖರೀದಿಸಿ ನಂಬರ್ ಸಮೇತ ಬದಲಾವಣೆ ಮಾಡಿ ಮಾರಾಟ ಮಾಡುತ್ತಾರೆ. ಇನ್ನು ಕೆಲವರು ಅದೇ ನಂಬರ್‌ನಲ್ಲಿ ಹೆಸರು ಬದಲಾವಣೆ ಮಾಡಿಕೊಳ್ಳುತ್ತಾರೆ. ಇನ್ನು ಮುಂದೆ ಇಂತಹವುಗಳನ್ನು ಪತ್ತೆಹಚ್ಚುವ ಕೆಲಸ ಮಾಡಲಾಗುವುದು.

-ವೇಣುಗೋಪಾಲ್ ರೆಡ್ಡಿ, ಆರ್.ಟಿ.ಓ.ಕೋಲಾರ.