ಬಿತ್ತನೆ ಮುನ್ನವೇ ಮುಂಗಾರು ಮುನಿಸು

ಯಾದಗಿರಿ: ಗಿರಿ ಜಿಲ್ಲೆಯಲ್ಲಿ ರೈತರು ಮುಂಗಾರು ಬಿತ್ತನೆ ಕೆಲಸ ಆರಂಭ ಮಾಡಿ ಹೆಚ್ಚು ಕಡಿಮೆ 15ದಿನಗಳು ಕಳೆದಿವೆ. ಆದರೂ ಮಳೆಗಾಲದ ಮಳೆ ಅಂತಾ ಒಂದು ಹನಿಯೂ ಭೂಮಿಗೆ ಬಿದ್ದಿಲ್ಲ. ಕಳೆದ ಹತ್ತು ದಿನಗಳ ಹಿಂದೆ ಅಕಾಲಿಕ ಮಳೆ ಬಂದಿದ್ದು, ಬಿಟ್ಟರೆ ಇನ್ಯಾವುದೇ ಮಳೆಯಾಗಿಲ್ಲ. ಒಟ್ಟಿನಲ್ಲಿ ಬಿತ್ತನೆ ಮುನ್ನವೇ ಮುಂಗಾರು ರೈತನ ಮೇಲೆ ಮುನಿಸು ಆದಂತಾಗಿದೆ.

ಜೂನ್​ ಮೊದಲ ವಾರದ 2 ಇಲ್ಲವೇ 3ರಂದು ವರುಣನ ಆಗಮನ ಆಗುತ್ತದೆ ಎಂಬ ಹವಾಮಾನ ಇಲಾಖೆ ಮಾಹಿತಿ ಹುಸಿಯಾಗಿದ್ದು ಒಂದಡೆಯಾದರೆ, ರೈತರು ಜೂ. 7ರಂದು ಮಿರಗ್​ ಆಚರಿಸುವ ಮೂಲಕ ಬಿತ್ತನೆ ವಿಷಯದಲ್ಲಿ ಬರುವ ವ್ನಿಗಳು ದೂರವಾಗಲಿ ಎಂದು ಖುಷಿ ಮನಾಸಿದ್ದು ಆಯಿತು.

ಆದರೆ ಮಳೆ ಮಾತ್ರ ಧರೆಗೆ ಇಳಿಯುತ್ತಲ್ಲೇ ಇಲ್ಲ. ಇದರಿಂದ ಆರಂಭದಲ್ಲಿಯೇ ಅನ್ನದಾತ ತಲೆಮೇಲೆ ಕೈಯಿಟ್ಟುಕೊಂಡು ಮುಗಿಲು ನೋಡುವಂತಾಗಿದೆ. ಒಂದು ಮಾಹಿತಿ ಪ್ರಕಾರ ಜಿಲ್ಲೆಗೆ ಇನ್ನೂ ಐದಾರು ದಿನಗಳ ನಂತರವೇ ಮಳೆರಾಯನ ಆಗಮನ ಆಗಲಿದೆ ಎಂಬ ವರ್ತಮಾನವಿದೆ. ಈಗಾಗಲೇ ಹತ್ತಿ, ಶೇಂಗಾ, ತೊಗರಿ ಸೇರಿ ಮುಂಗಾರು ಬೆಳೆಗಳ ಬಿತ್ತನೆ ಕಾರ್ಯ ಜಿಲ್ಲೆಯ ಅನೇಕ ಕಡೆ ಜೋರಾಗಿಯೇ ನಡೆದಿದೆ. ಇದಕ್ಕಾಗಿ ಬೀಜ ಮತ್ತು ರಸಗೊಬ್ಬುರ ಖರೀದಿಗಾಗಿ ಮಳಿಗೆಗಳ ಮುಂದೆ ರೈತರು ಸರತಿ ಸಾಲಿನಲ್ಲಿ ನಿಂತಿದ್ದಾರೆ.

ಈ ನಡುವೆ ಕಾಳಸಂತೆಯಲ್ಲಿ ರಸಗೊಬ್ಬುರ ಮಾರಾಟ ಮಾಡಲಾಗುತ್ತಿದೆ ಮತ್ತು ಕೃತಕ ಅಭಾವ ಸೃಷ್ಟಿ ಮಾಡಲಾಗುತ್ತಿದೆ ಎಂದು ರೈತ ಸಂಟನೆಗಳು ಬೀದಿಗಳಿದು ಹೋರಾಟ ಮಾಡಿವೆ. ಇದರ ಪರಿಣಾಮ ಕೃಷಿ ಮತ್ತು ಪೊಲೀಸ್​ ಇಲಾಖೆ ಅಧಿಕಾರಿಗಳು ಎಲ್ಲೆಂದರಲ್ಲಿ ದಾಳಿ ಮಾಡಿ ಬೀಜ ಮತ್ತು ರಸಗೊಬ್ಬರ ಜಪ್ತಿ ಮಾಡಿದ್ದಾರೆ. ನಗರ, ಗ್ರಾಮಗಳಲ್ಲಿ ಇದು ನಡೆದರೆ ಬೆಳಗಿನ ಜಾವ ಎತ್ತು, ಬಂಡಿ, ಟ್ರಾಕ್ಟರ್​ ಮತ್ತು ಕೃಷಿ ಪರಿಕರಗಳೊಂದಿಗೆ ಹೊಲಗಳಿಗೆ ಹೋಗುತ್ತಿರುವ ರೈತರು ಮಳೆಗಾಗಿ ಪರಿತಪಿಸುತ್ತಿದ್ದಾರೆ. ಮಳೆ ಬಾರದ ಕಾರಣ ಬೀಸಿಲು ಕಡಿಮೆ ಆಗುತ್ತಿಲ್ಲ, ಇಂದಿಗೂ ಬೆಂಕಿಯಂತಹ ಬಿಸಿಲೇ ಇದ್ದು, "ಧಗಿ' ಮೊದಲಿಗಿಂತಲೂ ಮೂರು ಪಟ್ಟು ಅಧಿಕವಾಗಿದೆ. ಇನ್ನೂ ಬೆವರಿನ ಸ್ನಾನ ನಿಂತಿಲ್ಲ. ಆದರೂ ವರುಣದೇವನ ಕೃಪೆ ಗಿರಿಜಿಲ್ಲೆಗೆ ಆಗಿಲ್ಲ. ನಾಳೆ, ನಾಡಿದ್ದು ಅಲ್ಪ&ಸ್ವಲ್ಪ ಮಳೆ ಬಂದರೂ ಬರಬಹುದು, ಅದು ಕೆಲವು ಕಡೆ ಮಾತ್ರ ಎಂಬ ಮಾಹಿತಿ ಇದೆ. ನಿಸರ್ಗ ಮತ್ತು ಪ್ರಕೃತಿಯ ಆಟ ಭಗವಂತನೇ ಬಲ್ಲ ಎಂಬಂತಾಗಿದೆ.

ಕೃಷಿ ಪ್ರಧಾನವಾದ ಜಿಲ್ಲೆಯಾದ ಯಾದಗಿರಿಯಲ್ಲಿ 2.32 ಲ ರೈತರು 4.32 ಲ ಹೆಕ್ಟೇರ್​ ಕೃಷಿ ಜಮೀನು ಹೊಂದಿದ್ದಾರೆ. 1ರಿಂದ 4 ಹೆಕ್ಟೇರ್​ ಜಮೀನು ಹೊಂದಿರುವ ರೈತರೆ ಅಧಿಕ (2.11) ಪ್ರಮಾಣದಲ್ಲಿದ್ದಾರೆ. ಗೊಬ್ಬರ ಕೊರತೆ ಅತಿ ಸಣ್ಣ, ಸಣ್ಣ, ಮಧ್ಯಮ ಹಿಡುವಳಿದಾರರನ್ನು ಬಾಧಿಸುತ್ತಿದೆ. ಇಡೀ ಜಿಲ್ಲೆಗೆ ಮುಂಗಾರು ಹಂಗಾಮಿನ 6 ತಿಂಗಳಲ್ಲಿ 1.52 ಲ ಮೆಟ್ರಿಕ್​ ಟನ್​ ಗೊಬ್ಬರದ ಅಗತ್ಯವಿದೆ. ಅದರಲ್ಲಿ ಸಂಯುಕ್ತ ಗೊಬ್ಬರ 65,487 ಮೆಟ್ರಿಕ್​ ಟನ್​ ಮತ್ತು ಯೂರಿಯಾ ಬೇಡಿಕೆ 54,268 ಮೆಟ್ರಿಕ್​ ಟನ್​ ಇದೆ. ಉಳಿದಂತೆ ಡಿಎಪಿ 27,129, ಎಂಒಪಿ 3,018 ಹಾಗೂ ಎಸ್​ಎಸ್​ಪಿ 2,430 ಮೆಟ್ರಿಕ್​ ಟನ್​ ಗೊಬ್ಬರ ಬೆಳೆಗಳಿಗೆ ಬೇಕಿದೆ. ಸ್ಥಳಿಯವಾಗಿ ಅಂಗಡಿಗಳಲ್ಲಿ ಗೊಬ್ಬರ ಸಿಗದ ಕಾರಣ ರೈತರು ಬೇರೆ ಊರುಗಳಿಗೆ ಅಲೆಯುಂತಾಗಿದೆ. ಇದನ್ನೇ ಬಂಡವಾಳ ಮಾಡಿಕೊಂಡಿರುವ ಕೆಲ ವ್ಯಾಪಾರಿಗಳು ಹೆಚ್ಚಿನ ದರದಲ್ಲಿ ಗೊಬ್ಬರ ಮಾರಾಟ ಮಾಡುವ ಮೂಲಕ ಬಡರೈತರಿಗೆ ಸಿಗದಂತಾಗಿದೆ.

ರಾಜ್ಯದ ಎಲ್ಲೆಡೆ ಇರುವಂತೆ ಜಿಲ್ಲೆಯಲ್ಲೂ ರಸಗೊಬ್ಬರದ ಕೊರತೆ ಇದೆ. ಕಾರಣ ರೈತರು ತಿಪ್ಪೆ ಮತ್ತು ಸಾವಯವ ಗೊಬ್ಬರ ಬಳಸಬೇಕು. ಈಗ ಬಿತ್ತನೆ ಮಾಡಿ ಒಂದು ತಿಂಗಳ ನಂತರ ನ್ಯಾನೊ ಯೂರಿಯಾ, ನ್ಯಾನೊ ಡಿಎಪಿ ನೇರವಾಗಿ ಬೆಳೆಗಳಿಗೆ ಸಿಂಪರಣೆ ಮಾಡಿದರೆ ಬೆಳೆಗಳೂ ಚನ್ನಾಗಿ ಬೆಳೆಯುತ್ತವೆ. ನ್ಯಾನೊ ಗೊಬ್ಬರ ದ್ರವ ರೂಪದ್ದಾಗಿದ್ದು, ಸಾಂಪ್ರದಾಯಿಕ ಗೊಬ್ಬರಕ್ಕಿಂತ ಹೆಚ್ಚು ಪರಿಣಾಮಕಾರಿಯಾಗಿದೆ. ಬೆಳೆಗಳಿಗೆ ತ್ವರಿತ ಪೋಷಕಾಂಶ ನೀಡುತ್ತಿದೆ ಎಂದು ಕೃಷಿ ಇಲಾಖೆ ಜಂಟಿ ನಿರ್ದೇಶಕ ರತೇಂದ್ರನಾಥ ಸೂಗೂರ ತಿಳಿಸಿದ್ದಾರೆ. ಹತ್ತಿ, ಶೇಂಗಾ, ತೊಗರಿ ಬೆಳೆಗಳು ಸ್ವಲ್ಪ ಬೆಳೆದ ಬಳಿಕ ಗೊಬ್ಬರ ಕೊಡುವ ಪದ್ಧತಿ ಇದೆ. ಯುದ್ಧದಿಂದಾಗಿ ಬರಬೇಕಿದ್ದ ಭಾರತಕ್ಕೆ ಲಾಂತರ ಮೆಟ್ರಿಕ್​ ಸರಕು ಹೊತ್ತ 17 ಹಡಗುಗಳು ಹೊಮುರ್ಜ್​ ಜಲಸಂಧಿಯಲ್ಲಿ ನಿಂತಿವೆ. ಇದರಿಂದಾಗಿ ರಾಜ್ಯಕ್ಕೆ ಬೇಡಿಕೆಯಷ್ಟು ಗೊಬ್ಬರ ಪೂರೈಕೆಯಾಗುತ್ತಿಲ್ಲ ಎಂದು ಅವರು ಮಾಹಿತಿ ನೀಡಿದರು.

"

ಜಿಲ್ಲೆಯ ಎಲ್ಲೆಡೆ ಬಿತ್ತನೆ ನಡೆದಿದ್ದು, ಹತ್ತಾರು ಸಾವಿರ ರೂ.ಖರ್ಚು ಮಾಡಿ ಬೀಜ ಮತ್ತು ರಸಗೊಬ್ಬರ ತಂದು ಹೊಲ ಹಸನು ಮಾಡಿ ಬಿತ್ತನೆ ಶುರು ಮಾಡಿ ಮಳೆಗಾಗಿ ಮುಗಿಲು ನೋಡುವಂತಾಗಿದೆ. ಆದಷ್ಟು ಬೇಗ ಮಳೆ ಬಂದರೆ ಮುಂಗಾರು ಬಿತ್ತನೆಗೆ ಅನುಕೂಲವಾಗಲಿದೆ.

— ವಿರುಪಾಕ್ಷಯ್ಯ ಸ್ವಾಮಿ ರೈತ, ಹೆಡಗಿಮದ್ರಿ