ಕುಡಿಯುವ ನೀರಿನ ಜೊತೆಗೆ ಕೊಳಚೆ ನೀರು ಮಿಶ್ರಣ

ವಿಜಯವಾಣಿ ಸುದ್ದಿಜಾಲ ಕೋಲಾರ

ನಗರಸಭೆಯ ನಿರ್ಲ್ಯಕ್ಷತನದಿಂದ ನಗರದ ಗೌರಿಪೇಟೆ ನಿವಾಸಿಗಳಿಗೆ ನಲ್ಲಿಗಳ ಮೂಲಕ ಯುಜಿಡಿ ಮಿಶ್ರಿತ ಕೊಳಚೆ ನೀರು ಹರಿಯುವಂತೆ ಆಗಿದ್ದು, ಇದರಿಂದ ಸಾರ್ವಜನಿಕರು ಅಶುದ್ಧ ನೀರನ್ನು ಕುಡಿಯುವಂತಾಗಿದೆ ಎಂದು ಆರೋಪಿಸುತ್ತಿದ್ದಾರೆ.

ನಗರದ ಎಂ.ಜಿ.ರಸ್ತೆಯಿAದ ಸಂಪರ್ಕವಿರುವ ೧೦ನೇ ವಾರ್ಡಿನ ಗೌರಿಪೇಟೆಯ ಮುಖ್ಯ ರಸ್ತೆಯ ಅಂಚೆ ಕಛೇರಿ ಬಳಿ ಇರುವ ನಿವಾಸಿಗಳೇ ಈ ಕೊಳಚೇ ನೀರಿನ ಸಮಸ್ಯೆಯನ್ನು ಎದುರಿಸುವಂತೆ ಆಗಿದೆ.

ದಿನನಿತ್ಯ ಬಳಕೆಗಾಗಿ ನಗರಸಭೆಯಿಂದ ನಲ್ಲಿಗಳಿಂದ ಬರುವ ಶುದ್ಧ ನೀರಿನ ಜೊತೆಗೆ ಯುಜಿಡಿ ಮಿಶ್ರಿತ ಕೊಳಚೇ ನೀರು ಸರಬರಾಜಾಗುತ್ತಿದ್ದು, ಮನೆಯ ಸಂಪುಗಳಲ್ಲಿ ತುಂಬಿರುವ ನೀರು ದುರ್ವಾಸನೆ ಬರುತ್ತಿದ್ದ ಕಾರಣ ಪರೀಕ್ಷಿಸಿದಾಗ ಕೊಳಚೆ ಮಿಶ್ರಿತ ನೀರು ಸಂಪುಗಳಿಗೆ ಸೇರಿರುವುದನ್ನು ನಿವಾಸಿಗಳು ಪತ್ತೆಹಚ್ಚಿದ್ದಾರೆ. ಇದರಿಂದ ದಿನನಿತ್ಯ ಬಳಕೆ ಮಾಡಲು ಶುದ್ಧ ನೀರಿಲ್ಲದ ಕಾರಣ ಪರಿತಪಿಸುವಂತಾಗಿದೆ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.

ಈ ಬಗ್ಗೆ ನಗರಸಭೆ ಅಧಿಕಾರಿಗಳನ್ನು ಸಂಪರ್ಕಿಸಿದಾಗ ಮಳೆ ನೀರು ರಸ್ತೆಗಳ ಮೇಲೆ ಹರಿದಲ್ಲಿ ಈ ರೀತಿ ಆಗಿರುತ್ತದೆ. ಸರಿಪಡಿಸುತ್ತೇವೆ ಎಂದು ತಿಳಿಸಿದವರು ಇದುವರೆವಿಗೂ ನಗರಸಭೆ ಅಧಿಕಾರಿಗಳಿಂದ ಸರಿಪೆಇಸಲು ಸಾಧ್ಯವಾಗಿಲ್ಲ. ಯುಜಿಡಿ ಪೈಪ್‌ಲೈನ್ ಬಳಿಯೇ ಕುಡಿಯುವ ನೀರಿನ ಪೈಪ್‌ಲೈನ್‌ಗಳು ಅಳವಡಿಸಿರುವುದರಿಂದ ಕುಡಿಯುವ ನೀರಿನ ಪೈಪ್‌ಲೈನ್ ಅಲ್ಲಲ್ಲಿ ಒಡೆದುಹೋಗಿದ್ದು, ಆ ನೀರು ಮಿಶ್ರಣಗೊಂಡು ನಲ್ಲಿಗಳಿಗೆ ಬರುತ್ತವೆ. ಎಂದು ಸಾರ್ವಜನಿಕರ ದೂರಾಗಿದೆ.

ಬಾಕ್ಸ್

ಯುಜಿಡಿ ಘಟಕಗಳು ಕೆಟ್ಟು ನಿಂತಿರುವುದರಿAದ ಆಗಾಗ ಕೊಳಚೆ ನೀರು ರಸ್ತೆಗಳ ಮೇಲೆ ಹರಿಯುತ್ತವೆ. ರಸ್ತೆಗಳ ಅಕ್ಕಪಕ್ಕಗಳಲ್ಲಿ ಕೆಲವು ಮನೆಗಳವರು ಸಂಪುಗಳನ್ನು ತೆರದ ಸ್ಥಿತಿಯಲ್ಲಿ ಬಿಟ್ಟಿದ್ದಾರೆ. ಆ ನೀರು ಸಂಪುಗಳಿಗೆ ತುಂಬಿ ನಲ್ಲಿಗಳ ಮೂಲಕ ಶುದ್ಧನೀರಿನ ಪೈಪ್‌ಲೈನ್‌ಗಳಿಗೆ ಸೇರುತ್ತಿವೆ. ಹಾಗೂ ಶುದ್ಧನೀರಿನ ಪೈಪ್‌ಲೈನ್ ಅಲ್ಲಲ್ಲಿ ಹೊಡೆದುಹೋಗಿದ್ದು, ಅದನ್ನು ನಗರಸಭೆಯವರು ರಿಪೇರಿ ಮಾಡದೆ ಇರುವುದರಿಂದ ಕೊಳಚೆ ನೀರು ನಲ್ಲಿಗಳಲ್ಲಿ ಹರಿಯುವಂತೆ ಆಗಿದೆ ಎಂದು ಗೃಹಿಣಿಯರು ಆರೋಪಿಸಿದ್ದಾರೆ.

ಕೋಟ್

ಕೊಳಚೆ ನೀರು ಕುಡಿಯುವ ನೀರಿನ ಜೊತೆಗೆ ಮಿಶ್ರಣಗೊಂಡು ಸಂಪುಗಳಿಗೆ ಸೇರಿವೆ. ಯುಜಿಡಿ ನೀರಿನ ವಾಸನೆಯಿಂದ ಮನೆಗಳಲ್ಲಿ ಇರಲು ಸಾಧ್ಯವಾಗುತ್ತಿಲ್ಲ. ಕಟ್ಟ ದುರ್ವಾಸನೆ ಬೀರುತ್ತಿದೆ. ನಗರಸಭೆಯವರಿಗೆ ಅನೇಕ ಬಾರಿ ತಿಳಿಸಿದ್ದರೂ ಈ ಬಗ್ಗೆ ಗಮನ ಹರಿಸುತ್ತಿಲ್ಲ. ನಗರಸಭೆಯ ಸದಸ್ಯರ ಅಧಿಕಾರ ಮುಗಿದಿರುವುದರಿಂದ ಸದಸ್ಯರು ಈ ಕಡೆ ಗಮನ ಹರಿಸುತ್ತಿಲ್ಲ. ಪೌರಾಯುಕ್ತರು ಅಧಿಕಾರಿಗಳ ಮಾತನ್ನು ಕೇಳದೆ ಖುದ್ದು ಭೇಟಿ ನೀಡಿ ಪರಿಶೀಲನೆ ಮಾಡಬೇಕು.

-ಶಿವಕುಮಾರ್, ಸ್ಥಳೀಯ ನಿವಾಸಿ.

ಕೋಟ್

ಗೌರಿಪೇಟೆಯಲ್ಲಿ ಕುಡಿಯುವ ನೀರಿನ ಪೈಪ್‌ಲೈನ್‌ನ ಕೊಳಚೆ ನೀರು ಮಿಶ್ರಣ ಆಗುತ್ತಿರುವುದರ ಬಗ್ಗೆ ಆ ಭಾಗದ ಜಲಗಾರ ನಮ್ಮ ಗಮನಕ್ಕೆ ತಂದಿಲ್ಲ. ಕೂಡಲೇ ಅಧಿಕಾರಿಗಳನ್ನು ಕಳುಹಿಸಿ ಕ್ರಮ ಕೈಗೊಳ್ಳುವ ಕೆಲಸ ಮಾಡಲಾಗುವುದು. ಹೊಡೆದುಹೋಗಿರುವ ಪೈಪ್‌ಲೈನ್‌ಗಳನ್ನು ದುರಸ್ಥಿಪಡಿಸಲಾಗುವುದು.

-ನವೀನ್‌ಚಂದ್ರ, ಪೌರಾಯುಕ್ತರು, ಕೋಲಾರ.

ಈ ಭಾಗದ ನಿವಾಸಿಗಳಾದ ಶಿವಕುಮಾರ್, ಲತೀಫಾಭಾನು ಮಸೀದಿ ಆವರಣದ ಅಕ್ಕಪಕ್ಕದ ನಿವಾಸಿಗಳಾದ ರಿಹಾನಾ ಹಾಗೂ ರೇಷ್ಮ ಅವರು ತಮ್ಮ ಮನೆಗಳಲ್ಲಿನ ತೊಟ್ಟಿಯ ದುರ್ಗಂಧಯುಕ್ತ ಕೊಳಚೆ ನೀರನ್ನು ಪ್ರದರ್ಶಿಸಿ ಮಾತನಾಡಿ, ಮನೆ ನೀರು ಇತರೆ ಕಂದಾಯ ವಸೂಲಿಗೆ ಬರುವ ನಗರಸಭೆಯವರು ಕನಿಷ್ಟ ಮೂಲಭೂತ ಸೌಕರ್ಯ ನಿರ್ವಹಣೆ ಮಾಡುವಲ್ಲಿ ವಿಫಲರಾಗಿದ್ದಾರೆ ಎಂದು ಆರೋಪಿಸಿದರು.

ಕೆಟ್ಟುನಿಂತ ಯು.ಜಿ.ಡಿ.ಘಟಕಗಳಿಂದ ಕೊಳಚೆ ನೀರು ಹರಿಯುತ್ತಿದ್ದರೂ ಅದರ ರಿಪೇರಿ ಮಾಡುತ್ತಿಲ್ಲ, ಹೊರಬಂದ ಕೊಳಚೆ ನೀರಿನಿಂದ ಈ ಭಾಗದ ಅಕ್ಕಪಕ್ಕದ ನಿವಾಸಿಗಳಿಗೆ ಹಾಗೂ ದಾರಿಹೋಕರಿಗೆ ಕೊಚ್ಚೆ ಮತ್ತು ದುರ್ವಾಸನೆಯಿಂದ ಸಮಸ್ಯೆಯಾಗುತ್ತಿದ್ದು ನಗರಸಭೆ ಇತ್ತ ಗಮನಹರಿಸುತ್ತಿಲ್ಲ ಚುನಾಯಿತ ಪ್ರತಿನಿಧಿಗಳ ಆಡಳಿತ ಅವಧಿ ಮುಗಿದ ಕಾರಣ ನಗರಸಭೆಯ ಅಧಿಕಾರಿಗಳ ಹಾಗೂ ಸಿಬ್ಬಂದಿ ವರ್ಗದವರನ್ನು ಕೇಳುವವರು ಇಲ್ಲದಂತಾಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.