ಮುಂಗಾರು ಬಿತ್ತನೆ 8.90 ಲಕ್ಷ ಹೆಕ್ಟೇರ್​ ಗುರಿ

ಕಲಬುರಗಿ: ಮುಂಗಾರು ಬಿತ್ತನೆಗೆ ಕೃಷಿ ಚಟುವಟಿಕೆಗಳು ಶುರುವಾಗುತ್ತಿವೆ. ವಿಶೇಷವಾಗಿ ಗ್ರಾಮೀಣ ಪ್ರದೇಶದ ರೈತರು ಬಿತ್ತನೆಗೆ ಜಮೀನು ಸಜ್ಜುಗೊಳಿಸುತ್ತಿದ್ದಾರೆ. ಪ್ರಮುಖ ವಾಣಿಜ್ಯ ಬೆಳೆ ತೊಗರಿಯನ್ನೇ ನಂಬಿಕೊಂಡಿರುವ ಈ ಭಾಗದ ರೈತರು ಪ್ರತಿ ವರ್ಷ ಒಂದಿಲ್ಲೊಂದು ಸಮಸ್ಯೆಗೆ ಒಳಗಾಗಿ ಸಂಕಷ್ಟ ಎದುರಿಸಿದ್ದಾರೆ. ಈ ಮಧ್ಯೆಯೂ 2026-27ನೇ ಸಾಲಿಗೆ 8.90 ಲಕ್ಷ ಹೆಕ್ಟೇರ್​ ಬಿತ್ತನೆ ಗುರಿ ಹೊಂದಲಾಗಿದೆ.

ತೊಗರಿ ನೀರಾವರಿ 15 ಸಾವಿರ ಹೆಕ್ಟೇರ್​, ಮಳೆಯಾಶ್ರಿತ 615000 ಸೇರಿ ಒಟ್ಟು 6.30 ಲಕ್ಷ ಹೆಕ್ಟೇರ್​ ಬಿತ್ತನೆ ಗುರಿ ಇದೆ. ಹೆಸರು 54 ಸಾವಿರ ಹೆಕ್ಟೇರ್​, ಉದ್ದು 25 ಸಾವಿರ ಹೆ, ಹುರುಳಿ 75 ಹೆಕ್ಟೇರ್​, ಅವರೆ 100 ಹೆ, ಶೇಂಗಾ 300 ಹೆ, ಸೂರ್ಯಕಾಂತಿ 1 ಸಾವಿರ ಹೆಕ್ಟೇರ್​, ಸೋಯಾಬಿನ್​ 23 ಸಾವಿರ ಹೆಕ್ಟೇರ್​, ಹತ್ತಿ 1 ಲಕ್ಷ ಹೆ, ಕಬ್ಬು 45 ಸಾವಿರ ಹೆಕ್ಟೇರ್​, ನೀರಾವರಿ 80840.4 ಹೆ ಮತ್ತು ಮಳೆಯಾಶ್ರಿತ 809793.4 ಹೆ ಸೇರಿ ಜಿಲ್ಲೆಯಲ್ಲಿ ಒಟ್ಟು 890633.8 ಹೆಕ್ಟೇರ್​ ಪ್ರದೇಶದಲ್ಲಿ ಬಿತ್ತನೆ ಗುರಿ ಹೊಂದಲಾಗಿದೆ.

ಭತ್ತ 67 ಕ್ವಿಂಟಾಲ್​, ಉದ್ದು 379.4, ತೊಗರಿ 6011.17, ಹೆಸರು 535.93, ಸೋಯಾ ಅವರೆ 15681.64, ಮೆಕ್ಕೆಜೋಳ 80.43, ಸಜ್ಜೆ 2.80, ಸೂರ್ಯಕಾಂತಿ 69.61 ಸೇರಿ ಒಟ್ಟು 22828.03 ಕ್ವಿಂಟಾಲ್​ ಬೀಜದ ಅಗತ್ಯವಿದೆ. ತೊಗರಿ, ಉದ್ದು, ಹೆಸರು, ಸೋಯಾ ಅವರೆ ಬೀಜದ ಸಿದ್ಧತೆ ಇದೆ. ಹೀಗಾಗಿ ಬೀಜದ ಕೊರತೆ ಇಲ್ಲ. ರೈತರಿಗೆ ಯಾವುದೇ ಗೊಂದಲ ಇಲ್ಲದಂತೆ ವ್ಯವಸ್ಥಿತವಾಗಿ ಬೀಜ ವಿತರಣೆ ಮಾಡಲಾಗುವುದು ಎಂದು ಕೃಷಿ ಇಲಾಖೆ ಹೇಳಿದೆ.

2026-27ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಜಿಲ್ಲೆಗೆ ಒಟ್ಟು 99,863 ಮೆ.ಟನ್​ ರಸಗೂಬ್ಬರ ಹಂಚಿಕೆಯಾಗಿದ್ದು, ಮೇವರೆಗೆ ಬೇಡಿಕೆ ಒಟ್ಟು 30,454 ಮೆ.ಟನ್​ ಇದೆ. ಆರಂಭಿಕ ಶುಲ್ಕ ಒಳಗೊಂಡಂತೆ ಒಟ್ಟು 55,798 ಮೆ.ಟನ್​ ರಸಗೊಬ್ಬರ ಪೂರೈಕೆಯಾಗಿದೆ. ಜಿಲ್ಲೆಯಲ್ಲಿ ಒಟ್ಟು 16,029 ಮೆ.ಟನ್​ ರಸಗೊಬ್ಬರ ವಿತರಣೆಯಾಗಿದೆ. ಒಟ್ಟು 39,769 ಮೆ.ಟನ್​ ದಾಸ್ತಾನು ಇದೆ. ಜಿಲ್ಲೆಯಲ್ಲಿ ಒಟ್ಟಾರೆ 10,808 ಮೆ.ಟನ್​ ಡಿಎಪಿ, 12,726 ಮೆ.ಟನ್​ ಯೂರಿಯಾ ಹಾಗೂ 13,091 ಮೆ.ಟನ್​ ಸಂಯುಕ್ತ ರಸಗೊಬ್ಬರ ಲಭ್ಯವಿದೆ.

ಜನವರಿಯಲ್ಲಿ ಮಳೆ ಬಂದಿಲ್ಲ. ಫೆಬ್ರವರಿಯಲ್ಲಿ ವಾಡಿಕೆ ಮಳೆ 2.7 ಇತ್ತು, 8.7 ಮಿ.ಮೀ ಮಳೆಯಾಗಿದೆ. ಮಾರ್ಚ್​ನಲ್ಲಿ 7.7 ವಾಡಿಕೆ ಮಳೆಗೆ 30.1 ಮಿ.ಮೀ ಮಳೆ ಬಂದಿದೆ. ಏಪ್ರಿಲ್​ನಲ್ಲಿ 18 ಮಿ.ಮೀ ವಾಡಿಕೆ ಮಳೆಗೆ 18.5 ಮಿ.ಮೀ ಬಿದ್ದಿದೆ. ಮೇ 27ರವರೆಗೆ 28 ಮಿ.ಮೀ ವಾಡಿಕೆ ಮಳೆಗೆ 144 ಮಿ.ಮೀ ಮಳೆಯಾಗಿದೆ. ಜನವರಿಯಿಂದ ಮೇ 27ರವರೆಗೆ ವಾಡಿಕೆ ಮಳೆ 61.3 ಇದ್ದು, 125.5 ಮಿ.ಮೀ ಮಳೆ ಬಂದಿದೆ.

ಕಲಬುರಗಿ ಜಿಲ್ಲೆಯಲ್ಲಿ 27ರಂದು 1.8 ಮಿ.ಮೀ ವಾಡಿಕೆ ಮಳೆಗೆ 31.1 ಮಿ.ಮೀ ಮಳೆ ಸುರಿದಿದೆ. ಅಫಜಲಪುರ 15.2, ಆಳಂದ 12.4, ಚಿಂಚೋಳಿ 37.3, ಚಿತ್ತಾಪುರ 51, ಕಲಬುರಗಿ 25.9, ಜೇವರ್ಗಿ 48.6, ಸೇಡಂ 56.5, ಕಾಳಗಿ 35, ಕಮಲಾಪುರ 12.5, ಯಡ್ರಾಮಿ 21.4, ಶಹಾಬಾದ್​ 32.4 ಮಿ.ಮೀ ಮಳೆ ಬಿದ್ದಿದೆ. ಮೇ 21ರಿಂದ 27ರವರೆಗೆ ವಾಡಿಕೆ ಮಳೆ 10.1 ಮಿ.ಮೀ ಇದ್ದರೆ 48.7 ಮಿ.ಮೀ ಸುರಿದಿದೆ. ಮೇ 1ರಿಂದ 27ರವರೆಗೆ 28 ಮಿ.ಮೀ ವಾಡಿಕೆ ಮಳೆಗೆ 68.2 ಮೀ.ಮೀ ಮಳೆ ಬಂದಿದೆ. ಜನವರಿ 1ರಿಂದ ಮೇ 27ರವರೆಗೆ ವಾಡಿಕೆ ಮಳೆ 61.3 ಮಿ.ಮೀ ಇದ್ದು, 125.5 ಮಿ.ಮೀ ಮಳೆ ಬಂದಿದೆ.

"

ಪ್ರಸಕ್ತ ಸಾಲಿನ ಮುಂಗಾರು ಹಂಗಾಮಿನಲ್ಲಿ ರೈತರು ಯೂರಿಯಾ ರಸಗೊಬ್ಬರ ಖರೀದಿಸಲು ಮಾತ್ರ ರೈತರ ಫೂಟ್​ಐಡಿ (ಎಫ್​ಐಡಿ) ಸಂಖ್ಯೆ ಕಡ್ಡಾಯಗೊಳಿಸಲಾಗಿದೆ. ನಿಗದಿಪಡಿಸಿದ ಗರಿಷ್ಠ ಮಾರಾಟ ಬೆಲೆಗಿಂತ ಹೆಚ್ಚಿನ ದರದಲ್ಲಿ ಮಾರಾಟ ಮಾಡಿದರೆ, ಕೃಷಿಯೇತರ ಉದ್ದೇಶಕ್ಕೆ ಸರಬರಾಜು ಮಾಡಿದಲ್ಲಿ ಮಾರಾಟಗಾರರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುವುದು.ಸಮದ್​ ಪಟೇಲ್​,ಜಂಟಿ ಕೃಷಿ ನಿರ್ದೇಶಕ, ಕಲಬುರಗಿ.

— ಸಮದ್​ ಪಟೇಲ್​, ಜಂಟಿ ಕೃಷಿ ನಿರ್ದೇಶಕ, ಕಲಬುರಗಿ.